حسب علمي لايسمح لك بالسفر اذا جوازك فيه اقل من 6 شهور

بس النمسا طلعوا لي فيزا يعني منطقيا يخلوني ادخل .. انا بطلع من الخبر للبحرين لدبي للنمسا

عصاقيل النمله
دامهم عطوك الفيزا ماعليك من اطلق شنب اجرائاتك قانونيه وعندك فيزا ماعندك مشكله...الافضل يكون بجوازك ست شهور تفاديا للمشاكل بس حد الفيزا طلعت ماعليك منهم....سافر و انت متطمن
سفره سعيده وموفقه ومكلله با النجاح ان شاءالله

اخوي عصاقيل النمله
مالقيت الاّ عصاقيلها ( اصلا وش فيها عشان تدور غيرها ههه )
المهم كلام اخوي قرقاص صحيح انا سمعت في الراديو الاسبوع اللي فات لقاء مع رائد في الجوازات يقول
لا يسمح بالسفر اذا بقى عالجواز 6 شهور ، والسفارة ما يهتمون الا بانو الجواز ساري المفعول
في لحظة استخراج التأشيرة ، وانا انصحك انك تجدده عشان ماتتوهق في المطار هنا ....
ورحلة موفقه

أخوي
انا عكس رأي الاخوان اللي يقترحون ترك الموضوع بدون حل .. لأن النظام واضح .. والجوازات تعليماتهم واضحة في هالجانب .. ولا تغامر ثم يردونك من المطار ..
لكن
استفسر من السفارة نفسها .. واشرح لهم وضعك
وقل .. هل راح تغيرون التأشيرة للجواز الجديد في حالة تجديدي لجواز سفري .. بسهولة ؟؟ او ان الامر راح يطول ؟؟
لأنهم مؤكد جداً ... مر عليهم زي حالتك
وتجديد الجواز مثلك عارف ماراح ياخذ اكثر من يوم بالجوازات
ووسع صدرك .. ان شاء الله الأمور تمام
تحياتي

مشكورين جميعا على ردودكم .. من جد ماني لاقي جواب شافي من احد ... السفاره ما يردون واذا دخلت على الموقع ما تلقى فيه شي في ذا الخصوص .... والجوازات اذا دقيت عليهم تحس انهم ما يعروفن من النظام شي وخصوصا الاستعلامات ...
عموما انا ما عندي مشكله في الطلعه لأني بطلع عن طريق البحرين بس هل النمسا عندهم مشكله في مدة الجواز والا اهم شي الفيزا ؟
ودمتم

أفضل شيء هو طرح السؤال على الجوازات ، أكيد بيعطونك العلم الأكيد ...

أخوي
السفارة دق عليهم بعد 12 ظهراً .. وراح يردون عليك
المشكلة تكمن في السماح لك بدخول النمسا أو اوربا ولا لا ؟؟
ممكن يردونك من هناك .. أنا اقول لاتغامر .. وحاول تضبط امورك قبل السفر .. رح للجوازات وخذ جواب من شخص مسؤول مو من اي جندي مثلاً ، او انقز للسفارة واسأل وراح يدلونك وممكن القنصل بنفسه يقابلك ويجاوبك ويعطيك الحل
اتمنى ان امورك تتيسر
تحياتي
قانوني