mizo_rony
هذا تقرير لاحمد من مصر بقروب سياحي من مصر الى تركيا اتوقع يفيدك وكمان ذكر اسم المكتب الي سافر عن طريقه من القاهره ..
https://artravelers.com/p/re/229435

أخونا كريم أسامة ذهب من القاهرة إلى إسطنبول في شهر العسل، وقد يفيدك!!
https://artravelers.com/p/re/210552
وبالتوفيق إن شاء الله.

حضرتك افضل شركه تطلعي معاها من مصر هي شركة فالكون في شارع جول جمال خلف هارديز المهندسين
والاسعار جميله جدا
من حضرتك تقعدي في فندق 4 نجوم بالافطار والعشاء وتذاكر الطيران ب 3500 ج الفرد يا بلاش

سلام عليكم
إزيك ياأخت Mezo Rony
أنا فعلاً سافرت إستنبول فى شهر 7 اللى شهر عسل لمدة أسبوع
مش عايز أقولك إستمتعنا قد إيه فى الأسبوع ده إستانبول تحفة وجميلة جداً وفيها أماكن كتيرة جداً للزيارة
المهم بالنسبة لشركة السياحة إحنا طلعنا تبع شركة ترافكو للسياحة عشان هيا شركة كبيرة ومعروفة
الرحلة كانت شارتر من الجمعة للجمعة والتكلفة كانت للشخص حوالى 4000 جنية شاملة تذاكر الطيران ذهاب وعودة+الإقامة فى الفندق 4 نجوم بالإفطار +مصاريف الفيزا
لو حضرتك عايزة أى إستفتسار أنا تحت أمرك

يا اخوه من فضلكم انا بالظبط زى الاختMezo Rony لكن الفرق ان سفرى ان شاء الله فى شهر مارس
وعاوزه اعرف تكلفة الفرد فى اليوم حوالى كام ليرا تركى يعنى نعمل حسابنا على كام تقريبا مصاريفنا هناك
واخبار الجو فى الوقت ده
وافضل الشركات اللى نطلع منها وهل الشركات هى اللى بتحدد الفندق و البروجرام طول الاسبوع ولا احنا اللى بنختار
لانى انا وخطيبى معندناش اى فكره عن تركيا ومحتاجين نعرف افضل الاماكن والفنادق اللى اسعارها كويسه ومريحه
من فضلكم بليز افيدونى انا تايهه موت لانه مسافر وانا اللى المفروض احجز كل حاجه

حضرتك المصاريف الشخصيه على حسب انفاقك انتي
يعني مثلا ممكن تاكل في مطعم الغداه ب 10 ليره وممكن تاكلي ب 30 ليره !!

• دخول اغلب الاماكن اسطنبول بيكون 10 ليره الفرد زي المتاحف والمزارات وكده..
• التاكسي غالي جدا

عموما ممكن حضرتك تعملي ميزانيه في حدود 50 ليره للشخص في اليوم مصاريف وده يعتبر كويس جدا ومش قليل خالص

السلام عليكم ورحمه الله وبركاته
أولا بشكر جميع الأخوة صراحة اللي ردو عليا بس للأسف أنا جديدة بالمنتدي وانهردا بس لسه شايفه الردودو والمساعدة وصراحه مش بعرف كويس أتعامل في المنتدي فالحمدلله بالصدفة شوفت الردود والمساعدات وأنا ان شاء الله هقرا جميع التقارير اللي وجهتوني ليه وان شاء الله برجع اسالكم تاني جزاكم الله ألف خير

متشكرة اوي علي ردودكم وصراحة تقاريركم عن تركيا هيالة بس كان عندي كام سوال بالنسبة لشركة السياحة اللي في مصر طلعتوا عن طريقها عنوانها ايه بالضبط ويارت لو ليها موقع علي الانترنت علشان اقدر اسال واتابع اخر العروض لاني خارج القاهرة مسافرة وياريت لو تقولي الباكتج مع التذاكر والاقامة والفطار وعشاء بس علي اي طيران وكام ساعه الطيران ياريت لو تفيدوني بالتفاصيل الصغيرة وجزاكم الله الف خير ربنا يهنيكم

بسم الله الرحمن الرحيم
بالنسبة لرسوم الدخول كلها غليت ... أنا كانت رخلتي لإسطنبول في 20 نوفمبر اللي فات
و معظم المزارات ب 20 ليرة الفرد الواحد ( دولما باشا / آيا صوفيا / مينيا تورك / توبكابي )
أما بالنسبة ل 50 ليرة في اليوم فده قليل ... شوفي .. هو ممكن أيام يكفوا و أيام تدفعي أكتر ، و متنسيش إنك ممكن تجيبي هدايا تذكارية ... احنا كُنا اتنين أنا و مراتي و دفعنا 900 ليرة شاملة كل حاجه ( أكل و شرب و مواصلات باصات و مترو و ترام و فيري ) بدون الفندق طبعاً
ممكن تشوفي الموضوع بتاعي .. يمكن يساعدك ... فيه رحلتي و الموضوع التاني نصائح مهمة جداً
https://artravelers.com/p/re/239135
و ألف مبروك مقدما