ابوعزيزABUAZIZ
13-09-2022 - 09:40 pm
السلام عليكم ورحمة الله وبركاته .........
يا اخواني توي جاي من صلاله ...الحمد لله ...
وابقولكم باختصار بعض المعلومات عنها ... ( علشان ماتتوهقون)....
اولا انا رحلتي دامت اسبوع واحد كلها في صلاله....
السكن في هيلتون .... وهو جدا جميل لكن نصيحه مايصلح لعوايل تخاف على عيالها وبناتها...
وغالي شوي .....
اما بالنسبه للاماكن اللي رحت لها :
اولا: شاطيء المغسيل ... لازم تعرف انه للفرجه فقط يعني شف وامش .....
بس روعه والله ....
وبعد ماتخلص منه وانت نازل لصلاله بتجي لوحه على يمينك يمكن ماتقدرتقراها
لانها مواجهه للقادم من صلاله ...... مكتوب عليها تبرع لمسجد ومدري ايش
(هذي اللي قالت عنها الاخت فتاة تهامه على مااعتقد)... من جد روعه..
اللي يروح صلاله ولايمرها فاته نص عمره ....... والله يجزى اللي دلتنا عليها كل خير ........
هي تمشي من طريق ترابي يطول شوي مو مره وتمر من قريه بعدين تصل لحافة الجبل
اللي يطل على البحر والدنيا كلها خضراء............... من جدمنظر يدعو الى التفكر وشكرالخالق.....
وتطبخ غداك وتقضي باقي يومك هنا...........
هو تقريبا بعد ماتمسك طريق المغسيل 18 كيلو وتوصل اللوحه............
ثانيا: سهل اتين : حلو وتقضي فيه يوم كامل وهو قريب مره ولو ما اعجبك ارجع........
بس يوم انا هناك كان ضباب مانشوف اللي قدامنا ورذاذ..... روعه........
ثالثا: وادي دربات:::: هذا عاد روعه بس نصيحه اطلع له بدري
لانك ماراح تقدر تجلس فيه من الباعوض (الناموس).... اللي اثاره الى الحين فيني :112:
يعني تفرج وامش وصور ... ارض خضراء وشديده وخشب الاشجار اسود اعتقد من الرذاذ الدائم.....
بالنسبه للعيون :: تفرج وامش لانها مليانه باعوض .... مؤذي ....
خاصه اللي معهم اطفال لاتضايقهم بالباعوض لانه يجيب الحكه الفظيعه اللي ماعمري شفتها
عموما انا اقتنعت انها تنفع اكثر للعوايل الكثيره او الشباب ....
يعني ناس يحبون المكاشيت....
اللي مايحب المكشات لايتوهق ويروح لها.........
هذا باختصار وعلى وجه السرعه ............
لاني بس حبيت اذكر اهم النقاط....................
واي سؤال انا حاضر...
تحياتي للجميع..................
فعلا صلالة روعة للي يحب الكشتات
مشكور
وحياك لموضوعي اللي في التوقيع
والحمد لله على سلامتك
أخوك
نزف