أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اخوي الزاحف
مالك الا اللي يرضيك ....... عارف ليش؟ عشان انت طالع في نفس الفترة اللي انا طالع فيها وكمان شهر عسل زيي
شوف حبيبي (نصيحتي ) كالتالي:
الميزانية (ممتازة) ولاتشيل هم مرة
عدد الايام (كويس ولو تخليها 17 يوم تصير ولا احلى)
الحجاب لا تشيل هم بالمرة انا اختي تحط العباية فوق الراس ورحنا وجينا ولا احلى وعموما الحجاب موشكلة بالمرة
التخطيط (نصيحتي خلك بعيد من المكاتب اللي تنصب عليك انا اساعدك حبه حبه وترى الموضوع سهل جدا ويوفر عن المكتب مابين 3000 - 4000 ريال)
ملاحظة: تذاكري والحمدلله جاهزة والفنادق محجوزة
فينا (3 ايام - 4 ايام)
سالزبيرق او الوولف قانق (قرية قريبة من سالزبيرق بها بحيرة خلابة ورومانسية ولا احلى وبعيدة عن العرب وزحمتهم في الصيف)( 4-5 ايام)
زيلامسي (4-5 ايام)
ميونخ (3-4 ايام)
ان عزمت وتوكلت على الله وعجبك تخطيطي انا جاهز معاك خطوة بخطوة واختارلك الفنادق واشرحلك الاندرقراوند وكل شي عشان تجعص على الحرمة وتصير ليناردو
تحياتي وانتظر ردك
amessiri
السلام عليكم ..
معليش اخوي صاحب الموضوع علي مداخله ..
القرى القريبه من سالزبوغ مثل ولف قانق ووقرية على موندسي وهلشتات وقرى اخرى روعه
وزلامسي نفس الشي ويمكن القرى الثانيه اهدى
اذا ودك طول المده في هذه القرى وخل زلامسي زيارة يوم واحد وترها قريبه من هذي القرى اذا معاك سياره او بي القطار ..
او عندك اضافة مدن اخرى او دولة ؟
وامر انت وصاحب الموضوع
اول خطوة انك تحجز التذاكر وتقطعها والحق عليها قبل ماتغلى
شوف الخطوط السعودية وقلهم ابغى v class or q class وهدي مقاعد مخفضة وبعد ماتقطع التذاكر اعطيني خبر عشان نبدأ الحماس اللي هو حجز الفنادق.
ولك وعد مني ان شاء الله ان على الاقل نصف الفنادق تاخد عليها Upgrade لسويت "جناح" بسعر الغرفة العادية
تقبل تحياتي يالغالي
انا بعد اخوي
ابا اعرف لاني ناوية اسافر انا وريلي وولدي
بس ما عارفه اسوي لي جدول
وابا اعرف افضل الفنادق وجي
انا في الكثير ابا 20 يوم
في المناطق اللي قلتو عنها
انا بعد بغيت برنامج للسفر للنمسا
انا وريلي وولدي
تاريخ 6/6
وبتم هناك 20يوم ان شاءالله
بغيت اعرف كل شي فنادق وامكان سياحية وكل شي
اخوي الزاحف ر انت مثلي و انا اخوك في شهر العسل و تقريبا في نفس الوقت و نفس المدة بس انا نطيت سالزبرغ.. بس انا كنت في صيف 2008 من 6 يوليو الى 17 يوليو يعني اذا كانو اهلك يحبون التسوق..فوقتك هو وقت ال Summer Sale تخفيضات عندهم بالهبل بالنسبة للمدة فعاد تعتمد على شخصيتك انت و شخصية مدام المستقبل.. يعني ممكن تتفاجأ بمقولة: "اشتقت لأهلي" هذا غير الدمووع اللي ممكن تنزل وقتها... و عاد ابحل وقتها! انا اشوف ان 15 يوم لك ممتازة جدا.. و بالنسبه للفنادق انا اشور عليك و انا اخوك ان تمدد رجولك و يدينك شوي و تحجز في فنادق ال 5 نجوم خصوصا في فيينا (الماريوت..راديسون ساس..ساخير و انت جاي) يعني مثلا الماريوت عنده عرض الان الغرفه ب 183 يورو و انا العام ماخذها ب 210 يورو يوم كان اليورو تقريبا 6 ريال و موقعه جدا رائع.. الحين اليورو في هالساعه 4.787 ريال يعني الغرفة بتطلع عليك يتقريبا 880 ريال لليلة.. بس طبعا هو عرض الان و عليه شروط ... راجع موقع فندق الماريوت http://www.marriott.com برضو انصحك في ميونخ مدد رجولك شوي اذا كانت الميزانية تسمح..