هلا بك يا ابو عبدالرزاق
والف الف مبروك على الزواج
والله يوفقك
انا ابجاوب على بعض اسئلتك والبعض لن يبخل بها الاعضاء الاخرين
ج1: لا اعلم. لكن سعر التكسي من المطار الى وسط كوالالمبور 80 رنجت
ج2: هناك مطاعم عربية في وسط كوالالمبور بعيدة عن الخيول الذهبية منها:طربوش وخيمة الصحراء ومندي حي العرب
ج3: من أفضل الأماكن في كوالا: الاسواق-ابراج التوأم-برج الاتصالات (المنارة)- ملاهي الصن واي اقون
ج4: فنادق بينانج ومنها الباي فيو بيتش تقع خارج المدينة بحوالي 15دقيقة بالسيارة وسعر التكسي من وسط بينانج الى فندق باي فيو بيتش حوالي 25 رنجت لا اعلم عن المطار لأنني واصلها عن طريق الباص
ج5: حديقة الفراشات- حديقة الفواكة- حديقة الطيور- حديقة القرود- الشلالات- مزرعة النباتات الاستوائية- السوق الليلي- المتحف الصيني- هضبة بينانج- جزيرة القرود (رحلة شواء)
ج6: سعر الساعة في بينانج 20 رنجت على شرط ان تأخذه اكثر من ثلاث ساعات
ج7: هناك رحلات الى لنكاوي تبتداء من الصباح والعودة عند المساء شاملة التنقل في لنكاوي ووجبة غداء 120 رنجت
ج8: لنكاوي لم أزرها لكن حسب علمي النسر والتلفريك وعالم تحت الماء وحديقة التماسيح ومن الممكن اخذ جولة بحرية حول جزر لنكاوي (لكن يلزمك المبيت ليلة في لنكاوي)
ج9: 80 رنجت تقريبا
ج10: الصن واي لاقون
ج11: لا أعلم
ج12: برضه لا اعلم
ج13: سعر التكسي 70 رنجت والتلفريك 4رنجت للشخص لكن التلفريك ليس من كوالا الى جنتنق
ج14: مدينة الالعاب والتلفريك ومركز التسوق فقط هذا كل ما في جنتنق
في كوالالمبور سوق يسمى السوق الصيني انصحك بعدم زيارته وان قمت بزيارته فلا تأخذ المدام معك بسبب الزحمة والروائح الكريهة ولكن يمتاز برخص الاسعار
يلزمك في ماليزيا بعضا من اللغة الانجليزية علشان تمشي نفسك
عندما تريد الصعود الى الجسر الذي بين البرجين فعليك الحضور قبل الساعة التاسعة صباحا والدخول مجانا
حاول ان ركبت تكسي ان تمشي على العداد في المشاوير القريبة وبعض اصحاب التكاسي يرفض العداد
تجنب الخروج بعد الساعة 11ليلا وذلك بسبب الفساد في بعض الشوارع
وتروح وترجع بالسلامة
واجازة سعيدة
ورحلة موفقة ان شاء الله

مشكور اخوي والله يعطيك العافيه
بس ماادري كيف العرض لي ماخذه انا كويس وش ملاحظاتك عليه
ياخوان وينكم وين الخبراء والمسافرين الفعالين والمشرفين
تكفون

السلام عليكم ..
حياك الله أخوي ابو عبدالرزاق ألف مبروك على الزواج
.. أبشر بسعدك بس بغيت منك أول شي تروح على هالموضوع حق الأخ العزيز الجمال وتنزل الملف اللي هو حاطه وتقراه زين
https://artravelers.com
ونشوف ان شاء الله بعدين وش يبقى من الأسئله أنا أعتقد ان الملف هذا فيه الرد على كل تساؤلاتك ..
تحياتي لك أخوي ابوعبدالرزاق وحنا معاك للأخر ..

