اذا ودكم تطلعون فيزة كندية فقط للشلالاتت فهي لا تستحق !!
يمكنكم زيارة الشلالات من الناحية الامريكية والدخول بالقارب الى الشلالات واتوقع انه يكفي !!
اذا طلعتوا الفيزا الكندية تكون لديكم خطة للجمع بين امريكتا وكندا خاصتاً فانكوفر !!
بالتوفيق

والله يا اختي انا سبق اني رحت بالسياره من ملبورن = جنب اورلاندو = الى نيويورك بالسياره مرورا بسموكي ماونتن وانا اعتقد انها افضل من نياقرا لان نياقرا بعيده = 6 ساعات من نيويورك باتجاه الشمال = وغير كذا ما فيها شي يسوى لان الجزء الامريكي ممل جدا
انصحك بالتوجه الى اتلانتا ومن ثم الى شتنوقا فسموكي ماونتن فواشنطن فنيويورك وبالرجعه نيويورك هيرشي فرجينيا بيتش شارلوت اورلاندو على 95

كل الشكر لمشرفنا الغالي ( مو غريبه عليه
بس الأخ ( أبو فيصل )
أخيرا رديت علينا ياأبو فيصل
من زمان وانا ابي استشيرك في السموكي ماونتن بليز لاهنت
1- يقولون حر في الصيف صح ؟ واحد من الأعضاء رد علي يقول مره حر
2- الشي الثاني فضلا لاأمرا تعطيني مسار الرحله بشويه تفصيل من اورلاندوا إلى السموكي ثم نيويورك ( كم يوم أحتاج بالسياره ,وين اتوقف بالضبط ,ووين اسكن , مع العلم انه معي طفلين 3 سنوات و7 سنوات
3- طبيعه المكان ,انا قريت لبعض الكتاب انها منطقه رحلات بريه ( كشتات)
4- إذا فيه أماكن اروح لها في اتلانتا ,شنتوقا , سموكي ماونتن

1. SENUORH

SENUORH

الحر بالصيف بكل مكان في شمال الكره الارضيه عموما حر سموكي ماونتن بالنسبه لحر فلوريدا هو جنه، والمميز بالصيف ان التلفريك اليي بقلتنبرق شغال وغير كذا الدنيا خضراء والشلالات 100% وزحمه بعكس الشتاء وبالنسبه للطريق من اورلاندو الى اتلانتا تقريبا 6 ساعات بالسياره، انا مسكتها الى شتنوقا تقريبا 8 ساعات وقعدت يومين هناك من شتنوقا لسموكي ماونتن تقريبا 4 ساعات واجرت كوخ على الجبل وقعدت هناك 4 ايام وكانت ممتعه لكن تحسف اني رحت انا وزوجتي لحالنا لان الاكوخ يبغالها جمعه (ناس واجد)، من سموكي الى واشنطن تقريبا 8 ساعات ومن واشنطن الى نيويورك 4 ساعات ومن نيويورك الى هيرشي ساعتين ومن هرشي الى فرجينيا بيتش يمكن 4 ساعات ومن فرجينيا بيتش الى شارلوت يمكن 5 ساعات...الخ تقدرين تعرفين المسافات بالضبط عن طريق google maps وفي كل مكان تروحين له بتخصلين tourists center يعلمونك على كب شي، لان النشاطات تختلف حسب الرغبه الشخصيه من شخص لشخص والنت ما قصر بس اكتبي اسم المدينه و activity يطلع لك حوسه واجد عموما سموكي ماونتن فيها اوت لت كبيره = اكبر واحد شفته بامريكا = فيها مطاعم وعروض وفيها تلفريك وطبيعه ومنتزهات، انا من الناس اللي يسافر علشان يصور علشان كذا اركز دائما على الطبيعه وشتنوقا فيها شلال تحت الارض وفيه loook out mountain تشوفين اكثر من ولايه من نفس المكان وفيها اكوريوم واتلانتا غنيه عن التعريف لكن انا شخصيا ما قعدت فيها لان المدن الكبيره ما تستهويني

**Abu Faisal**
معلومات حلوة الله يعطيك العافية.. واذا ممكن تنزلنا صور بما انك من محبين التصوير تثري بها بوابة امريكا بصور حصرية لمنطقة جديدة...

أنا زرت الاثنين....بالنسبه لي كانت السموكي ماونتن اجمل....
كان خط السير من اتلانتا ومن ثم اورلاندوا...دايتونا بيش....سموكي ماونتن....الطريق كان قمة الروعه....
لو زرتي اورلاندوا ..لا تنسي بأن تذهبي للدايتونا بيش...والسكن في الهيلتون...ولن تنسي هذا الحدث ابدا..
بالتوفيق....

هذه صوره من بلكونه الكوخ اللي مأجره في صباح احد الايام

**Abu Faisal**
صورة اكثر من رائعة... الف شكر

بصراحه يابو فيصل من طول الغيبات جاب الغنايم , تسلم وماقصرت
والشكر موصول لmr.x