caesar jeddah
24-11-2022 - 12:56 pm
الموقع : بعيد عن محطة الطار ( لا تسكن جمب المحطة ما فيه شي هناك ...أفضل منطقة للسكن جمب النهر ) خلفه مباشرة من خلال بوابة في نفس الفندق تخرج على أشهر حديقة عندهم وآخرها على اليمين تخرج على النهر وفندق ساخير ( كان خياري الثاني بس بصراحة أثاث الشيراتون أحسن منه .
السعر : طبعا غالي بس سوي مثلي ....كيف ؟ .......أفتح موقعهم وخذ رقم التلفون واتصل عليهم مباشرة وحدد الموعد وكل ما كان الحجز مبكر كان السعر أفضل ( عند الفنادق أول عشرين غرفة تنحجز بسعر جداً منخفض ثم العشرين اللي بعدها واللي بعدها ....يعني اللي سبق أكل النبق .....أيش النبق ؟ )
بعدها يطلبون رقم الفيزا .........أطلب منهم يرسلون لك فاكس تأكيد للحجز .....أنا أخذت عندهم غرفة مطلة على الحديقة ب145 يورو
خدمات الفندق : يخدمونك في الحجز وشراء التذاكر للبرامج السياحية ....طبعا كل الفنادق عندهم هذي الخدمة بس يقولون السيستم داون ....ويساعدونك في اختيار أفضل رحلات القطار اللي ما فيها تغيير قطار وزمن الرحلة أقصر وحطات التوقف أقل وبالذات بين سالسبيرج و ميونخ
البوفيه : إفطارهم جدا مميز ....والبوفيه مطل على الحديقة ....بس الشي المميز في الخدمة ...جدا لطفاء ...كانوا يقدمون الإفطار لبنتي ( سنة وثلاثة شهور ) بطريقة مرحة وتاكل معاهم ....رغم أننا انا وأمها نطاردها( شفتم البطريق وهو يجري ) ونحكرها في ركن عشان لقمة وحدة ....ويعطونا بكل لطف أكل لها ناخذه معانا
ياليت تمر أختي سفريات على الموضوع ...لأنها متميزه بوضع صور الفندق ...أنا إذا حطيتها ما تفتح
القبلة .......باتجاه الحديقة مع انحراف جهة اليسار جهة ركن الغرفة
وحمد لله على السلامة ... لكن هذا الشرح لتجربة هذه السنة أم سنة سابقة ..