مشكور اخوي
طيب العرض وش رايكم فيه والفنادق طيبه كل البرنامج وش ربسرعه تكفون
وشكرا

السلام عليكم ..
أخوي بالنسبه لأسعار البرنامج ... فهي معقوله جداً
أما ترتيب البرنامج فأعتقد انك لو تحطلك يومين لجزيرة لنكاوي تراها طيبه للعرسان أكثر من بينانق من ناحية الهدوء .. يعني تخليها 4 بينانق 2 لنكاوي 4 كوالا ... واذا تقدر تضيف يومين لكاميرون ترا طيبه
أما الفنادق : فا الخيول ممتاز جدا وماعليه كلام..
باي فيو في بينانق حلو وسعره أحلى ...
سويس قاردن في كوالا ثلاث نجوم موقعه على شارع العرب ولو انه في آخر الشارع بس مافيه
مشكله أما عن نظافته وخدمته مالي علم فيه والله ... لكن ليش ماتشوفون فندق ثاني يعني أربع
نجوم والا خمس اذا الميزاينة تمام .. خمس نجوم مثل ماريوت أو أربع نجوم مثل دورسيت ريجنسي
تحياتي لك وبالتوفيق ان شاء الله..

السلام عليكم ...
الف الف مبروك اخوي ابو عبد الرزاق والله يجعلها سعادة وخير .
حياك الله اخوي ابوعبدالرزاق ...وماقصر حبينا سكوربيون الله
يجزاه خير ...واخونا الغالي ابو ميسم ...اخوي ابو ميسم اسجل
اعجابي الشديد بك وبردودك الجميلة وكلمة استاذ ماليزيا فيك قليلة .
ماقصروا الشباب بيض الله وجههم ...بغيت اخبرك انه فندق سويس
جاردن مش قد كده ...ومثل ماقال اخونا ابو ميسم ياليتك تغيره بأي
فندق اخر وعندك دورسيت ريجنسي والفرق 20 ريال ..احلى واروق
وموقع اجمل من سويس جاردن ...لانه جماعته صينين .
ووقتك ضيق اخوي وخسارة مافيها لنكاوي وكاميرون ...ودافع
تذكرة فوق 3000 ريال ...بالبلدي نقول حللها صراحة ولا حق
التذكرة والتعب ...مادام رايحين رايحين ما نخبطها صح لين ما نشبع
رأي خاص اخوي ونتمنى لك كل توفيق وسعادة والسلام عليكم

1. أخي هذه معلومات بسيطه عن التكاسي في ماليزيا اتمنى تفيدك


2. وبيننغ تقريبا يفضلو الأسعار الثابته.


3. ملاحظه:

أخي ابو عبدالرزاق عليك من الله السلام لقد تكلم الإخوان وليس بعد قولهم قول ولكن حبيت ان اشارككم الحديث وأرى بأن 12 يوم قليله زودها شوي لو كان عندك وقت خاصه انك في شهر العسل ورحله لن تنساها ماحييت وعندما ترجع ستتمنى لو انها طالت وابغى اقول شي انت آخذ التذكره ب 3200 للشخص والإقامه تقريبا ب 1200 ريال للفرد التذكره هذا سعرها والخطوط الماليزيه في وجهة نظري المتواضعه انها افضل خطوط للسفر لماليزيا من واقع تجربه شخصيه , ولكن نرجع لحديثنا لا حظ ان مبلغ التذكره هو يشكل معظم السعر وتكلفة الفنادق بسيطه بالمقارنه مع سعر التذاكر يعني حرام تدفع حق التذاكر وتجلس 12 يوم بس يعني لو زودت الأيام ماراح تفرق كثير .

