السفر راح يكون بالطياره من الدمام اوالرياض الى صلاله
وراح اقعد في حدود 5 ايام

أنا رأيي إن صلالة تنفع للعزوبية وبس ما تنفع للعائلات وأحسن شي لك تروح بسيارتك خاصة إذا كانت سيارة دفع رباعي وعزبتك معك تطبخ وتوسع صدرك لأني ما حبيت مطاعمها

مثل ماقال زمان .. لو تروح بسيارتك افضل ..
حتى لو سيارتك صغيرة الوضع طبيعي جداً
ولا خوف عليك .. ولا خوف على السيارة
( اتكلم من واقع تجربة )
صلالة تنفع للعزوبية ونص ..
وآه يا صلالة .. ارض الاصالة ..

حبيبي
من واقع تجربه لاكثر من رحله الى صلاله
انا اراها عائليه بحته وممكن تنفع للعزاب لكن اذا كنتو عدد وحقين كشتات يعني شغل الدلع في الاكل من مطعم لمطعم هذي تنساها لان مطاعمهم سيئه للغايه ولا فيها من المطاعم العالميه الا اثنين بيتزا هت وكنتاكي والعالم طقاق عليها .
البلد بشكل عام بدائي يعني سالفة مجمعات تجارية وسينمات ومدن العاب وخلافه من انواع المتعه هذهي كلها تودعها قبل تطلع من السعوديه .
احسن مافيها الطبيعه الخلابه والخضار الي على مدى البصر سبحان الخالق والضباب والمطر الي لايكاد ينقطع بالأظافه الى انك هناك سوفى تودع ضيف عزيز علينا الا وهو الشمس الحبيبه اتوقع انك لن تراها الا اذا طبيت السعودية مره ثانية .
اهلها قمه في الادب والطيبه
المحلات التجاريه تقفل بدري يعني اذا ودك تقضي اغراض لاتفكر بعد الساعه 11 ليلاً
اذا ودك تشوي هناك فنصيحه خذ معك من هنا شباب الفحم (( المكعبات البيضاء المشعله للنار)) لانك ماراح تحصلها هناك
ياغالي اضني كثرت عليك في الكلام
استودعك الله واي سؤال انا حاضر

يعطيكم الف عافيه على الردود يلي تثلج الصدر
طيب بخصوص المطاعم فيها مطاعم مندي ومظبي ...؟؟؟؟اهم شي الرز

شمالي
اطمأن مطاعم المندي متوفر والرز والسمن هي اكلات شعبية في صلالة وموجود بالمطاعم الشعبية
انصحك تسحب بسيارتك احسن لانكم شباب والرحلة ماراح تتعبكم
مكاتب تحجز لك ماراح تحصل وخصوصا بشهر 8 لانو زحمة عليهم واجد
خذ خيمة وتوكل ع الله وبعدين تدور ع راحتك للسكن ومادامكم شباب ماعندكم مشكله اموركم راح تنحل بسهولة وراح تستانسوا ان شاء الله
بخصوص الخيمة انا اتغشمر واياك
ربي يوفقكم

صلالة 99
هلا اخوي
الصراحه مالي خلق او متكيسل اروح بالسياره
طيب اقدر اشحنه من الدمام الى صلاله..؟؟؟
وعندي سؤال ثاني فيه طريق يوديني من عمان الى ابها...؟؟
واسف اذا طولت عليكم