ما شفت انا !!!
وكلامك صح
ليش ما يصلون في غرفهم ؟؟؟؟؟؟؟؟؟؟؟؟؟؟؟؟؟؟؟؟؟؟؟
غريبه

انا مادخلت الفندق الا مره وحده لاني ما سكنت فيه
بس انا مااحب افتي بشي مو متأكده منه .. بس على ماعتقد انه مايجوز انهم يصلون قدام الرياييل
ولكن انتي اذا شفتيهم مره ثانية حاولي تنصحينهم .. وتاخذين الاجر على ذلك

صلاة المرأه في منزلها أفضل من المسجد ما عدا صلاة العيد
فما بالك الصلاة في لوبي الفندق
كلامك صحيح بس انا ماشفت المصلى
وأعتقد انهم واضعينهم للي مسوي تشيك آوت ورحلته متأخرة ..

انا كنت اشوفهم كل يوم لاني ساكنه في غراند وحتى مره كنت جالسه مع اختي
مرت وحده منقبه وسلمت علينا ووقفت تصلي على الارض بدون ما تفرش شي او يكون بينها وبين الناس ساتر
وكان على الكنبه اللي جنبها جالس واحد شكله خليجي مقابلنها يعني ما يصير تصلي وفي ريال مباشره امامها بدون حاجز وهذا غير الموظفين اللي في الاستقبال كلهم يشوفونها والناس اللي يمرون طالعين او داخلين للفندق

القعقا ع
لا اخوي مافي مصلى ولا مكان مخصص للصلاه
انا بس كنت حاطه عنوان قاصده د الانتباه لموضوعي انا اسفه اذا العنوان لخبط الموضوع ولكن للتوضيح اكثر
انه مافي مكان مخصص للصلاه ولا شي لكن السيدات يوقفن في لوبي الفندق للصلاه واعتقد انهم مش من سكان الفندق لانهم لو ساكنين في الفندق اكيد بيصلون في غرفهم
احتمال من الاشخاص اللي يكونون ساكنين بعيد ويجلسون عند البحيره قرب فندق غراند ووقت الصلاه يدخلون اللوبي عشان يصلون
بس المكان مش مناسب للصلاه ابدا

شى غريب الصراحه
بس حتى لو مش ساكنين فى زيلامسي المفروض ما تصلى قدام واحد يالس على الكرسي اللى جدامها او عدالها .. او على الاقل اذا بتصلى .. المفروض هو يحشم و يقوم
اتصور لو كملوا مشي على البحيره ... بيصلون لمكان فيه قله من الناس ... يصلون هناك احسن .. فى مكان تقريبا منعزل او بعيد عن عيون الاكثريه من الناس

no nick
صحيح كلامك اخوي no nick وانا لهذا السبب كتبت عن الموضوع لاني سكنت اسبوعين وكنت يوميا اشوف اخوات يصلن في اللوبي
وانا شفت انه ما يجوز لكن استحيت اكلمهم وفي نفس الوقت ما اعرف شو ممكن يكون ردهم علي فتجنبت بصراحه اني انبهم منعا للاحراج وخوفا من اني اتعرض لوحده ملسونه ممكن تطول لسانها
فقلت افضل حل اني اكتب عن الموضوع عشان الاخوان ينبهون زوجاتهم واخواتهم انه ما يجوز صلاه المراه جدام الرياييل وفي مكان مب مناسب
اما بالنسبه للريال كان يالس من قبل ومشغل اللاب توب طبعا كان الافضل يقوم من مكانه مدام الحرمه وقفت تصلي لكن حتى لو ما غير مكانه الغلطه مب غلطته اصلا صلاتها في المكان هذا غلط

هاهاهاها يعني حبكت في اللوبي ،،، صحيح اذا كان ولا بد وهم على سفر وساكنين بعيد عن الفندق يا انهن يجمعون الصلاه او يقدمونها في غرفتهم او في مكان ساتر بالمطار

مافيه فتوى تقول ان صلاة المرأه امام الرجال ماتجوز .. لكن هو من باب احترام مكان الصلاة يعني اقصد ان الوحده لما تصلي مثل كذا في اللوبي ومليان ناس ماراح يكون قلبها حاضر للصلاة وناس ماشيه من هنا ومن هنا.. لكن اتوقع ان القصد كانوا يبون ينشرون الدين الاسلامي ويبينون الصلاة وان مايردهم شي .. او يكون فندقهم بعيد ومايبون الصلاة تفوتهم ومو حل انهم يجمعون لان هذا فيه اختلاف ..
انا لما كنت في الكابرون شفت ثنتين كويتيات لما جاء وقت الصلاة قامو في الثلج وفرشوا بساط صغير وصلوا عليه قدام الناس عادي .. وعجبني فيهم حرصهم