أخي هذه معلومات بسيطه عن التكاسي في ماليزيا اتمنى تفيدك

بالنسبه للتاكسي والتوصيل من المطار والعكس فرتبها بنفسك أفضل وماتحتاج لغه انجليزيه قويه (يعني بكلمات بسيطه تمشي).
بالنسبه لمطار كوالالمبور فهناك خدمة الليموزين تنقسم الى فئتين بدجتBudget(بدجت ترى مامعناها شركة سيارات تاجير السيارات المشهوره ولكنها تعني الفئه المنخفضة التكلفه) والفئه الآخرى برايمير Primer ويعتبرونها الفئة الراقيه ولكنها على فكره ماتختلف عن بعضها ابدا بس الفئه برايمير سياراتها اوسع شويه وانا انصحك تاخذ بدجت ويبيعون كوبوناتها قريب من بوابة الخروج تعطيهم اسم الفندق او المنطقه اللي تبغى تروح لها ويعطوك كوبون عليه رقم البوابه وتذهب وتركب التاكسي الفرق بين الفئتين بحدود 20 رنجيت تقريبا وإذا اشتريت الكوبون يمكن تسترجع القيمه او تستخدمه خلال 6أشهر(من المطار على البدجت الى بوكيت بنتانغ تقريبا63رنجيت).
والتكاسي متوفر في جميع الفنادق يعني تستاجره من عند باب الفندق حيث ان عامل الفندق يطلبه لك حيث توجد أمام الفنادق بكثره وحالتها ماهي سيئه وهي مأمونه.
بالنسبه لبيننغ نفس الكلام في المطار الكوبون تقريبا الى شاطئ باتو فيرينغي اللي عليه معظم الفنادق تقريبا 45رنجيت بس التكاسي فئه وحده.
بالنسبه للنكاوي توجد تكاسي وكاونتر بنفس الطريقه وسعر التاكسي لأبعد فندق حوالي 20 رنجيت.
طبعا بعض التكاسي في ماليزيا يتفق معك على سعر ثابت والبعض الآخر بالعداد وتتم طريقة إحتساب المبلغ كالتالي:
يفتح العداد للتكاسي العاديه ب 2رنجيت لأول 2 كلم للتاكسي الكبيره ب 4رنجيت لأول 2 كلم وسعركل مئتين متر10سنت للصغيره والكبيره 20سنت وسعر فتح العداد للمطار يختلف عن سعر فتح العداد في البلد حيث يكون تقريبا 15 رنجيت للتاكسي الكبير في كولالمبور.
طبعا في لنكاوي مافي عداد ولكن الأسعار ثابته.

وبيننغ تقريبا يفضلو الأسعار الثابته.

ملاحظه:

كثير من الإخوان يقولون بأن خدمة التاكسي في ماليزيا سيئه لأن السائقين لا يقفون لهم لأنهم عرب وخلافه ولكن هذا كلام غير صحيح بتاتا حيث ان التاكسي لها مواقف محدده امام المجمعات التسوقيه ويركب الناس بالدور عشان كذا ما يوقفوا (لكن كثير من السائقين يوقف بعيد عن هذه المواقف ويحاول ياخذ الركاب من بعيد لما يشوف الركاب عرب عشان يأخذ زياده على المبلغ المتعارف عليه).
بالنسبه لمن اراد ان ياخذ التاكسي فعليه ان يحسن التوقيت للذهاب والعوده لأنه في بعض الأوقات يكون صعب تحصل على تاكسي بسهوله مثل وقت انتهاء الأعمال للموظفين في الخامسه مساء ووقت قفل المجمعات التجاريه بين الساعه 10 و 11 ليلا.
اتمنى اكون افدتك

السلام عليكم ..
أستاذنا العزيز الشعيبي .. جزاك الله خير على تواضعك وكلامك الطيب .. شهادة أعتز بها ..
وهذا كله جزء بسيط من ماعندكم ..
أخي thobyane جزاك الله خير على هالمعلومات المفيدة ..
تحياتي للجميع ..

الى جميع الاخوه الذين اسعدوني كثيرا بمشاركتهم وهذا ان دل على شي فانما يدل على الترابط القوي بين اعضاء المنتدى وكذلك محاولة مساعدة الاعضاء المسافرين الى ماليزيا ويعلم الله اني احببتكم في الله رغم اني لم ارى ايا منكم لكن اهتمامكم بي واخذي الى الطريق الصحيح اكبر دليل على الاخوه
كل ما ذكر من نصائح وارشادات سوف اقوم بالعمل بها
لكن
عن قصر المدة فانا والله كان تخطيطي على 16 يوم لكن حجز الطيران لم يسعفني
اما عن فندق السويس قاردن فانا اخذت بنصيحة الموظف في الشركة السياحية
هل بامكاني ان اغير الفندق
وهل الشركه سوف تعيد لي المبلغ الذي دفعته في فندق سويس قاردن
لكي استفيدبه في حجز فندق اخر
وشكرا شكرا شكرا