بالنسبة للمجمعات التجارية فالافضل مجمع الراشد ومجمع الظهران والباقي مجمعات عادية
بالنسبة للمطاعم فأنصحك بمطعم البانوش ( بحري ) ومطعم مغل ( هندي ) في الخبر
أتمنى لك رحلة سعيدة وترجع بالسلامة

عافاك الله أخوي (ما هقيت) ماقصرت الله يجعلك دائما سالم
تراكم عيون قلبي وابغاكم تصيرون عيون راسي

حيّاك الله يا اخوي / ربعي
جدول الخميس من وجهة نظري
بعد الفطور

• زيارة معرض سايتك ( مدينة الامير سلطان للعلوم) وحضور أحد الأفلام

العلمية مثل عالم الفضاء أو عالم البحار وأنصحك بالأخير وطبعاً بداخل القبة
العلمية بسايتك .
بعد صلاة الظهر

• جولة حرة في الظهران مول وإذا حبيت تتغدى في نفس المول فهناك الكثير من

المطاعم وانت وذوقك ، واذا حبيت تضرب بالخمسة
الرزّ وأخواته ، فعندك الله يسلمك مطعم ماضينا بالخبر
بعد صلاة العصر

• إذا كنت تريد ملاهي وألعاب للأطفال مجمع الظهران فيه مدينة ألعاب وإذا

حبيت تغير مكان فأنصح بسفوري لاند في مجمع العثيم مول بالدمام على طريق الأمير
محمد بن فهد.
بعد صلاة المغرب

• زيارة القرية الشعبية بالدمام بالقرب من الشاطىء مول وفي حي الشاطىء

بعد صلاة العشاء

• جولة في مجمع الشاطىء مول وبعدها اذا حبيت يكون العشاء خفيف

يعني معجنات واخواتها فعندك يا طويل العمر منؤشة الريف للمعجنات
أو مملكة المعجنات والمحلين على نفس الطريق ( طريق الأمير محمد بن فهد)
وإذا حبيت مشويات فعندك مشويات أبورمانة وهذا بعد على نفس الطريق .
وإذا لم يعجبك الجدول نبدله لك ولا يهّمك
خالص تحياتي واحترامي

حياك الله بالشرقيه
واهم شي رح للبحر لان ماعندكم بحر
واهم المولات
الراشد روعه ويصلح تتغدا فيه وفيه مقاهي كثيره
والظهران مول نفس الشي
لكن المجمعات الثانيه مهيب زينه مضيعة وقت
وفيه لولو هايبر حلو ومنتجاتهم الي يبيعونها ماتوجد بالملاحت الثانيه
والمطاعم بوابة الشرقيه روعه
مغل روعه
ابو نواس (الليوان )
القريه الشعبيه بالدمام
..
والمتنزهات
فيه قرية الدلافين بالدمام
وركوب القوارب في الهاف مون اتوقع
والعزيزيه كلها خيول ودبابات
والشقق انصحك بشقق لين دائما اسكن فيها روعه ونظيفه وقريبه من الراشد في الخبر
وجسر الملك فهد حلو منظر البحر
واذا معك جواز كمل ورح للبحرين انت وعائلتك من الصباح وارجعو المغرب
حلو مجمع ستي سنتر والسيف
واي خدمه انت تامر
بالتوفيق

حياك الله في شرقية الخير
ماشاء الجميع ماقصروا الله يعطيهم العافية
نتمنى لك طيب الاقامة

ماشاء الله
ماقصرتوا نوخذة الدمام / روز2010
ألف تحيه لكم

الشكر الجزيل للأخت روز وللجميع لكن وين مكان لولو هايبر
بعد قلبي يا النوخذة أنا أشهدإنك تبرد الكبد ولايهون الجميع
برنامجي يا بعدي من بعد العصر عرفني أكثر عن معرض سايتك موقعه برنامجه أوقات العرض
موقع القرية الشعبية ورامز توصيف دقيق تراي ما مندلولة
لك كل شكري

