والله يا اني توهقت بفيش اللابتوب الثلاثي ، المشكلة ما يبيعون في جنيف وما جاورها أي تحويلة من ثلاثي إلى ثنائي ووافق حاجتي للفيش ايام ويك اند ، والمحلات مسكرة ، وصرت اشغل اللاب توب على البطارية المشحونة من الرياض الله يديم العز ، وبسرعة اسكره لا تخلص البطارية ، والفندق يقول ما عندي شيء ، دبر عمرك ،
وانتظرت حتى فتحو يوم الاثنين ، وبسم الله قعدت الف جنيف محل محل وكاني قاعد اشحذ
" قدر الله علي وجيت بدون محول ومعي فيش ثلاثي ، بالله عندكم فيش ثلاثي " والإجابة لا دائما ، ويالله بالحسرة لقيت في سوق الماندور فيش عالمي لجميع الاشكال واشتريته ب 30 يورو تقريبا 150 ريال
، وهو يباع عندنا بخمسة ريال ومع المكاسر بثلاثة ريال
، وهذي صورته ، ولا يهمك الفتحة الثالثة اللي فوق ، تراها خدعة ومسكرة.

والقهر اني لما اشتريته وفكيته تفاجأت بأن هذا المحول ما يدعم الفيش الثلاثي حقي
، واحصل فيه فتحه يمكن استفيد منها للراس الثالث من الفيش ، ورحت اشتريت سكينة صغيرة وحميتها على النار ، وبديت اسوي فتحة جديدة للراس الثالث ، وبعد جهد جهيد تم الانتصار على هذا الفيش المخيس
نصيحتي اشتر كرتون افياش من ديرتك وابسط هناك وراح تحصل رزق .

عزيزتي swiss haidi
عزيزيsalemm20
شكرا على المعلومات المهمة ومتم لنا

والله يانا توهقت مثلكم
وشريته ب10 يورو

بس عفوا مافهمت يعني الفيش الثنائي المدور يشتغل ولا لا؟

نعم يشتغل
وهذا الدارج عندهم