والله صادقة حجوزات الطيران صايرة مشكلة ..
وغير الغاء الحجز ممكن يرتفع سعرها في اي لحظة ..
مثل احنا السنة الماضية حجزنا التذاكر شهر واحد انجليزي وبعد شهر زادت 500 ريال ..طبعا طيران الاتحاد ..
وهالسنة تلافينا المشكلة وقطعنا التذاكر امس ب7960 لشخصين وبنتي عمرها 5 سنوات وشوي ( ارخص سعر حصلناه )على لاتحاد برضوا لانه الترانزيت حقه قليل والوصول والمغارة ممتاز وقتهم ..
و المكتب قال ان الاسعار بتتغير بعد شهر يعني بتزيد ..
والافضل تقطعوها اللحين عشان ماتغلا خاصة ان عددكم كبير ماشاء الله ...
وبالتوفيق ..

على فكرة سفرنا 4/8/2008

شكرا اختي..على الرد..الي بيساعدني طبعا في اتخاذ القرار...
ومنتظره اجمع راي الاعضاء الكرام..
يعطيج العافيه..

هذا اختي النظام المتبع في مثل هذه الشركات التجارية
وهذا كله مقابل السعر المنافس
عدم شراء التذاكر في هذا الموعد راح يفوت عليك أمرين
السعر المنخفض للتذكرة
وامكانية توفر الحجوزات
الشيء الأخير اللي ممكن اضيفه هو انه لا بد من معرفة شروط شراء التذكرة ومعرفة كافة حقوقك في حالة الألغاء
او
تغيير موعد الحجز
ومدى صلاحية عمر التذكرة
وبالتوفيق

مشكور اخوي ابو عزيز على الرد..الي فادني طبعا..
تحياتي

ايه ذكرت ..
المكتب قال لزوجي ..
اذا كنسلنا الحجز لاسمح الله ياخذوا 200 ريال على كل تذكرة ..
واذا تغير موعد الرحلة يعني تقديم او تأخير 150 ريال على كل تذكررة ..
والافضل تتخذوا قراركم على السفر بدري عشان تحصلي اسعار زينة لطيران والفنادق ..
وبالتوفيق ان شاء الله ورحلة سعيدة مقدما ..

شكرا اختي..على ردج...واظاهر اني بشتري التذاكر قبل 20/3..
تحياتي..

تحصل معاي في كل سفراتي منذ 15 سنة نفس الحكاية
الحل :
كلما جاء او اقترب آخر موعد للشراء تتصلين بمن حجز لك وتؤجلين الموعد زود اسبوعين
حتى تقترب الرحلة شهرين فتشتري التيكيت .. لازم يوافق لك أو توجهي لادارة شركة الطيران وستحل مشكلتك

شكرا اختي على مداخلتج..
الي بتفيدني طبعا
تحياتي