حياك اخوي ..
5 ايام فيينا
3 ايام سالزبورق
7 ايام زيلامسي
3 ايام ميونخ
يومين يورب بارك
3 ايام زيورخ
ومن زيورخ على باريس .. طبعا بتسالني ليه يورب بارك .. اولا ماشاء لكثرة ايامك .. وثانيا لانها تستاهل الزيارة وقريبة من زيورخ .. حيث ان زيورخ منطلق رحلات لاوروبا .. هذا راي وانتظرك ؟؟
بالتوفيق ،،

مشكور اخوي بيمو على الرد انا بنت مو ولد اخوي بسالك ماتحس انا الايام قليلة في ميونخ انا ناوين نتنقل كم مدينة في ميونخ واحس ان الايام فينا كثيرة وزيوخ غالية اورخيصة ومثل طبيعة النمسا اواحسن لال الوالد يبي طبعة وبراد بس فياليت لاتبخل علينا بمعلوماتك
طيب لوكان المدة شهر كيف يكون توزيع الايام

حياك اختي ..
انا كثرت ايام بفيينا لطول مدة سفرتكم .. وبالنسبة لميونخ مافهمت وش قصدك بتزورون كذا مدينة منها ؟؟ وعموا ميونخ نفسها 3 ايام كافية لها .. وبالنسبة لزيورخ هي غالية شوي ..
ودي اسالك الدول المحددة فقط النمسا والمانيا ؟؟ ولا ممكن تدخل سويسرا بالموضوع ؟؟ لانو المانيا مافيها الى ميونخ بالنسبة للقرب من النمسا والمعروفة لدى الناس .. ولكن سويسرا ممكن تكون خيار مناسب خصوصا انو الوالد الله يحفظة يبي طبيعه وجو حلو .. فاذا كان اوكي فهذا ترتيب ارجوا انه يعجبك :
4 ايام فيينا
3 ايام سالزبورق
6 ايام زيلامسي
3 ايام ميونخ
يومين انسبروك
يومين لوقانو
3 ايام جنييف ( ومنها على باريس )
واذا كانت المدة شهر .. ممكن تزيدين الايام في اي مدينة او تغيرين عدد الايام ( وع فكرة توزيع الايام حسب رأي يعني ممكن غيري يختلف معي ) ..
انتظر رأيك .. بالتوفيق ،،

مشكور اخوي بيمو واللة لايحرمنا من توجيهاتك ويوفقك دنيا واخرة
اخوي بسالك انسبروك وين هذي في فينا لوقاتو هذي في سويسرا يورب بارك وين مكانهاالمانيا ايش قيها
طيب تنصحني اسكن في الكابرون ليلتين او راح تكون قريبة من زيلامسي
طيب الوالد يقول ابي اجلس في المانيا اقل شي 7ايام تحس ان المدة طويلة اوكويسة طيب ايش المدن الحلووة في المانيا
طيب تنصحني تكون وجهتنامن الرياض الى فيناثم المانياثم فرنساثم الرياض او العكس وتنصحني اروح لجنيف
معليش اخوي كثرت اسئلتي لان مصدقت لقيت احد يعطيني وجة
اللة يسعدك

ردو علي بيمو اواي احد عنة خبرة في النمسا والمانيا

حياك اختي .. ولك بمثل مادعوتي
انسبورك مدينة نمساوية تبعد عن الحدود مع سويسرا 150 كم .. ولوقانو سويسرية على الحدود مع ايطاليا .. ويورب بارك في المانيا وقريبة نوعا ما من الحدود مع سويسرا 80 كم ..
بالنسبة لكابرون هي جنب زيلامسي 5 كم فقط .. يعني ماله داعي السكن فيها اذا بتروحون زيلامسي .. او العكس اسكنوا فيها وهي قريبة من زيلامسي ..
بالنسبة لالمانيا اللي اعرفة وكثرة السياح تروح لها هي ميونخ ويورب بارك .. ولكن امانيا اقل بكثير من حيث الطبيعة من النمسا وسويسرا وهذا اللي يبيه الوالد الله يخليه لكم الطبيعة والبراد ..
انا كنت بقولك انكم تبدون رحلتكم من فيينا مرورا بسالزبورق وزيلامسي وهكذا ..... الى العودة من فرنسا .. ولكن لانك قلتي انو سعر استئجار السيارة من المانيا ارخص قلت يمكن يكون افضل ..
وبالنسبة لجنييف طبعا مايحتاج احكي عنها لانها تستاهل الزيارة .. وانا اضفتها بالبرنامج لانها عالطريق الى فرنسا .. وبرضوا لكثرة عدد الايام ..
وهذي صورة حاولت فيها اقرب لك الفكرة ومواقع المدن .. علماً بان المسافة بين فيينا وجنييف 800 كم تقريبا ..

