السلام عليكم ورحمة الله وبركاته
اشد على يد كل من اسس هذا المنتدى الذي صور السفرات البرية من اروع ما يمكن واكرر الجميع حتى محد يزعل ويعاتبني على القصور:x1:
انا ساتكلم عن رحلاتي البرية وكيف كنت اشعر ولن اصف المناطق التي سافرت اليها لان الجميع كفوا ووفوا في الوصف
بدات رحلاتنا بالسيارة من سنة 1996 واول رحلة لي الى سوريا كنا نسير على الخارطة ظننت ان الطريق لن ينتهي كنا انا وزوجي:m9:وابنائي بنت عمرها7سنوات وولدين 4و2 سنوات الله لا يراويكم كيف كنت كارهة حياتي في السفر ليش ؟؟؟
لان زوجي هو القائد في اي رحلة نقوم بها وتخيلوا عدد السيارات التي تتبعنا من 5 الى 8 سيارات كل مرة وبتقولون وانت شو مشكلتك ؟ اقول الله يسلمكم انا زوجة القائد حمالة الاسية طول الطريق اصبر زوجي على ثقل دم البعض وبطئ البعض والهم الاكبر لما ندخل المدن لنعبر الى الطريق الدولي مثل الهفوف والاخوة يمشون على كيفهم وزوجي همة كان لايضيعون عن بعض قبل كانت التيلفونات ما تشتغل زين (( نسيت نحنا من الامارات )) والشبكة ضعيفة واللي ويانا دايما يكونون اول مرة يسافرون بالسيارة وفي الاستراحات عند محطات البترول وع كانت رهيبة الحين الوضع احسن شووي انا اتولى الحريم وادرس (( الجمع في الصلاة واماكن تغيير الاطفال وعييني على الاطفال لايضيعون لان الحريم ما يصقون ينزلون الا ودق سوالف وانا المسكينة استعجلهم :112:عشان الطريق طويل اول رحلاتنا كنا نبات ليلتين في الطريق مرة في حفر الباطن ومرة في القريات لكن بعدين صرنا نبات مرة واحدة في حفر الباطن
وبعد الوصول ناجر بيوت جنب بعض انا افضل البيت الارضي اللي فيه حديقة عشان اقعد في البراد ما احب حبسة الشقق
ويحكم معرفتي بكثير من السوريين لكثرة ما تنقلنا بين البيوت ما انزل من السيارة ( بعد هالخط الطويل)) الا الجميع يركض للسلام صغار وكبار رجال ونساء محملين بالهدايا مما لذ وطاب من الفواكه(( ترى خويتكم ما تنساهم من الهدايا )) احب الطيبة فيهم لكن انا تكون رجولي ما تقدر تشيلني وهم يبون يسولفون وانا مخي في الشغل اللي وراي ((كيف شغل في السفر))
الله يسلمكم انا اعيش في البيت المستاجر مثل بيتي اغير كل الفرش اللي على السراير واغراض المطبخ اكون جابتنها معاي وبعدين لازم اروح البقالة لشراء مستلزمات الطبخ وماء الشرب
وادخل البيت وانا امني نفسي اني بعد تنظيفة بالطريقة اللي احبها بغط في نوم عميق نسيت اقول اني فالاماكن اللي انام فيها في الطريق مايغمضللي جفن من التعب ما اقدر انام ولان العيال يكونون شبعوا نوم في السيارة فابعدهم عن ابوهم عشان يرتاح وينام ولما يبدى النوم يداعب جفوني يكون ابو الشباب شبع نوم وقام يالله يا حلوين ورانا طريق بتكملون نومكم في السيارة ((هاهاها العبها على غيري طول الطريق وانا صبي قهوة صبي شاي ماى ابغي شبس ابغيي كاكاو وانا لاتوسخون السيارة عطوني اللي تاكلونة بجمع الوسخ وانظف اياديهم واشغلهم عشان يسكتون عن ابوهم ))
نرجع لسوريا اقول وانا مندمجه في شغلي الا الباب يدق ربعة السفر كلهم عند الباب جوعانين وعطشانين ويت انروح والمسكين التعبان ابو الشباب يركبهم في السيارة ويوديهم وانا الف على بيوتهم عشان اكون الصلة بين الحريم وصاحبات البيوت السوريات يعني كل وحدة تقول شو تبى من الثانية كوفي انان مب كافلة اليتيم
وارجع البيت وانا بصييح من التعب والجوع والعطش لين يرد ابو الشباب
عندي كلام وايد بس تعبت وانا اكتب واسترجعت ذكريات سفراتي smile001: