ليمونة حزينة
09-12-2022 - 05:08 pm
السلام عليكم ورحمة الله وبركاته
مبارك عليكم الشهروكل عام وانتم بخير
وصباح الخير ومساء الخير
وحمدلله على سلامه اللي راحو ا الى النمسا وغيرها والفال للي ماراح وراح يروح ان شاءلله
انا اليوم قاعده اتجول في صفحات منتدانا الغالي وخصوصا بوابتنا النمسا والتي تملك الكثير من المعلومات القيمه بصراحة واللي تفيد الجميع
فحبيت أطرح هالموضوع والفكره عليكم وإن شاءلله ترقى بردودكم الطيبه
وهي الفكرة او الموضوع
شنو أحلى ذكرى رجعتوا بها من السفر سواء النمسا او غيرها
مثل ذكرى لا ينسى من موقف حدث اوشاهدتموه او شيء اشتريتوه من هناك أو مكان لا ينسى توجهتوا اليه
او ............. او .................. فندق حجزتو فيه وجلستوا فيه ولا ينسى او الى اخره
وشكرا لكم
ومبارك عليكم الشهر يا أعضاء المنتدى الغالين
رجعنا من النمسا و طارت الأيام فيها و كأنها ساعات عشتها في بلد أشبه بأن يكون حلم ابتدعه خيالي
قرأت كثير عن هالبلد و شفت صور كثير في تقارير الاخوان لدرجة اني كنت أقول لنفسي " ما اعتقد اني راح اتفاجأ بشي لمن أروح , احس اني شفت الديره و حفظت اسماء شوارعها "
بس لمن رحت ... آآآآه يالنمسا كنتي فوق الوصف والخيال
تعبت وأنا احاول اتذكر احلى موقف لأنها ولله الحمد كانت كلها أحلى لحظات العمر..
بس فيه منظر مستحيل انساه و سعاده حسيت فيها لدرجة اني كنت انطط من الفرح و زوجي يضحك علي و يقول
" فضحتينا "
اللي هو.. احم احم..
أول مره شفت فيها السالزاك ومشيت على واحد من جسور المشاه اللي عليه
والسبب هو اني وصلت فيينا في 21 July
واللي وصلو في نفس التاريخ يعرفون المعاناه اللي مريت فيها ألا وهي الحر الفضيع اللي مر على النمسا في هذاك التاريخ.. أنا وزوجي ماقدرنا نتحمل الحر
و قررنا اننا نطلع من فينا.. طبعآ كان المفروض ان احنا نجلس بفيينا إلى 25 July لكن الأجواء الحاره خلتنا نهج.. وقررنا نروح لسالزبرغ لأنها أبرد من فيينا ب10 درجات تقريبآ مع انها ماكانت ضمن مخططنا..
ودعنا فيينا و حرها و رحنا سالزبرغ.. و آآآآآآآآآآآه عالجمال اللي شفناه و ماكنا متخيلينه .. غيوم و مطر و درجة الحراره كانت 18
.. من جد كان منظر لاينسى..