hanoo2008
19-05-2022 - 07:02 am
اليوم والحمد لله اخذت الفيزا الدراسية لكن في عندي اسئله بسيطه ياريت تجاوبوني عليها ولكم الاجر والثواب
شفت نجمتين تحت الصورة في الفيزا ؟؟؟ ماذا تعني
ودي اعرف الفيزا الدراسية كم مدتها وتنتهي يعني اذا طول ماانا مستمر طالب بدراسة اللغه وبعدها الجامعة يمكنني البقاء في امريكا؟؟؟
اذا اسافر لتركيا وارجع والفيزا الامريكية بالجواز وصالحة على موعد دراستي بشهر العاشر؟ مافي مشكلة؟
hanoo2008
الف مبروك الفيزا .. وبالنسبة لنجمه ولا نجمتين اتمنى ما تشيل همها هذي يمكن رموز داخليه وهم يعرفونها و المنتديات قامت تخلي الناس توسوس .. ولكن الحمد لله الي عنده نجمه ونجمتين دخلوا امريكا..بالنسبة للفيزا ومده الدراسه .. الفيزا هي عباره عن تصريح دخول امريكا ... يعني تقدر تدخل امريكا اي وقت تكون فيه الفيزا ما انتهت ولكن طبعا لازم يكون عندك I-20 يوضح انك طالب حالي في احد معاهد او جامعات امريكا وهو المهم للاقامه في امريكا.
لو انتهت فيزتك وانت مقيم في امريكا و معك i-20 يكون يوضح انك طالب حالي و منتظم في احد الجامعات عادي تجلس في امريكا لين تخلص دراستك. ولكن لو طلعت من امريكا و فيزتك منتهيه ما تقدر تدخل امريكا الا لمن تجددها حتى لو انك طالب منتطم و I-20 ما انتهى.
السؤال الاخير ما فهمته زين. تقصد بتسافر تركيا مثلا بالعطله الصيف قبل ما تدخل امريكا اساسا. ولا بتطلع من امريكا اجازه لتركيا وتبي ترجع.
بس اهم شي مدام عندك فيزه ما انتهت و I-20 يوضح انك طالب حالي ما عندك مشكلة.
في ملاحظة مهمه لو دخلت امريكا و درست على سبيل المثال ترم او فتره وحبيت تنزل السعودية او اي دوله ثانية اجازه لازم تطلب من المشرف حق الطلاب الاجانب انه يوقع لك على I-20 علشان تقدر تدخل امريكا مره ثانية.