1. لولو هايبر مانصحك فيه زي بنده ميستاهل تضيع وقتك فيه


2. موقع سايتك في الخبر على كورنيش الخبر افضل زوره الصباح

ماشاء الله الاخوان ماقصرو معاك

لولو هايبر مانصحك فيه زي بنده ميستاهل تضيع وقتك فيه

موقع سايتك في الخبر على كورنيش الخبر افضل زوره الصباح

القريه الشعبيه في حي الشاطي انا مو عارفه وين ساكن بضبط علشان اوصف لك بس موقعه اذا صار فندق الشيرتون على يدك اليسار اخذ يمين من الاشاره الى يكون فندق الشيراتون على يسارك وبعده ماتاخذ يمين بيصير مجمع الشاطي على يمينك كمل بيجي لك دوار اخذه سيده كمل بتشوفه على يدك اليسار
واذا فندق الشيراتون على يمينك اخذ من الاشاره سيده وكمل الدور سيد وبيجي على يدك اليمين
واذا بنك ساب على يدك اليمين اخذ من الاشاره يسار وكمل بيجيك دوار كمل بيجي على يسارك
رامز له كذا طريق بس انت وين ساكن علشان نوصف لك وزحمه دايم طريقه تجنب يوم الاربعاء والخميس فيه
ومجمع الظهران حاول يكون له يوم لانه كبير وفيه كذا مجال حق شوبنق والعاب اطفال وكافي وتاخذ عشاء فيه
مجمع الراشد انصحك العصر لانه بعد العصر والصباح يكون فيه نسبة شباب كثيره
مطاعم انصحك مجموعة مطاعم في جزيرة ادغيثر ومطعم بوابه الشرقيه ومطعم الداو
بوابة الشرقيه جنب واحة المستهلك في الخبر
الداو خلف مجمع التركي في الخبر
مطعم ابو نواس حق الدمام احلا بكثير من الخير
كوبر شندنى على كورنيش الخبر احلى من حق الدمام
منؤشة الريف على شارع الببسي سابقا شارع الامير فيصل بن فهد حاليا عنده معجنات وفخار شغلاته خفيفه وحلوه
حق الدمام معجبنى
مملكة المعجنات في الدمام طريق الامير محمد بن فهد الشارع الاول سابقا اقبال بنده روعه معجناته يصلح حق ريوق عند فلافل حلوه
فندق مارينا مول في الدمام يصلح حق الاطفال العاب اذا بطلعهم الصباح
هاف مون انصحك تروح له يوم الخميس او الاربعاء حلاته بزحمة الناس
العزيزيه فيه دبابات وحنطور
وحياك الله في الشرقيه واى سؤال حاظرين

شوف اخوي انا جيت الجمعه من الشرقيه قبل امس يعني الخميس رطوبه تطفشك والجمعه غبار انا رجعت الرياض الجمعه الصبح مليت من الجو
بس عامه الخبر وناسه اذا كان الجو زين
عندك مركز سايتك والله روعه بحقه قليله خيالي ممتع جدا
الكورنيش على الفجر وطلعه الشمس روعه خذ قهوتك مع المدام واستانسو وفيه ملاهي للعيال بعد لاتفوته
السكن اسكن في منتجع بودل خيالي وخدمات وفيه مسبح وكوفي فيه تقرير له هنا انا سكنت فيه تمام انصح فيه
وسعره مناسب الاستوديو 330وفيه خصم لمنسوبي وزارة التربيه والتعليم اخذناه 275 لليله
المطاعم كثيره انا احب مشوار بشارع عشرين شغله روعه ونظيف اهم شي الجمبري .....كلش حلو
فيه مطعم اسمه اسوار الخبر عوائل روعه روعه اكلهم حلو ويملون الصحن يستاهل قيمته ترا حلو لايفوتك خاصه اسكلوب دجاج ومشكل بحري وصحن شورما بنوعيه لاتفوت واحد من هالمطعمين وانت بتدعلى
المولات كثيره انا رحت للراشد وضاق صدري كله مغازل ولبس للاسف الشباب يدخلون والدعوه سيبه اطلع فوق للملاهي احسن لك وللاهل انا شطبت عليه فيه غيره كثير الله لايبتلينا سامحني طولت عليك
رحله سعيده وترجعون بالسلامه
اختك صدى الذكريات