الشيخة هلا
14-02-2022 - 08:37 am
السلام عليكم
كيف حالكم اهل هالمنتدى
عساكم دوم عالقوة وربي يرزقكم بكل سنة 100 سفرة قولوا أن شاء الله
وتدعون لي
انا عضوة جديدة
دلتني عليكم أخت عزيزة بمنتدى اخر.. لانها شافتني متحيرة واايد
وقالت لي انكم راح تساعدوني بلا شك
خطيبي قاعد يفكر اننا نقضى شهر العسل بإيطاليا
والمشكلة ان هالشهر بيكون اما في شهر 7 او 8 وربما 9 إذا اتعبتني تجهيزاتي
ليش مشكلة! لاني هذا الوقت يكوون جوها حار
وأنا ما حب الحر .. يعني احب مكان جوه رايق ربيعي خريفي
مش اهرب من الحر اهني اروح لحر ثاني
فبشنو تنصحوني؟؟
ولو عندكم دولة ثانية تنفع تكون شهر عسل بأوربا .. وين مجربين ؟؟
في انتظار أرائكم
اهلا بك عضوة بهالمنتدى الرائع، أنا انصحك بالنمسا وسويسرا لأن الجو فيه يكون معتدل ورائع طول الصيف، لكن اذا ناوية ايطالي فالأفضل تروحي للشمال الأيطالي في آخر شهر اغسطس بس مش اكثر من عشرة ايام
واذا تحبي (واحس ان هذا افضل) تروحي شمال ايطاليا بشهر جولاي لمدة اسبوع تمرين على فينيسيا وميلانو وكومو وبعدين تروحي لوقانو بسويسرا وتكملي شهر العسل هناك لمدة أسبوعين
والف مبروك والله يوفقك