1. 2- التصوير : اهم شي تاخذ معاك كاميرا حتى لو ماتحب التصوير ؟؟؟؟


2. بس انتبه لاتطلب من واحد تحس انه مستعجل خلك ذيب.....

السلام عليكم ورحمة الله وبركاتة
بعد سفرتين لي للفلبين حبيت اقولكم شنو الاشياء اللي تونس بالفلبين واللي يروح يجرب
1- الاكل : بصراحة اكثر شي تستمتع فيه الاكل هناك....خل عنك المطاعم العربية والكلام الفاضي
احسن شي انك تدخل مطعم غريب ماتدري وش يبيع وتاخذ المنيو بكل ثقة وتقوله عطني هذا ولاتضحك هو بيدري بعدين انك من جنبها...... مرة دخلنا مطعم بحري انا ومعي اثنين من الزملاء وشفنا المنيو عجيبة الصور المهم اللي يقوله جيب هذا واللي يقوله عطني هذي الصورة بعد ماتأكدنا انها حلال....بعد ماوصل الاكل اللي جايبين له سمك ماينقطع يابس...واللي جايبين له شي كنه سيور... اخر شي تعشينا بماكدونلدز
فيه طريقة بعدين اكتشفناها اذا دخلت مطعم عادي اسأله وش اكثر اكله مشهور فيها هذا المطعم (خطة عجيبة).
فيه مطاعم بالفلبين واجد بكل مكان يكون جنبها سوق....تروح انت تشتري الاكل اللي تبيه وهو يطبخه لك (خطيرة التجربة).....

2- التصوير : اهم شي تاخذ معاك كاميرا حتى لو ماتحب التصوير ؟؟؟؟

انا اقولك الشعب الفلبيني يحب التصوير ويستانس مره اذا احد قاله ممكن تصورني ...... انت وش تسوي خذ معاك الكاميره بالمول او بالشارع واذا شفت واحد او (وحده) ودك يصير صديقك قوله لو سمحت ممكن تاخذ لي صورة ... (هنا العقل الكبير) في نهاية سفرتك انا متأكد ان اصدقائك بالمدينة اللي انت فيها اكثر من ربعك بديرتك.......

بس انتبه لاتطلب من واحد تحس انه مستعجل خلك ذيب.....

اخر سفره لي وصلت عدد الصور بكاميرتي 430صورة ولا وحده انا مصورها.....بتذكر هالمواقف وتضحك....
3- المشي: اكثر شي يونس بالفلبين انك تمشي لان العالم هناك كلهم يمشون فذا كان مشوارك قريب يعني ربع ساعة ليش تاخذ تكسي امشي لانك راح تكتشف اشياء ماتتوقعها ولا راح احد يدلك عليها....بعدين اي واحد يبيع بالشارع من اللي باسطين وقف واشتر منه....
مره وقفنا عند واحد يبيع فاكهة غريبة لونها اخضر وقفنا وشرينا منه واكلناها بالطريق......طلعت من فاكهة طبخ يعني مثل الكوسى عندنا........
4- الابتسامة : هذا احسن شي يونس هناك .....فلو سمحت ياخي العرب تعلم الابتسامة وشوف كيف تتغير النفسيات وتضبط الامور معاك. علشان كذا بزعجكم بالابتسامة بهذا الموضوع