حياك الله بالمنتدى .. افضل طريق برأيي من الرياض للشرقية ثم مع أبوحدريه لين الخفجي .. المسافة حوالي 775 كيلو ، بينما لو ذهبت مع الطريق الأقصر وهو طريق المجمعه سمعت انه اقصر ب 120 كيلو لكن الطريق سيء .. لذلك توكل على الله مع طريق الشرقية .. وسلم على اهل الكويت الأجاويد

أحبك يا كويت
مشكور أخوي الكريم, الله محييك
تحياتي لك , وان شاء الله بيوصل السلام

السلام عليكم:
بالعكس طريق المجمعه هو الأفضل وهو كالتالي:
1.الرياض المجمعه"180
2.المجمعه إلى الأرطاوية 80
3.الأرطاوية إلى أم الجماجم:60
4.أم الجماجم إلى حفر الباطن160
5.حفر الباطن إلى المنفذ الكويتي (السالمي) 100
6.منفذ السالمي إلى الجهراء 100
7. من الجهراء إلى الكويت 30 كيلوا.
ويتميز الطريق بنظافة الطريق حيث أغلب الطريق جديد إذا مو كله.
وجود ديار ومدن
الطريق ماشاء االله مطروق بالمسافرين مو منقطع.
ملئ بالمحطات والمطاعم .
سايدين من الرياض إلى الكويت إلا 100 كيلوا سايد واحد من حفر الباطن لي المركز الكويتي
لكن واسع وممتاز
أتمنى توصلون بالسلامه وتستانسون بالكويت وأي خدمات ترى حاضرين.

طبق كلام اخونا المتفائل جدا ولا تروح مع غيرة طريق ابو حدرية طريق طويل وفية تحويلات و مابعد خلص .وتاصلون بالسلامة

مشكورين جميعا وخصوصا اخوي متفائل ولكن عندي سوال اذا تسمح انت متأكد من الطريق بهذا الشكل وبهذي المسافات اللي كاتبها ما شاء الله واخيرا بالنسبة للطريق هل فيه جزء منه مقطعه او كلة مطروق من السيارات والهجر وبالنسبه للمحطات هل فيها نقص او بعض المناطق غير موجوده فيها لأخذ الحيطه وشكراً

المتفائل جدا
مشكور جدا أخي متفائل
بس والله حيرتونا ياشباب
على كل حال , الحين عندي إحتمالين
وإن شاء الله يوفقنا للأفضل
وماقصرت

حياكم الله بالكويت
و الاعضاء جزاهم الله خير ما قصروا

السلام عليكم ورحمة الله وبركاته
الاخ تجاه بشر أي طريق سلكت ؟ ( الحمد لله على سلامة الوصول والقدوم )