السلام عليكم ورحمة الله وبركاته
اخوتي اعضاء منتدى العرب المسافرون
هذا الموضوع تتمه لموضوع
صور رحلتي للجبل الأخضر في عمان
https://artravelers.com/p/re/109289
ارجو ان ينال اعجابكم
عقب ما تحوطنا في المناطق والمزارع قلنا نروح ندور لنا
مكان نزهب غدانا فيه ، وعقب ما سألنا الناس دلونا اماكن
حلووة للشوي واليلسات
حصلنا هذا المكان الحلو ، وفي البداية كان الجو مشمس
ولكن عقب دقايق الجو غيم وقام يبرد من الخاطر والله
تصدقون الساعه تقريبا 2 الظهر
في الوقت هذا كنا نسمع اصوات قريبه منا
صوت الرعد ، اما نحن كان عندنا نفاف بس قام يزيد وها الوقت كنا تقريبا تونا مخلصين شوي ومتغدين فقررنا الشرده من نفسنا قبل ما نشرد غصبا علينا
وشرده !! والمطر مبين ع الجامه
وربعي يعلقون علي ، انت كل شي تبى تصور
تدرون ، المنطقه اللي كانت قريبه علينا حسيت ان فيها وايد مطر
واللي يانا نحن مطر متوسط
جزاهم الله خير حكومة عمان ، كل مكان لوحات ، وكل ما ترتفع بتحصل نفس هاي اللوحه اللي فوق
بس انتبهوا على الطريق عدل لانه مخيف بالقو ويباله تحمل
تلاحظون انه سيد رايح وسيد ياي واحيانا يستوي سيد واحد فقط !
يعني لازم تنتبه وتخف السرعه وتتأكد محد ياي من الطرف
الثاني عشان تقدر تطوف انت
والصخوور تتساقط فلازم تنتبهون !!!
وعقب النزول من المرتفعات الجبلية حصلنا شي ما توقعناه
حصلنا ناس واقفين على جوانب الطريج تعرفون ليش ؟
من زمان ما شفنا ها المنظر في الامارات
وفي نهاية الرحلة الحلوة صار لنا شي ما كان في الحسبان
شو تتوقعون صار ؟؟
انسد الطريج علينا وقت الغروب وتوهقنا
رغم هذا في ناس ما كان فيهم صبر وكانوا يعبرون
بس نحن ما جازفنا لان عندنا موتر ايجار والسفايف ولت اصلا
وسألنا الشباب المتيمعين هناك ودلونا طريج ثاني يرجعنا مسقط
ورجعنا بالسلامة والحمد لله
هذه نهاية جولتي للجبل الأخضر مع ربعي
وأتمنى الموضوع نال إعجابكم ورضاكم
تحياتي ول الإمارات د