ميونخ 3 ليالي
زيلامسي 5 ليالي
سالزبورج 3 ليالي
انترلاكن 4 ليالي
زيورخ ليله ومنها ترجعون للبلاد على الخطوط الاماراتية
ولو ركزت في رحلتك هذي على النمسا بيكون افضل
ميونخ 3 ليالي
زيلامسي 5 ليالي
سالزبورج 4 ليالي
فينا 3 ليالي
الحين انتو تبون فنادق ولا شقق فندقية اذا فنادق تحتاجون اربع غرف
ميونخ: الميرديان , الشيراتون , الهوليداي ان , ميركور
زيلامسي: السي فيلا , الجراند , ماكس , هيتزمان , فيشرويت
سالزبورج: ساخير , البريستول , الشيراتون , الريناسانس , كراون بلازا , رامادا , اوروبا , NH
فينا: الميرديان, الماريوت , الراديسون ساس, الانتر , امباسادور , اوروبا ,
قائمة الفنادق تطول وتطول وتطول بانتظار معلومات اكثر
موفقين ان شاءالله

تسلم حدّي مصر والله يجزاك وكل المسلمين الجنة ....المخطط انها تكون رحلة نمسااوية وشوي من المانيا وجنيف
السفر على طيران الاتحاد ...ام
بس بغيت اسألك عن النمسا مبدئيا بعد الاطلاع والنصح نصحووني ب مريديان فيننا !! هل هو قريب من المناطق السايحية والمطاعم
وبخصوص بقية المناطق النمساوية هل هي فقط ريف ! ووشو تنصحني بالترتيب من حيث الافضلية بين هذه الفنادق !
وهل تستحق الزيارة ؟!؟ بصراحة انا سمعت عن طبيعة زيلامسي سبحان الله وسمعت عن روعة فيينا بس بخصوص الباقي كيف !
وموفق وااسف على الاطالة

ميرديان فينا وتقدر تشوف صور لغرفتين مختلفتين في تقريري المتواضع ,,, و الفندق قريب جدا من شارع المشاه وموقعه رائع جدا
سالزبورج مدينة تقرب لها الريف اكثر فجمالها بقراها المتناثرة مثل سانت وولف قانق وسانت جليجين وموندسي وهالشتات ,,,, وزيلامسي قرية ريفية ولكنها رائعه جدا
موفق ان شاءالله

مشكور على المعلومات ...وبزور ان شاء الله التقرير ...
وبخصوص المسافات ممكن المسافات والوقت وااسف ع الاطالة مرة ثانية ....

المسافات قصدك باستخدام السياره ولا القطار
اذا السياره هذا المسافات بين المدن
من ميونخ الى زيلامسي 130 كيلو
من زيلامسي الى سالزبورج 60 كيلو تقريبا
من سالزبورج الى فينا 255 كيلو تقريبا
موفق ان شاءالله

كنت اقصد بالسيارة جزاك الله الف خير اخوي حدي مصر ....
بشوف الفنادق الي نصحتنا بها ان شاء الله .... وبشوف الترتيبات ....
وبخصوص المطاعم ماادري هل الاكل الحلال متوفر ومطاعم الوجبات السريعة هل هي حلال ؟!؟

الوجبات السريعه اللي باوروبا ما اعتقد انها حلال لانها تستخدم زيوت فيها خنزير كرمك الله وللاسف ماكان عندي با المعلومه هذي من قبل
بس فيه خيارات اخرى مثل المطاعم الايطالية و الهندية و الصينية و العربية و مطاعم الكباب (الشاورما) التركية
موفقين ان شاءالله

معناته مافي لحم ودجاجة في الرحلة ....
فوق الزيوت المستخدمة طريقة الذبح لازم تكون حلال ..
انا انتبهت للمعلومة لان حسيت ان الكل يسال عن المطاعم ويسال عن الوجبات السريعة الظاهر نسواء انها يمكن مب حلال !!! بس حبيت اتاكد .:wink:...تسلم الشيخ ....

AbuDhabi_Sun
لا ,, تقدر تاكل لحم ودجاج بس من مطاعم غير الفاست فوود مع التأكيد و السؤال عن الزيت المستخدم اذا كان فيه كحول او خنزير ,, لان طعام اهل الكتاب حل لنا ,, اللي حرام اكلهم البوذين ما نقدر ناكل منهم لا دجاج ولا لحم
موفقين ان شاءالله