1. شهر 3 الفعاليات قليله عموما في اوروبا


2. انصحك بفندق ستات تشيتا او جريف

شهر 3 الفعاليات قليله عموما في اوروبا

ايطاليا خيار ممتاز جدا والاسعار تكون اقل في هالشهر وانت تبغى تنبسط في شهر العسل
انزل في ميلانو واطلع مباشرة من ميلان الى Bolzano وهي مدينه جميله جدا وهادئه وسكانها قمة الادب والتربيه وهي على مسافة 270 كلم من ميلان و80 كلم من حدود النمسا فيها تلفريك وقريبه منها مجموعه من اجمل قرى الالب في وادي جاردينا Val Del Gardina وايضا ميراو فيها الكرسي التليفريك بس ما ادري اذا شغال في مارس وسط المدينه روعه وساحة والثر هي اهم مكان للتجمع يمكنكم التسوق حولها والمشي الممتع بالاضافه الى المطاعم الممتازه والمقاهي الروعه
.. ايضا لاتنسى المتحف الذي يحتوي على Ozzi وهي اقدم جثه موجوده على الارض عمرها اكثر من 5 الاف سنه .. ايضا نصف نهار على بحيرة Caldaro الصغيره والجميله وفيه مطعم هناك على البحيره مباشرة الاكل فيه روعه روعه وخاصة طبق الربيان وفيه واحد ثاني بعده ب 200 متر فخم وكبير بس ماجربته بس غالي بزياده .. للاسف ماظن تقدر تأجر القارب السيكل لانه ممكن مغلق شهر مارس

انصحك بفندق ستات تشيتا او جريف

بعدين يومين في البندقيه مدينة الرومنسيه والحب بكل معنى لكلمه .. لا تبخل على فينيسيا بالمبيت ابدا فقد فعلت ذلك ذات يوم وكنت كمن نزعوا قلبه من جسده لذا عدت لها ومكثت فيها مع المدام ليلتين من اجمل ايام حياتنا رغم انها كانت بعد ان رزقنا الله باول طفل لكن لاتصدق ابدا من يقول لك يكفيها يوم او نهار كامل فهي حقا تحفة ولوحة فنيه ليس لها مثيل .. الفنادق كثيره وتعتمد على ماتحب وميزانيتك لانها بالفعل مدينه غاليه ولكنها تستحق المبيت ولاتنسى تركب الجندولا(80 يورو) لكن لن تندم وجزيرة مورانو حيث يصنع الزجاج الملون تستحق الزياره وساحة سان ماركو في الليل جميله ولاتنسى جسر الريالتو ومطاعم السمك الل قريبه منه ياسلام (بس جهز محفظتك ل150 يورو لوجبة سمك على مستوى
ثم 4 ايام في ميلانو ولاتسكن الا بالقرب من الدومو لانها ساحة الحياه في ميلانو والمطاعم والمقاهي بعضها تعمل بعد منتصف الليل والجلسه على درج الكنيسه مع المدام بعد العاشره موقف رومنسي لاينسى (كرره يوميا) .. لاتنسى المشي في شارع تورينو وامتداده وهي ماطق مرصوفه بالحجز زقاقها لوحه فنيه في الليل وفيها الكثير من المطاعم
ميلان مدينة صناعيه وتجاريه فلن تجد الكثير غير التسوق وادومو واشياء قد لاتهمك او لاتعمل شهر 3 لذلك سنتجاهلها. قم بزيارة ليوم كامل في جاردا لاند 140 كلم ومدينة كومو والابحار في البحيره في جولة لترى قصور اثرياء العالم وبعض القرى الجميله وربما اردت ركوب التلفريك .. اذا سنحت لك الفرصه في زيارة قرية بورتوفينو Portofino لساعتين او ثلات فذلك امر رائع وهي تبعد 170 كلم لكن الطريق في الكيلومترات الاخيره ضيق ويحتاج الانتباه بسبب الجبال لكنها قرية جميله
اي مساعده انا حاضر

الله يعطيك العافيه وماتقصر
وربي يطرح فيك البركه ويحفظ لك ماجاك .
بالنسبه لميزانيتي تكفي !! اني أروح هناك .
لأن في شباب يقولون ابد ماتكفي .
ياليت بس اسماء الفنادق وكيف الحجز ..
والتنقلات ..
وكيف الفيزا !
ويعطيك العافيه

انا راح اقولك من واقع تجربه اخذت جوله في ايطاليا السنة الي فاتت 16 يوم وكان جدولي روما وفلورنس وبيزا وفينيسيا وفيرونا وميلان وكومو ولوقانو
تقريبا كلفتني من 22 الف الى 25 الف شامل كل شي
واخر 4 ايام كنت يوميا في شارع فينيتو في روما اتقهوى واتعشى فيه

Turki Musa
طيب اعطيني الفنادق اللي سكنت فيها وكل جدولك كيف كان ..
وبالنسبه للفيزا كيف اطلعها

في بولزانو اسكن في واحد من الفندقين اللي ذكرتهم بس ميلان الله يعينك تدور في بوكينج بس لاتبعد عن الدومو ابدا وفندق Suite Milano Duomo اما البندقيه فلم اسكن فيها سوى مره واحده كانت في رويال سان ماركو وكان جيدا رغم اني لم احبه كثيرا لكنه اعجب المدام وهذا اهم شيء
الفيزا طلعها من شركة الاعتماد وهي وكيل للسفاره في الرياض .. تاخذ يومين للسعوديين مدتها سنه ويحتاجون صور شخصيه والجواز وحجز الفنادق وتذاكر الطيران وتعريفه من العمل فيها الراتب وتاريخ الالتحاق بالعمل لايطلب تصديقها من الغرفه التجاريه وتعبئة النموذج بعد طباعته من الموقع الالكتروني

wide gaze
من المكتب الموحد للتأشيرات في الرياض والخبر وجده
التكلفه 400 ريال للشخص الواحد طبعا بعد ما تدخل موقهم وتاخذ موعد عندهم

Turki Musa
الله يعطيكم العافيه
ماقصرتو