الموضوع من كتابة ( حرم أسامة الحواج )
السلام عليكم
شلونكم
ان شاء الله يواعه
حياكم الغدا علي
رحلتي اليوم كانت الى
فندق المريديان ( بنيد القار )
و بالأخص إلى مطعم المرسى
و هذا الممر المؤدي للمطعم
و هذي صور للقعدات داخل المطعم
اهني لاحظو شاشات التلفاز
( عادة يحطون مسلسل كويتي قديم معروف ((درب الزلق)) )
بس هالمرة حاطين مباريات كاس العالم
( علشان الحين بدأ دوري كاس العالم )
و هذا الركن يكون للي يوزع قهوة و تمر ضيافة حق الطاولات
يعني و انتم بمكانكم ايي و يضيفكم قهوة و تمر قد ما تبون
طبعا المنيو عبارة عن مأكولات بحرية من أسماك و ربيان و غيره سواء مشوي أو مقلي
و لما تطلبون اييب لكم سيرفس معاه
أولا : المقبلات
حمص - متبل - سلطة جرجير ( واو شوية بحقه يم يمي )
مخلل - نوعين طرشي - بصل - معبوج - طحينة - خبز ايراني - تونه .. الخ
ثانيا : لما اتخلصون من المقبلات .......> راح يوصل الطبق
( أنا طلبت نقرور وسط مشوي : يكفي شخصين )
اييب لكم معاه :
نوعين رز
بطاطا حرة ( اخذوا حبة و غمسوها بالطحينة و اكلوها و ادعولي يم يمي)
مرق خضروات
بس عذروني كلينا منه قطعة قبل لا اصوره
ثالثا : بعد ما اتخلصون من الطبق الرئيسي ( مو تطلبون الفاتورة ) لان راح توصل التحلاية
عبارة عن : جاي على الفحم - سلة فواكه - مهلبية - بسبوسة - لقيمات - زلابية .. الخ
و هذي فاتورتنا مو واضحة ( بس السعر طلع 13.225 د.ك ....> ما يقارب 125 درهم اماراتي )
المطعم اعطيه 10 على 10