1. "ياليت تكتبين اسماء المدن من الاهم"

البطة الصغيرة
السلام عليكم اختي البطه الصغيره... الي استغربت منه الاسعار الغاليه للطيران في كندا .. انا شفت هالشي و حاولت اتجنبه عن طريق استخدام سياره ..
علشان توفرون بعض المصاريف خلينا نشوف بعض النقاط مع بعض و نحاول نسوي جدول مناسب لرحلتكم ..

• كم يوم مده رحلتكم كامله؟
• المدن الي تبون تزورونها في كندا ؟ وكم يوم تبون تجلسون في كل مدينه؟
• المدن الي تبون تزرونها في امريكا ؟ وكم يوم تبون تجسلون في كل مدينه؟

"ياليت تكتبين اسماء المدن من الاهم"

انا زرت كندا قبل اسبوع عن طريق السياره الطريق ممتع فيه خدمات طول الطريق محطات بنزين بين وقت وثاني. تمرون من جنب بحيرات و مناطق خضراء. تقدرون تزرون كندا عن طريق السياره و راح تنبسطون فيها.
انا بعطيك مخطط بسيط يمكن يعجكم .. حالوا الوصول عن طريق نيويورك و تجلسون فيها 3 - 4 ايام و بعدين تستاجرون سياره احرصوا انها تكون من احد المطارات تكون سعرها ارخص. تطلعون بالسياره الى كندا مدينه مونتريال مدينه حلوه و صغيره تجلسون فيها ليلتين - تورونتو تجلسون فيها 3 ليالي - نياجرا فولس ليله و بعدين ترجعون الى نيويورك و تسلمون السياره و ترتاحون ليله او تحجزون رحله تكون وقتها مناسب و متاخر نسبيا علشان ما تعرفون ظروف الطريق بيكون زحمه او لا .. او تنامون ليله في احد فنادق المطار و اليوم الي بعده تسافرون الى اورلاندو عن طريق السياره ومن هناك تستاجرون سياره. او لو حبيتوا تكملون رحلتكم بالسياره الى اورلاندو تقدرون و توقفون في مدينتين خلال الرحله مثلا اول مدينه واشنطن دي سي العاصمه وتجلسون فيها ليلتين و بعدين مدينه على البحر دايم امدحها مع انها داخل شوي على الطريق السريع ويمكن تزيد ساعه على الرحله بس تستاهل اسمها Myrtle Beach وبعدها الى اورلاندو.
هذا مخطط من عندي لاني انا احب ازور اكثر من مدينه ولا احب اطول فيها... كذا اسلوبي بالسفر خصوصا في امريكا ..
1- هل هناك طريقة معقولة السعر لزيارة الجانب الكندي من شلالات نياغرا من مدينة اورلندو؟ مثلا بالسيارة او الباص او طائرة رحلات داخلية لا ادري اي شي ولكن ابتعد قليلا عن الاسعار الغريبة التي احصل عليها من مكتب السفريات!
في مطار في نياجرا فولس - الجانب الامريكي
http://www.niagarafallsairport.com/index.asp
وفي مكاتب اجار سيارات مثل بدجت بس انصحكم تحجزون بدري لان المطار صغير نسبيا.
وفي مدينه كبيره شوي اكبر من نياجرا Buffalo, NY اتوقع فيه حركه اكثر و يمكن اسعار احلى للطيران. و منها تستاجرون سياره و تدخلون الجانب الكندي و زوروا تورنتو لانها قريبه من الشلالات تقريبا ساعه ونص بس.
وبالنسبه لاجار السياره تقدرون من اورلاندو تمشون الى الشمال خصوصا السيارات مو محدده عدد الاميال.
باصات من اورلاند او نياجرا فولس ما تستاهل
2- كم ساعة السفر من نيويورك الى اورلندو بالسيارة؟ وهل ذلك سهل؟ او هل هنام باص داخلي للانتقال بين هاتين المدينتين؟؟
تقريبا 17 ساعه و لكن انصحكم تريحون بنص الطريق في احد المدن و ذكرت لك مدينه فوق حلوه خصوصا لو تحبون البحر وفيها مطاعم و عروض ممتعه..
ان شاء الله ما تكنسلون الرحله و تجون امريكا و تنبسطون فيها و اي خدمه ان شاء الله الاعضاء يساعدونك بس لازم تبدون تخطيط من جديد علشان تطلع الرحله بميزانيه حلوه.
موضوع رحلتي الي كندا في التوقيع يمكن يفيدكم في تخيطط رحلتكم ..
فهد

