همة
11-11-2022 - 05:50 pm
اخوكم رايح بعثة إن شاء الله بعد شهرين تقريباً، واللحين عندي قبول من جامعة والمعهد التابع لها وعندي عائلة بروح لها وشفت صور العائلة وغرفتي وكل شي في البيت ماقصروا والله، بس عندي مشكلة بقولها لكم من البداية ياليت بالكم يسمح ويتسع لسماعها :
أنا طول الله اعماركم من القصيم وتحديد من أرياف مدينة بريدة أو كما يسمى ب ( الخبوب) وهي مناطق زراعية كثيفة يكثر فيها النخيل وزراعة الخضار والبرسيم وغيرها من الورقيات على أطراف المدينة، المهم أنا رجال ولدت وعشت ونشأت في المزارع أنام بدري واقوم بدري
بصراحة موضوعك جميل وهذا حال كثير من العرب اذا تعودوا على شي ,,
واجمل شي في الدنيا البساطة
طيب بقولك نصيحتي
كثيرمن تعود على شي لاكن لظروف والظرورة تعود على اشياء كثيرة وكله علشان الاهم وهي الدراسة !!
على العموم موضوعك سهل خذ معاك شوية قهوة وهيل وزعفران اذا تحب ومسمار وغلفهم تغليف حراري !!
وخذ معاك دلة اما الفناجين فبتلاقيها بلاستك خذ معاك شوي !!
اما الرز والبهرات ممكن تاخذ معاك نفس الشي كيس صغير لانك بتلاقي هناك رز امريكي وقريب من رزنا !!
اهم شي قبل ما تسوي القهوة او تطبخ مكن تستأذن منهم اول مرة وشوف وجهة نظرهم بما انك ساكن عندهم !!
واذا وافقوا عطهم من الي تسوية يذوقونه يمكن يعجبهم الوضع ويخلوك تطبخلهم كل يوم
او انك تكتفي بقدر صغير لك او انه يمكن ما يعجبهم وتحاول تتأقلم على الوضع او زيارة المطاعم العربية مع انك ذكرت انك ما تحب اكل المطاعن لاكن الحاجة لها ,,
اتمنى لك التوفيق والاهم انك تنتبه لدراستك ونرفع راس اهلك وذويك وراسنا بعد ياغالي ,,
تحياتي لك