وبغيت اسالكم هل ديزني لاند الي في اورلاندو تصلح للكبار وكم يوم يكفيها اذا كانت تصلح ؟

حسبتها لك .... سكن 300 $ + مصاريف يوميه 300 $ .... سواء كانت المصاريف مشتريات وجبات غذائيه فسح أو تنقلات داخل الولايه نفسها أو خارجها.... والحسبه كانت لمدة 30 يوم .... النتيجه كانت دون حساب تكاليف التذاكر هي 67500 ريال....
كنت أتصور ببالي مبلغ 45000 ريال أكثر من كافي... لكن عرسان يبي لكم فوق هالمبلغ... مبروك مقدماً

هلا بك والله يابو ابراهيم والله يوفقكم وييسر امركم ,
المبلغ بمشيئة الله يكفي وفيه البركة بأذن الله , مدينة فلوريدا بها اكبر كمية من الفنادق المتنوعة وبها عروض جدا مغرية , يبلغ عدد فنادق اورلاندوا اكثر من 500 فندق وجميعها تتنافس على اقل الاسعار , ومناسب لها 10 ايام وممكن تقوم بزيارة تامبا المجاورة بنفس اليوم , وان احببت ميامي يومين , وممكن تضيف نيويوك بالجدول 4 ايام ,
بالتوفيق وستساعدك تقاريرالاعضاء امل الرجوع اليها , تحياتي , , ,

اخوي ابو ابراهيم,
انت قلت 5 ايام في دبي و 10 ايام في اورلاندو. يعني رحلة شهر العسل كلها 15 يوم. دبي قريبه, وتقدر تروح لها باي وقت لاحقا (حذفة حصى على قولتهم).
انا اشوف انك تستغل كل ال 15 يوم في امريكا. مع اني اشوف انها قليله على مشوار لأمريكا.
بالنسبه للمبلغ. مثل ماذكرو الأخوان, يكفي ويزيد ان شاء الله.

يعطيكم العافيه والله يبارك فيكم انشالله وبيض الله وجيهكم وماقصرتو
بس ابغى العلم الاكيد ياخوان هل 60000 الف ريال شامله كل شيئ لمدة 15 يوم تكفي وزياده ولا تمشي الحال
وعندي سوال اخر
هل دزني لاند تنفع للكبار واذا كانت تنفع كم يوم يكفيها؟

الله يبارك في عمرك اخوي سعد ويبارك في الاخوان الموجودين ان شالله

ابوابراهيم4
لو سؤالك 60000 ريال تغطي 15 يوم
أقسمها وشف يوميتك تكون 3000 ريال أو بأدق 888 دولار.... هذا بعد حذف 10000 ريال كتذاكر درجة أعلى من السياحيه... المبلغ مريح مرة ....ومرة ثانيه أجدد لك التبريكات

مبروك مقدما الله يوفقكم
من اللي فهمته من ردودك بتقعد بامريكا 15 يوم بس ! 10 ايام باورلاندو
نصيحه ذهبيه اورلاندو تنفع لعائله اكثر من معاريس غير كذا جوها مره حر ورطوبه الواحد يكفيه الجو هنا
فيه اماكن كثيره بامريكا تنفع للكبل
حط ببالك نيويورك هيرشي ميامي شلالات نياجرا ومنطقة السموكي ماونتن اذا ودك مره باورلاندو رح لها بس في نفس الوقت مو تصير هي كل الرحله بالنسبه لكم وفكر في المده 15 يوم مرره قليله على امريكا
الله يوفقكم .

الله يعطيكم العافيه يارحال وbirds وماقصرتو وبيض الله وجهكم
واتمنى من الاعضاء يفيدوني بسوالي الثاني
هل دزني لاند تنفع للكبار او بالاخص تنفع حق شهر عسل وذا كانت تنفع كم يوم يكفيها؟؟