هلا اخوي ياليت تحدد عدد الأيام ؟
وهل الميزانية شاملة تذاكر الطيران أو لا ؟
وخط السير ؟
على اساس توضح الأمور لحبايبنا المشرفين ويساعدونك
أتمنى لك التوفيق

اخوي بما انك اول مره تسافر في اشياء لازم تعرفها من الان لتجنب المفاجاه
اهمها ان ايطاليا بلد جميل ولاكن لايقارن باي حال بطبيعة النمسا او سويسرا
عموما الله يوفقك وشهر عسل سعيد
ولازلنا ننتظر عدد الايام

amory_999
هلابك اكثر
ايوه شامله تذاكر الطيران
بالنسبه للمده و لخط السير ماحددت اي شي
اتمنى من اصحاب الخبره يفيدونا بهالشي ان شاء الله
شكرا لك و الله يوفق الجميع

ميسي99
هلا و غلا اخوي
الله يعطيك العافيه على التوضيح
وانا كنت ناوي النمسا بصراحه لكن الاخوان ببوابة النمسا نصحوني اني اغيره الوجهه لايطاليا او اسبانيا بحكم برودة الجو
وبالنسبه للأيام انا ابي اصحاب الخبره يفيدونا بهالشي
شكرا لك اخوي و الله يوفق الجميع

لا بس اخوي كم ناوي انت تكون مدة السفره كامله
يعني بالنسبه لي اشوف ان 8 ايام كافيه لايطاليا فقط بحيث تكون 3ايام روما و3 ميلانو ويومين فينيسيا
بس الاهم من كذا هو انك مادام مسافر شهر عسل يعني يتغير الكلام 180 درجه لذلك انا بانظم للمتابعين لاراء الخبراء
اكيد بتجد الراي الافضل عندهم

شوف انا انصحك باما ان لك اول رحلة خارج السعودية و بشهر ابريل
ليش تروح اوربا هل لك رغبة ب ماليزيا او لبنان او مصر ( شرم الشيخ ) انا ارشحهم لك
الانك اول رحل خارج السعودية هذه وجهة نظري لك
و لكن اكيد اوربا احلى بس يبيلها جهد بابحث و التخطيط لا يقل عن شهرين عشان تعرف وين ترووح
و منين تجي و شنوو الي يصلحلك منها مع ان ايطاليا حلوو و دافئ بفترتك شووف رحلتي الي ايطاليا
كاتب عن فنيسيا و ميلانو و مصور ممكن يفيدونك في حال ناوي تخطط الايطاليا

khardn
مرحبا اخوي صح كلامهم ايطاليا مع اسبانيا هم الادفئ في ابريل ويعتبر شهر بدايه الربيع الجو ان شاء الله بارد الصباح مع الليل ودافئ نهارا..........
الميزانيه تكفي ان شاء الله 10 ايام
روما محطه الوصول وميلان محطه المغادره ,,,,,,,,,,
روما 3 ايام
فلورنس يومين
فينيسيا يومين
ميلان 3 ايام
فنادق روما مابين 450 --500 يورو لمدة 3 ايام
فلورنس مابين 250 --300 يورو لمدة يومين
فينيسيا مابين 300 - 350 بورز
ميبلان مالين 350_400 يورو
المصاريف حدود 150-200 يورو للشخص اكب وشرب وتنقل.............