السلام عليكم ورحمه الله وبركاته
هلا وغلا باخواني انا بصراحه معجب في هالمنتدى كثير وقلت لازم اسجل علشان اكتب هالموضوع المهم
انا موجود في لندن من شهر تقريبا ... وبجلس مايقارب 6 اشهر لظروفي الصحيه .
لاكن مادفعني اني اسجل واكتب الموضوع هو لاننا مقبلين على موسم صيف يعني موسم سياحه
وحبيت اوضح لكل سائح خليجي بالذات لايقع بالشي اللي انا واقع فيه ..
وهو عندما ترغب في ايجار شقق وخاصه في الاجور رود شارع العرب عليك الحذر كل الحذر من التعامل مع العراقيين وهم من الاكراد طبعا مانعمم لان التعميم خطا ولاكن الاغلب نصابين ومحتالين .
يعني لازم لما تاجر منه يكون بينكم شي رسمي عقد من مكتب او ورقه تثبت هالشي .
طبعا المكاتب تكون اغلى شوي ولاكن تضمن حقك ، يعني اهم شي ماتاجر بس كذا شفهي لازم يكون بينكم اوراق رسميه
لاني انا استاجرت من واحد عراقي سمسار ، ولما جلست في الشقه يوم واحد وضعها مخزي للاسف الحي اللي هي فيه حي سيئ وكله عصابات ههه والشرطه شغاله في الحي طول الليل وفوق هذا كله تخيلوا مافيه ابراج للجوال .
ثاني يوم اتصلت فيه وقلت له انا لازم اطلع ووافق على طول لانه عارف الشقه ووضعها قال بس اعطيك نصف السعر اللي دفعته .. وانا ماجلست الا يوم واحد طبعا الايجار اغلبه بالاسبوع وهذا افضل شي علشان اذا مااعجبك الوضع تمشي وتدور غيره .
طبعا طلعت من عنده خصم علي نصف المبلغ لاني جلست يوم واحد واللي يقهر انه الى اليوم صارله اسبوعين كل يوم يقولي بكره اعطيك ومرات مايرد ومرات مقفل جواله يعني يصير ملح ويذوب .
وهذا الخطا اللي مابي اخواني يطيحون فيه انه لازم يكون له مكان معروف ويكون بينكم شي رسمي
واتمنى للجميع التوفيق والله يكفينا شر كل من به شر .
واي خدمه او استفسار انا جاهز انا متواجد في لندن وانشالله اقدر افيدكم بس ترا ماني مثل اخواننا اللي مشاء الله عليهم اي شي يعرفونه يعني عليمي بس يقولون اخواننا المصاريه اللي يسال مايتوهش .
يعني بامكاننا نسأل لكم .
تحياتي للجميع