الجو بارد ليلا مع رطوبة
معتدل إلى بارد صباحا

هلا بيج أختي ... الجو عندنا متقلب ... الصبح شوية برودة ... الظهر دافي ... المغرب والليل رطب وبارد ...
بس غبار ما عندنا الحمدلله ... وان شاء الله ما يجينا ...

مشكورين الله يبشركم انشالله ههه
انزين الرطوبه مثل الامارات يعني؟؟؟ واضحة ؟

bronziaaa
والله يا أختي الجو مبين انه انعفس مرة وحده ... وشكلكم طرشتوا لنا الغبار .. والله يعين ... بس ما أتوقع يستمر لي الجمعة ...
اما عن الرطوبة ... البحرين جزيرة ... فالرطوبة عالية ... لكن جونا ألطف بكثير من جو دبي ...
وحياكم الله أختي ...

لا عاد احنا يالنا الغبار مرة وحده !!!! بس كاهو مستمر صارله اسبووع !!
عندكم الغبار خفيف ولا وايد ؟؟

bronziaaa
هلا بيج اختي ... البارحة كان غبار خفيف .. وهوا قوي مستمر لليوم ...

تصحيح: الجو في دبي ألطف من البحرين في هذه الفترة من السنة.

السلام عليكم
ها بشروا شلون الجو اليوم عندكم ؟؟؟ في غبار ؟؟

اليوم مافي غبار لكن برد وايد مع هوا قوي ..
ان شاء الله الأجواء تبدأ الاعتدال الكلي مع مطلع شهر مارس ..
أخوي mhd85 انا مادري شتقصد باللطافة في الجو بس اذا تقصد الأدفئ في الشتاء على مستوى الخليج هي الامارات لأن رياح الشمال الباردة اللي تهب علينا تواصل مسارها الى الامارات لكن بعد ما تعبر بحر الخليج ( لأن موقع الامارات جنوب الخليج ) فلما تعبر بحر الخليج تصير أدفئ ، لذلك جو الامارات بالذات السواحل دائماً أدفئ من البحرين وقطر والكويت وشرق السعودية سواء في الصيف ولا الشتاء ..
..
زيارتي لدبي في شهر يناير 2004 فسرت لي الجو الصحراوي في المناطق اللي تبعد عن البحر بس 15 كيلو ! مثلاً منطقة القرية العالمية وامارات مول يكون الجو حار في الظهر وبارد في الليل لذلك كنا نلاقي صعوبة في التأقلم من ناحية الملابس ( مثل جو الصخير يعني ) ..
..
عموماً آسف على الاطالة .. الجو اليوم في البحرين بارد مع هوا قوي ان شاء الله يخف في القريب العاجل ويكون أكثر اعتدالاً ..