1- عندي سوال بخصوص رخصة القيادة هل تنفع الرخصة السعودية
2- تاشيرة امريكا بجوازي تنتهي في يناير 2015 وسوف اذهب واعود في نهاية شهر ابريل 2014 هل تمشي اموري ام احتاج لتجديد التاشيرة؟
دمتم بخير

لا ما تحتاج الى اصدار فيزة جديدة
الفيزة اللي بجوازك صالحة حتى آخر يوم من تاريخ نهايتها
ارجو لك التوفيق

في سان دييغو the valancia hotel افضل
وفي لاس فيقاس انكور ممتاز و لاكن aria عادي جدا ،افضل منه الفانيشيان او البلازو او ووين
في لوس انجلس اختياراتك ممتازه

alderhim
الله يعطيك العافية
كنت شايل همّها
مافيه نصيحة تعقيب تعديل شي على الجدول ؟
وجزاك الله خير

aziz20012001
الله يعطيك العافية انا كنت مشيك على الموقع قبل احط موضوعي وكنت اشوفك تساعد الاعضاء وفرحني والله تواجدك بموضوعي
بالنسبة لفندق سان دييغو بشوف اللي قلت
اما فندق aria فكرته افضل من ناحية التقييم في بوكنق اتوقع كان افضل من الفانيشان
عموما اقتراحك محل اهتمام وبعد شوي بشيك عليهم
طيب اخوي ماتشوف ان المده طويله في لاس فيغاس؟
يعني مافيه منطقه مثلا نزورها او الترتيب حلو؟

معليش نسيت عضويتي اللي مخزنه بالجوال وسالفه طويلة واضطريت اسوي حساب ثاني

نصيحه تبتدئ بنيوبورت 7 ايام ومنها لسان دييغو 5 ايام ومنها لفيقاس 5 ايام ومنها للوس انجلس 8 ايام
و ممكن تقلل من كل مدينه مثلا يوم وتروح كروز 3 او 4 ايام من لوس انجلس او سان دييغو ،، او تضيف سان فرانسيسكو
بالنسبة للاس فيقاس اشوف 5 ايام كفايه

aziz20012001
انا ودي بكذا لكن بطلع عالخطوط السعودية الرياض- لوس انجلس مباشره طيران 19 ساعه وبنزل المطار اخذ سيارة اروح نيوبرت بيتش اشوف فيها تعب
اخوي ليه حطيت 7 ايام في جنوب لوس انجلس؟ ماشوف فيها اماكن كثيرة نروح لها انا شفت التقارير كلها احس ان الشمال اكثر انشطه وكمستوى فنادق ارقى من الجنوب وهالشي من راسي انا ماسبق رحت بس من خلال اللي قرأته
اخوي جربت احجز سيارة كوبية لمده 24 يوم طلعت التكلفة مايعادل 5500 ريال !! مع كل التامين الشامل وبدون نافقيشن هل معقول هالسعر؟ رخيص جداً كان من شركة ناشيونال
هل اذا جلست في لاس فيغاس اسلم السيارة والا اخليها معي ؟ خصوصا المواقف مجانية في الفنادق + يمكن احتاجها + ارتاح من سلم واستلم عشان ارجع للوس انجلس وش رايك؟
الفندق اللي عطيتني بسان دييغو جميل وعالبحر الله يعطيك العافية شكلي بغير حجزي واحجز فيه

الفندق اللي بسان دييغو خيالي ، صدقني ، المنطقة عجيبه ويمك البحر والمطاعم والقهاوي مشي علي ريولك.بالنسبة للسياره انا افضل اخليها معاي طول الفتره حتي في فيقاس ( حلو التمشي بلاس فيقاس بولافارد بالسياره لان الشارع طويل ومتعب شوي بالمشي) وممكن تروح الاوتلت اللي يبعد 15 دقيقه بالسياره و تتمشي بأماكن كثيره ،،،وترتاح من سلم واستلم
صدقني ماكو تعب اذا نزلت بمطار لوس انجلس بتركب الباص الخاص بشركه ايجار السياره وبيوديك مقر الشركه / 5 دقائق عن المطار بالسياره ، تستلم السياره وبدل ماتروح 25 دقيقه بفرلي هلز او تروح 50 الي 60 دقيقه نيوبورت بيتش ،،، افضل ماتروح تسكن بالشمال مرتين
بالنسبة ل 7 ايام جنوب لوس انجلس ( الجنوب فيه وايد مدن حلوه وقريبه من بعض )دزني يوم او يومين،،،نوتس بيري فارم،،،ممكن تروح كاتالينا ايلاند،،،،نيوبورت،،،لونغ بيتش،،،،،هانتقتون بيتش،،،،بالم سبرنق