كثير كلام
18-03-2022 - 01:45 am
مساكم الله بالخير جميعا
طبعا انا بقولكم وش صار لنا اليوم بالسفاره (الاربعاء 14 مارس) العدد 6 اشخاص
كان حضورنا للسفاره الساعه 0705 صباحا وما كان في زحمه بالطابور جلسنا الى الساعه 0750 وبعدها بدو الناس بالدخول الى السفاره المهم
جا دورنا عند المكتب الي برى الي يتفحص الاوراق ويشوفها قبل الدخول المهم
وهو يشوف الصور شاف صورة الوالده الله يحفظها وكانت متحجبه ومطلعه الشعر من قدام والسوالف بس الصوره لم تكن مقبوله فقالنا روحو صورو صوره تكون الاذنيين واضحتيين المهم
رحت انا مع الوالده عششان اصورها باستيديو بساحة الكندي والوالد الله يحفظه دخل هو واخواني كانت الساعه تقريبا 0810 المهم
رحنا للاستيديو وكان قبلنا ناس مو كثير مره صورت الوالده بس اظطرينا اننا ننتظر الين تحمى الة الطبع لانها توها مشتغله قالنا ابو فلب يبيلها 20:112: دقيقه المهم
انتظرنا الين الله فرجها واخذت الصور ورجعنا للسفاره طبعا ماننتظر على طول رحنا لمكتب تفحص الاوراق وشاف الصوره وقال ادخلو المهم
دخلن وخلصنا اجرءات التفتيش ودخلنا لصاله الانتظار والحمد لله ان الوالد كان عند الشباك يوم جينا واعطيته اوراق الوالده عشان يعطيها الي عند الشباك الاول في اول صاله على اليمين المهم
خلصنا من عنده واعطونا رقم للمقابله وهنا حصلت الحيره
رقمنا كان 415 والارقام تمشي وتمشي الين تعدت رقمنا وصلت 422 استغربنا حنا الوضع وسالنا السيكيوريتي وقالنا عادي لان الاوراق تتوزع عل كل المكاتب ويمكن الموظف الي اوراقكم عنده توه ماداوم وبالفعل
داوم الخواجه ودق رقمنا رحنا له وكان انسان عادي وهادي ويطقطق شوي عربي ويستهبل على اختي الصغيره المهم
اخذنا تبصيم من الوالد الى اخوي الي اصغر مني (الاربع اصابع اليسار,الاربع اصابع يمين,الابهاميين مع بعض)وبعدين بدى الاسئله
بدى في الوالد
كم عمرك؟
كم مره رحت امريكا؟
هل عندك احد تعرفه بامريكا؟
وين بتروح بامريكا؟
متى اخر مره رحت فيه امريما
من هالاسئله المستهلكه وسئل اخوي الي اصغر مني تقريبا نفس الاسئله واقل بعد وانا ما سئلني شي ولا الوالده
وقالنا اموركم تمام والفيزا ان شاء الله بتصدرلكم بس انا ابتصل فيكم بعد شهريين(8 اسابيع) عشان تجيبون الجوازات نحط فيه الفيز اعطانا جوازاتنا وورقه صفرا مكتوب فيها عدد الجوازات فا
وش الوضع الحين من خلال تجاربكم وهل في ناس صارتلهم نفس السالفه الي هي انهم يعطونهم الجوازات ويقولون لهم اننا بنتصل عليكم هل فعلا بيتصلون ولا هذي تصريفه محترمه + تعليقعه؟؟؟؟؟
