ينقل ل قسم استفسارات ايطاليا

وعليكم السلام
شوف اخوي بالبدايه ايامك طويله في فينيا وزلامسي بس للمعلوميه زلامسي مافيها شي ابداً غير انها تتوسط الاماكن الجميله الي قريبه منها فقط لكن انت لك حريه الاختيار
عموما فندق ريالتو انا شخصياً سكنت فيه فندق حلو وجميل وموقعه افضل المواقع لكن يعاب عليه التلفزيون صغير والافطار مش ولا بد
الله يعينك شلون تنتقل من زيلامسي الي فينيسيا انا اقول انك تقلل يوم من زيلامسي وتطلع ميونخ ومن ميونخ تطلع فينيسيا طياران افضلك لان مشوار وبعيد بالقطار
من فينيسيا الي روما بالقطار هذا بالنسبه للتنقل
اي استفسار اضافي حاضرين

ف البداية الف شكر مشرف ايطاليا
بالنسبه للتنقل من زيلامسي انا بطلع على سالسبورغ ومنها طيران على فنيسيا
اي نعم عندي اسفتسار بخصوص فندق روما انا حجزي طلع بالمحلق مو بالمنى الرئيسي مادري في فرق ولالا انا قلقت يوم قالولي بالملحق
اذا عندك اي خلفيه عن الفندق ياريت تفيدني وبعد قالولي الملحق مافي نافوره
انتضر ردكم لاهنتم والف شكر

خبراء ايطاليا اتمنى انكم تفيدوني بخصوص الفندق لاهنتم او اي احد عنده خبره بالموضوع
ضروري والله انتضر ركم اذا سمحتم

يأخوان ارجوكم لا تنسوني اللي عنده خلفية عن موضوع فندق روما
يفيدني لاهنتم

يالربع وش الوضع ماحد رد ع اسفتسارتي

انا ممكن افيدك بخصوص البرنامج بشكل عام مثل ما ذكر المشرف من زل امسي الى فينيسيا مسافه طويله بالقطار اكثر من سبع ساعات
لذلك يفضل ان تنتقل من زل امسي الى ميونخ بالقطار مدة الرحلة 3:15 مع تبديل واحد في سالزبيرق وسالزبيرق جميله يمكن ان تقضي فيها بعض الليالي )
ميونخ 3 ليال وتنتقل بواسطة الطيران ساعه الى فينيسيا
http://www.airdolomiti.eu/
بعدها تكمل برنامجك بصراحه 11 يوم في زل امسي راح تمل الا اذا بتستاجؤ سياره وتتمشى بالمناطق القريبه منها
يكون افضل وعلشان ما تكون السياره غاليه عليك اثناء الانتقال من فينا الى زل امسي طبعا القطار يتوقف في سالزبيرق للتغير لنصحك تستلم السياره من البلده الالمانيه الملاصقه لسالزبيرق واسمها Freilassing وتبعد 10كم فقط من محطة قطار سالزبيرق وهناك قطار مباشر لها من فينا بدون تبديل
يعني تنتقل من فينا مباشرة الى Freilassing مدة الرحله 2:50 تستلم السياره ومباشره الى زل امسي بالسياره ساعه وعشرون دقيقه وبكذا تستفيد من جلوسك في زل امسي وتتمشى بالسياره وتستمتع لمده اسبوع ثم تنتقل بالسياره الى ميونخ المسافه بالسياره ساعتين وعشرون دقيقه وبما انك استلمت السياره من بلده المانيه فلن يكون هناك ضريبه اختلاف دول والتي عادة ترفع سعر الايجار الى الضعف ربما بعد الانتهاء من ميونخ طيران الى فينيسيا
تقبل تحياتي