1. من بكرا الصباح كملنا ووصلنا بفلو الظهر

أهليين أختي
لا تخربين برنامجك وبالعكس تقدرين توفرين بطريقه كبيره لكن انتي ما عندك خبره بالموضوع والاعضاء هنا بيفيدونك والتقارير بتفيدك لكن أقري تقارير قد ما تقدرين
اول شي متعه أمريكا سفر السياره شي خيال
أتعب وانا أقولك متعه متعه إلى أبعد الحدود
انا بالسعوديه أكره شي عندي طريق البر حتى الرياض الشرقيه ماحب أروح
لكن بامريكا الوضع مختلف
انا سافرت بالصيف من واشنطن دي سي الى أورلاندو ب 15 ساعه وكانت رحله السياره وبدون مبالغه أحلى من جلسه أورلاندو
طبيعه حلوه وجو رايق ومطر وطريق منظم ولا أحد يخش عليه بالسياره ولا يكبس بالنور ولا يسقط
مطاعم واستراحات تفتح النفس خدمات تسهيلات تمرين باكثر من مدينه بالنص
بعد كل 20 كيلو تقريبا مكان خدمات بقاله دورات مياه مجمع مطاعم سوبرماركت محطه بنزين موتيل كل شي حوالينك
وطبيعه وخضره بطريق الروحه طلعنا من واشنطن الساعه 10 الصباح وصلنا الفندق في أورلاندو 1 بالليل طبعا وقفنا أكثر من 10 مرات نصلي ونتغدى ونتعشى ولدوره المياه
ولا تتخيلين الرحله متعبه أبدن وكان معنا أطفال حتى هم مبسوطين
لكن أحنا فادنا معانا اثنين يسوقون كل 4 ساعات يبدلون
لكن انتي تقدرين توقفين في أي موتيل وترتاحون ليله
طبعا من نيويورك راح تزيد شوي وراح تكون 17 ساعه ولا أحلى صدقيني
وتقدرين تستفيدين من تقرير أمباكت عن فلوريدا روعه وتقرير ام يوسف والعبقريه ولكشري ترفيلر كلهم كاملين ووافين ويحكون عن ادق التفاصيل ما شاء الله
برضو من نيو يورك الى بافلو عند الشلالات تقريبا 6 ساعات او 7 والطريق أجمل بطريق الروحه طلعنا من نيو يورك العصر ومسكتنا رش أور وتعطلنا شوي وبنص الطريق وقفنا ونمنا كان باقي لنا بس ساعتين

من بكرا الصباح كملنا ووصلنا بفلو الظهر

طبعا الشلالات يكفيها 3 ساعات او 4 بالكثير اذا انتي حابه ممكن تنامين ليله في فندق مطل طبعا انا زرت الشلالات من الجانب الكندي والأمريكي أبدن ما فيه فرق نفس الشي وانتي راح تنزلين تحت وتركبين البوت ونفس المناظر
اللهم الجانب الكندي أكثر حركه فيه مطاعم ومحلات يوسع الصدر لكن الأمريكي هدوء
تقدرين تستفيدين من تقرير أم يوسف وصفت الشلالات وما قصرت
واذا انتي قصدك من زياره كندا بس للشلالات لا تتعنين ما تسوا الشلالا واحد وكل المسافه كم كيلو وانتي تحت ما راح تحسين
والواحد بأمريكا ما يظطر للطياره اذا بينتقل في الساحل الشرقي بس تظطرين اذا بتوحين من شرق لغرب
وحاولي تدورين عروض بالنت لان مكاتب الطيران والسفريات دايما أغلى
والله يسهلكم أموركم وان شاء الله تنبسطون

