يا حلو يا أنا
01-11-2022 - 04:32 pm
السلام عليكم يا أعضاءنا ...................... والله لكم وحشه كبيره
أبشركم اليوم وصلت لندن حيث تبدأ دراستي غدا أنشاله قادما من باريس واهي كانت المحطه الاخيره حيث سلمت السيارات اللي استاجرناها من المانيا في بون ورحت فيها شتوتغارت, ميونخ, فينا , زل ام سي, جنيف ,باريس واخيرا الى لندن عن طريق اليورو ستار ب90 يور مع العوده بس قطينا تذاكر العوده
البدايه استاجرت سيارتين اس ال 350 ب 3000 يورو بالشهر
و سي ال كيه 240 اليجانس كشف ب 1400 يورو بالشهر من منطقه بون وطبعا كل اثنين منا بسياره ولحقنا لما وصلنا فينا صديقين لنا وكملوا معانا المشوار على سياره سي ال اس 350 وهو الحوت الجديد بو درايش صغار او اللي يسمونه الغواصه وكان بالشهر ب 3000 يورو وزرنا فيها الاماكن اللي قلت عليها بالسياره ولا وجهتنا اي مشاكل ولله الحمد حيث النفجيشن اتوماتيكي اوربي بالسيارتين ما يحتاج اني ابرمجه ولا شي بس كان مشكله غيرت مسار خطتنا الا وهي السيارات الغاليه ممنوع تدخل ايطاليا لانها من السيارات الغاليه لانه الانشورنس ما يغطيك والمافيا ما تقصر بالبوق بها السيارات وحاطين نظام قالنا عليه عن طريق الستلايت يوقفون عمل الماكينه اذا دخلت الحدود الايطاليه
ولا كان لنا خاطر بفينسيا ورمينيه وميلانو
المهم ما اطول عليكم انظروا التقرير انشاله مني ها الايام
وبانتظار تقريرك وملاحظاتك الذهبيه والله الله بالصور اللي تخلي الواحد كأنه واياك بالرحله
لا يكون رفيجيك اللي لابس الغتره في ايرلاندا معك
تقبل تحياتي
السحاب