- اما من حيث المطر والضباب نقول الله يرزقنا مثل ازنقول
- المهم بينما كنت اتصفح المنتدى حوالي الساعة الرابعة والثلث
- ( هذي ازنقول ياللي تلومني فيها )
- المهم ويوم اقتربنا من الجامع الكبير في ازنقول وحوالي
اخواني الاعزاء
السلام عليكم ورحمة الله وبركاته
يوم امس الاول الاثنين( حلوه امس الاول زي اسلوب الصحافه )
ودي اسوي عليكم مثقف وانا من جنبها
وانا جالس انا وعديلي في شقتنا انا وهو حيث اننا اخذنا شقتين شقه كبيره جعلناها للعيله والبزارين وشقه صغيره جالس فيها انا وعديلي عزابيه
وحنا جالسين بالجو الازنقولي الغرام
الممطر والبارد والضبابي جو سبحان الله
يذكرني بجو الخليج لا تستعجلو وتقولو كذاب الخليج الان حر وتقول فرن تميز نار مولعه
انا قصدي البرد الان في ازنقول يذكرني بالبرد في الخليج في عز مربعانية الشتاء بس من حيث البرد
اما من حيث المطر والضباب نقول الله يرزقنا مثل ازنقول
المهم بينما كنت اتصفح المنتدى حوالي الساعة الرابعة والثلث
عصرا سمعنا اذان العصر ( حلوه بينما كنت ) (تقول مثل مذيعين اخبارالعربية ) المهم طوالي نزلنا ورحنا للمسجد القريب من خلف مطعم الصاج ودخلنا المسجد وما فيه احد فاضي قلت لعديلي هذولا اسرع ناس بالعالم الاسلامي شكلهم صلو بسرعه وطلعو المهم اقمت الصلاة وصلينا العصر وسبحنا وقرينا الاذكار وطلعنا ورجعنا اخذنا الكامرات من الشقه وطلعنا بالسيارة ورحنا قرب البحيرة عند مصب الماء خلف فندق انصار وقمت اصور بالفديو والفوتوغرافي واتصلنا باخوانا بالسعوديه نوصف لهم الجو ونقهرهم وحنا بالمطر والضباب والبراد وهم تحت المكيف واقولهم عبارتي الشهيرة من سنين من يوم عرفت ازنقول اقول
( هذي ازنقول ياللي تلومني فيها )
المهم ويوم اقتربنا من الجامع الكبير في ازنقول وحوالي
الساعة خمس ونص ونسمع اذان قالي عديلي وش هذا الاذان ماهو عصر ولا هو مغرب قلت هذا يمكن العصر والاذان الي قبل شوي خطا او واحد من البزران الازنقوليين يلعب بالمكرفون او انه واحد عربي ( من كثر ما يقولون الازنقولين لنا عربي عربي صرت مثلهم ) قصدي خليجي اذن حسب توقيتنا بالخليج المهم قلنا نعيد الصلاة لانه للعلم لا تجوز الصلاة قبل دخول الوقت ولو بخمس دقايق المهم دخلنا الجامع الكبير وصلينا العصر مرة ثانية
وامس العصر الثلاثاء تكرر نفس الشي
بس عاد ما صلينا مع اول اذان صلينا في الاذان الثاني
واحب استفسر من الخبراء وش قصة الاذانيين وانا اللي اعرفه عندنا بالسعودية بس الفجر والجمعه فيها اذان اول واذان ثاني لكن عند الازنقوليين حتى العصر عندهم اذانيين قصدي اذان اول وثاني
ومن عنده خبر وعلم يعلمنا زاده الله علم واعتذرعن الاطاله بس عاد الانترنت مجاني
والجو غرا ام
والعاشق فاضي
وسلامتكم وسلامي
الفرق أن المذهب الحنفي يرى أن وقت صلاة العصر يبدأ عندما يصبح ظل كل شيء مثليه، بينما المذاهب الأخرى ترى أن وقت صلاة العصر يبدأ عندما يصبح ظل كل شيء مثله .. لذلك فإن الفرق بين المذهب الحنفي والمذاهب الأخرى حوالي ساعة كاملة يتأخر بها المذهب الحنفي _____________
اما بخصوص الاذانين فلا علم لي بهما..عسى ان يفيدنا بشأنهما الاخوان
ولاتنسى لاهنت تذكرنا بكم اخذت انت وعديلك الشقتين.. وكم مكانهما وايضا اسعارها وهواتف اصحابها ..وفقك الله