بالتوفيق .. وبانتظار رأيك ..

مشكور اخوي وماقصرت واللة يسعدك
انا بعطيك برنامجي واذا كان عنك اقتراح على البرنامج قلي بما انك مشرف النمسا
4ليالي فينا
3ليالي سالزبورغ
7ليالي زيلامسي
2ليلتين انسبروك
3ليالي ميونخ
2ليلتين يورب بارك
3ليالي جنيف
3ليالي فرنساايش رايك بالبرنامج علية اي ملاحظة اوزيادة اونقصان
بسالك على نقطة مهمة التنقلات بين هذي المدن ايش احسن
الطائرة او القطار او سيارة مع سائق ترى اللفة عندنا ليست قوية
واللة يوفقك دنيا واخرة

بيمو وينك رد علي

السلام عليكم ورحمة الله وبركاته
اولا : انا زوجة صاحب المعرّف ^___^
اختي عشقي الرتحال .. اتمنى لك رحله موفقه وتنبسطون فيها وعجبني فيك تخطيطك للرحله وعدم استعجالك باللقرار بمخطط الرحله ..
بصراحه انا كنت راح افتح موضوع فيه استفسار مشابه تماما لاستفسارك .. وبما ان الاخ المشرف كان متفاعل معاك
قررت اني اضم صوتي لصوتك طبعا بعد اذنك واستشيره بمخطط رحلتنا .. وبكذا نستغله خ
استفساري هو كالتالي :
الأخ بيمو اسعد الله مساك بكل خير
اتمنى انك تساعدني بما انك خبير ماشاء الله تبارك الله
اول شي المسافرين 3 اشخاص
انا وزوجي ابو حسين الله يحفظه وبنتي عمرها 3 سنوات ...
مقر سكنا في الدمام
مقرنا في الدمام واول مره نقرر نسافر لاوروبا .. وبما ان الواحد طالع طالع لاوروبا نبي ناخذ جوله على كذا مدينه في كذا دوله
ومن خلال ما قرأت ارجح الدول التاليه
ابتداءً من النمسا .. ثم الدول الباقيه اللي هي المانيا وفرنسا و سويسرا
طبعا اتوقع عدد الايام اللي ممكن نجلسها هي 15 يوم .. وممكن تزيد الى 20 يوم كحد اقصى
ودي تكون طبيعة الرحله في البدايه مناظر ومناطق بارده ومريحه للنفس , لان الواحد محتاج جدا للبراد والراحه النفسيه والاستجمام وخصوصا اننا راح نطلع باذن الله في بداية اوقست .. يعني عز الحر والرطوبه عندنا
وبعد كذا نحتاج برضو لصخب المدينه خ من مقاهي واسواق وكرنفالات ............ الخ
واحنا على اساس راح نعمل التخطيط عن طريق مكتب سياحي بس احنا حبينا نسال اهل الخبره
وبعد المقدمه الطويله .. راح الخص لك الاسئله اللي في بالي ....
1- تخطيط مسار الرحله ابتداء من فينا ..
2- انسب الطرق واوفرها (طياره .. قطار .. استئجار سياره ) للتنقل بين هذه المدن ؟
3- ترشيح اسم كذا فندق للاقامه فيه وما يكون غالي ؟ حبذا لكل مدينه
4- ماهو الافضل لحجز الفندق عن طريق المكتب السياحي او الانترنت ..؟ لاكن المشكله ماقد جربت احجز عن طريق النت واخاف تتعسر ؟؟ لاكن اذا بغيت استفسر اكيد راح ارجع اسال عن الحجوزات من جديد ؟
وراح اكون شاكره لك اخوي جزيل الشكر
اختك ام حسين