ماسنجر سعودي
13-10-2022 - 10:17 pm
السلام عليكم
لم يتبقى ع زواجي الا ايام قليلة جدا
وناوي اطلع بداية شهر العسل الى الشرقيه ومنها الى دبي ومنها الى قطر
ثم الرجوع الى السعوديه ومن ثم الى مصر
ولكن لدي سؤال بخصوص الشرقية وبحكم اني غشيم فيها
بالنسبه لفنادقها وش الافضل واسعارها معقولة يعني يكون سعر الليله من 200 الى 700 ريال
يعني ابي راايكم وياليت تعطوني اماكنها يعني وين اي مدينه بالشرقيه
وش الشارع الي موجوده عليها
عشان ماضيع
وبالنسبه لحجز الفنادق وش الافضل الحجز عن طريق الفيزا والماستركارد
او عند زيارة الفندق بمعنى عند الوصول والدفع يدوي
الله يعافيكم ومشكورين مقدما
على البركه اخوى والله يوفقكم ويجمع بينكم على خير
انصحك بفندق السوفتيل الى بالخبر
فندق جديد وموقعه ممتاز
وموقعه سهل جدا
وانت جاى من جهه الكورنيش ( الواجهه البحريه على يسارك وعلى يمينك اسواق التميمى وقزاز ) , اذا وصلت للاشاره تاخذ يسار يا طويل العمر وامش على طول بتحصله على يسارك
واذا انت جاى من شارع الظهران ووقفت عند الاشاره الى يمينك تصير شرطه الخبر , رح على طول وبتحصله على اليسار.
بالنسبه لسعره انصحك تحجز عن ظريق الموقع نفسه لانه الفندق بيعطيك السعر اغلى
عن طريق الفندق قال لى 860 غرفه مطله على البحر . وعن طريق الموقع لقيته ب 700 ريال نفس الغرفه
والله يوفقك ويسعدك