- اذا الله كتبلنا روحه ثانيه احاول اخليها اخر اختياراتي بسبب الطريق
السلام عليكم ..
حبيت اوريكم صور شقتنا في قرية بيتنبيرغ في انترلاكن .. وهي تبعد 20 دقيقه عن السنتر بالسياره وتقع فوق الجبل .. وبيتنبيرع تعتبر اطول قريه في اوروبا .. عباره عن شارع واحد طويل ..
المنطقه هاديه جدا جدا .. بس المنظر اللي تطل عليه خيالي ..
ايجارات الشقق فيها رخيصه .. شقتنا خذيناها ب 20 ديناركويتي,(70 فرنك سويسري) , اي 260 ريال في الليله .. وهي عباره عن شقه استوديو واسعه بمطبخ منفصل .. وللاسف صاحبة الشقه لا ترضى باطفال ..
فيها مطبخ مجهز بالكامل من كل شئ ثلاجه توستر جهاز صنع القهوه ...
فيها دي في دي .. وموقف سياره ..
بس عيبها الوحيد البعد والطريق الجبلي شوي يخرع .. بس مع الوقت تعودنا عليه ..
اذا الله كتبلنا روحه ثانيه احاول اخليها اخر اختياراتي بسبب الطريق
والمهم المهم لازم معاكم سياره .. اذا مو مأجرين سياره ما انصحكم فيها ..
وعن طريقة الحجز .. الصراحه احنا حجزنا أول 3 أيام بفندق قولداي في انترلاكن .. واخر يوم رحنا حجزنا سياره ورحنا انفورميشن سنتر وسألناهم عن شقق متوفره لمدة 5 ايام وقالتلنا عن بيتنبيرغ .. ولما دقينا عليها للاسف صاحبة الشقه ما تعرف انجليزي وخلينا وحده من الفندق اتكلمها واتفقنا انا نروح وانشوفها .. ورحنالها واعجبتنا .. واتفقنا وياها .. والمترجم كانت جارتها ..
الشقه عباره عن دور ارضي في بيت من 3 ادوار واهي ساكنه بالطابق الثالث وتأجر الارضي والثاني .. واحنا خذينا الارضي احلى واشرح وبصراحه الشقه كانت انظف من الفنادق اللي سكناها (قولدي ومنوبول سويس في لوزيرن) وصاحبتها كانت حاطه لنا شموع وكاكاو بعد .. وصابون معطر بالحمام .. ياحليلها
اخليكم مع الصور ...
صورة قرية بيتنبيرغ .. عن بعد
صورة البيت والسهم على موقع الشقه