عزيزي فهد
شكرا جزيلا لتعاونك معي في هذا، فلقد تعبنا كثيرا من موضوع السفر الى امريكا، حيث ارهقتنا اسعار التذاكر كثيرا وغيرنا وجهتنا وقللناها كثيرا حتى نتمكن من هذه الرحلة التي اتمنى ان تكون جيدة بعد كل هذا التعب
وكذلك الشكر لتعاون الاخ مسافر جديد والآخرين على التعقيب
هكذا ترتيب الرحلة: من البحرين سنطير اولا الى اليونان ليلتان ثم نطير نيويورك لنبقى 4 ليال ثم نطير لاورلندو ونظل فيها 8 ليال ثم نطير الى اونتيريو ومنها ترانزيت الى تورنتو لنبقى فيها 4 ليال ثم نطير للعودة الى اليونان ثم البحرين.
على فكرة كم ساعة من اونتيريو الى تورنتو؟ كنت احاول الغاء هذه الرحلة الداخلية واخذ سيارة من مطار اونتيريو مباشرة الى تورنتو ولكن لم يكن هناك اي فرق في السعر.
على فكرة افكر في الذهاب والمبيت ليلة او ليلتان في شلالات نياغرا! فهل اذهب بالسيارة التي سنستأجرها او اذهب مع "تور"؟
ومتى اذهب في الاربع ليالي التي سأقضيها هناك؟؟ قصدي قبل او بعد اواثناء!!
نحن لا نفكر باستئجار سيارة في نيويورك لوجود خدمات الباصات الدبل السياحية فما رأيك؟!
وهل من الافضل ان احجز السيارة من البحرين او مباشرة من مطاري اورلندو وتوترنتو؟؟
شكرا على تعاونكم معي

1. البطة الصغيرة


2. http://www.budget.com/

البطة الصغيرة

انتريو ولايه في كندا و بنفس الوقت في مدن في امريكا نفس الاسم ما ادري اي وحده تقصدين بصراحه ..
بالنسبه رحله نياجرا اشوف انها اقضل تكون بالسياره الي بستاجرونها علشان تاخذون راحتكم بالروحه والرجعه اي وقت يناسبكم ترجعون.. و اشوف ان نياجرا فولس ما تستاهل اتكم تجلسون فيها ليله لان المدينه عباره عن شلال و كم فندق و شارع صغير فيه مطاعم . حلو لو ترحون يوم تتمشون فيها بالسياره و ترجعون بنفس اليوم تقريبا الطريق ساعه ونص.
في ايام بالصيف يكون في العاب ناريه و انا ان شاء الله بكتب عنها قريب في المنتدى ..
و بخصوص نيويورك ما تحتاجون سياره خصوصا لو سكنتوا في منهاتن لان المواصلات حلوه فيها بس مستواها عادي مهوب فخمه و اذا ما حبيتوا المواصلات العامه في التكاسي في كل مكان .. لان موقف السياره يمكن يطلع لكم اغلى من اجار السياره اليومي.
بالنسبة بخصوص اجار السياره انصحكم تدخلون على موقع شركات تاجير السيارات و تقارنون الاسعار و في موقع يسوي هالخدمه ..
http://www.carrentals.com/

• الموقع هذا يطلع السعر شامل الضرايب وكل شي ولكن بدون التأمين و العاده يختلف من مكان لثاني..

ولكن انا لقيت اسعار افضل من الموجوده في الموقع لمن دخلت على موقع بدجت وكتبت اني من السعوديه في البحرين بعد .. طلع لي سعر افضل و شامل التامين ..

http://www.budget.com/

والحلو ان مواقع اجار السيارات ما تطلب كرديت كارد تقدرون تحجزون بدون ما تدفعون شي مقدم وحتى لو ما رحتوا ما راح يخصمون عليكم شي و افضل تحجزون مبدئي و ان لقيتوا بالمطار شي افضل من الي حجزتوه اتكلوا على الله وما ادري لو مكاتب البحرين تقدم عروض افضل من الاسعار الموجوده على الانترنت.
عفوا و ان شاء الله تنبسطوا في الرحله و اكيد الاعضاء ما يقصرون في رايهم

ا لاخت انا سافرت العام مع اسرتي السعودية نيورك استاجرت سيارة من مطار نيورك Jfk عن طريق انت شركة بدجيت مع Gps سافرنا الي دزني فلوردا نمشي في السيارة في انهار وقبل مغيب الشمس ادور علي موتيل ونسكن فية ونمشي في الصباح حولي الساعة 9 السفر بالسيارة في امريكا متعة من جد وكل الخدمات متوفرة علي الطريق ومكنا مستعجلين وسلمت السيارة في مطار نيوك نفس اليوم الي حنا رجعين الي السعودية السيارة توفر كثير من مصريف المواصلاات طيران دخلي تكاسي فطارات غير كذا متعة وسيارتي عندي اي وقت ابغا اروح اشغل اليسارة ومشي ,,,,,,,,, وبتوفيق

عندي سؤال للاخ فهد كم المسافة من نيويورك الى شلالات نياجرا لاننا ان شاء الله بنزور نيويورك 4 ليالي يعني يمدي نروح لشلالات ونرجع في نفس اليوم او لا ؟ وهل فيه رحلات من الفندق او باصات تروح واذا اخذت تاكسي خاص كم بيكلف تقريبا