خصوصا انت في شهر عسل :wink: حتى لو كانت وجهة نظرك ان الفندق بس للنوم..ممكن تصورك راح يتغير وقتها.. لأن وجهة نظري في السفر ان الجزء الكبير اللي يحلي السفر هو مكان الاقامة.. عاد طبعا انت ادرى بعمرك :wink: الميزانية و انا اخوك انا صرفت العام الماضي يوم اليورو ب 6 ريال من الالف الى الياء تقريبا 38 الف ريال. يعني تقريبا 6,333 يورو تذاكر..سكن..تنقلات..اكل..شرب..تسوق...كل شي بحسبة بسيطة على سعر اليورو اليوم مصروفاتي راح تكون في ذاك الوقت تقريبا بحدود 30 الف ريال (4.787ريال * 6,333 يورو=30,316 ريال سعودي) يعني في حدود ميزانيتك بس لمدة تقريبا 12 يوم.. (طبعا على فرضا ان اسعار الخدمات ما تغيرت) اول شي انت احجز من الحين التذاكر القطرية كنت اشيك عليها امس كانت بحدود 3200 ريال للنفر (كنت حاجز عليها العام الماضي ب 3,500 ريال للراس) الاماراتية 4,310 ربال للنفر (صيف 2007 شاري تذاكر للنمسا من عندهم و بعز الموسم ب 2,650 ريال..تقدر تشوف الفرق!!) السعودية ما شيكت عليها..! تقسيم الليالي على فرضا انها 15 ليلة فيينا (4 ليالي) سالزبورغ (3 ليالي) زيلامسي (5 ليالي) ميونخ (3 ليالي) طبعا هذا اذا كنت بترجع من مطار ميونخ.. درجة البرودة الجو جدا رائع و ممطر في بعض الاوقات يعني انصح تجيب جاكيت او بلوفر للحالات الطارئه.. حجاب المرأه ابدا ما فيها شي لأنك بإذن الله راح تشوف ان حريمنا اكثر من حريمهم يعني الحجاب ما يستنكر في هالوقت بالنسبه لهم..لأنو واجد اللي يتحجبون و لله الحمد.. بس طبعا بعض الحالات الشاذه ممكن تحصل لأنها حصلت لناس اعرفهم جت وحدة نمساوية مدري وش اصلها الله لا يبارك فيها و جعلها ما تتوفق و سحبت حجاب وحدة و بقوة و حطت رجلها.. بس بإذن الله ان ما عليكم خطر و الله بياقاكم ان شاء الله... الفنادق انا حجزت في فيينا في الماريوت زيلامسي Living Max عن طريق booking.com في ميونخ حجزت في Intercity Hotel و كان من فئة ال 4 نجمات.. قبل العام كنت ساكن في زيلامسي في فندق Lebzelter موقعة في السنتر في زيلامسي و تقريبا ليلته ب 100 يورو للنفرين.. و هذا موقعه http://www.hotel-lebzelter.at مكاتب السفر طبعا ابعد تمام البعد عن المكاتب...هذي مشورة موظف من الجنسية الهندية في مكتب سفر و سياحة في الخبر..قاللي انصحك تسويها انت بنفسك.. المنتدى موجود و ان شاء الله الاعضاء مش راح يقصرون معاك.. الا اذا اكانت في عروض (باكيج) مغرية...فهنا ممكن يكون فيه كلام ثاني..!! نصيحة لك في زيلامسي لازم تستاجر سيارة في زيلامسي .. او مثلا تستاجر من سالزبرغ و ترجعها في ميونخ.. (فيه موضوع للعضو "رجل شرقي" يشرح فيه بإسهاب عن كيفية استئجار السيارة و انت في سالزبرغ و ترجعها في ميونخ..دور عليه) لأنك راح تعرف معنا الانبساط اذا استاجرت سيارة..انت ملك روحك..ما عليك من باصات و لا غيرها..ما تقعد تستنى و لا شي.. و زيلامسي اللي يحليها القرى و المناطق الطبيعية اللي جنبها..فلازم لك سيارة عشان تنبسط كثير.. اتمتى لك التوفيق ان شاء الله في زواجك و بارك الله لكما و بارك عليكم و جمع بينكما بخير.. اتمنى اني افدتك و عذرا على الاطالة و الفلسفة الزايدة شوي... تحياتي لك..اخوك Syriana
8زياره ولا رد
شكله مقلب في
يالله من الشاطر اللي بيرد الاول