صعبه تروحون وترجعون بنفس اليوم بالسيارة
لأن الطريق ياخذ تقريبا 7 ساعات
بس اذا بالطيارة ممكن تروحون على أول رحله الصبح وعلى طوول الشلالات
وبعدها ترجعون للمطار على آخر رحله
هذا اذا تبون تروحون بالطيارة
ولو اني احس السالفه بعد شوي متعبه
واذا تبون بالسيارة ممكن تأجرون سيارة بس لالازم تباتون فيها لو على الأقل ليله أو ليلتين
لأن صعبه 7 ساعات روحه و7 ساعات رجعه
أو ممكن انكم تروحون بالسيارة وتريحون ليلتين في بافلو
ومن بافلو تطيرون بالطيارة للوجهه التاليه
يعني ما ترجعون لنيويورك خلاص

السلام عليكم
المسافة من نيويورك الي شلالات نياجرا 670 كيلو والشركات عشان توصلكم يااما بتكون بالباص او سيارة وكلها راح تاخذ من 8 الي 9 ساعات رايح ومثلها جاي وهي متعبه ومكلفة وغير مجديه نهائيا
نجي
للطيران الرحلة من نيويورك الي نياجرا ساعه ونصف وتنزلين في بافلو لان مافيه مطار في نياجرا اصلا وبافلو تبعد عن الشلالات 49 كيلو من المطار واذا خذيت لموزين راح يكلفك 50 دولار والتذكره الطيران تكلف من 200 الي 350 دولار حسب اذا كان الحجز مبكر من عدمه يعني شيلي من راصك الروحة والرجعه في نفس اليوم
نياجرا ماينفع نهائيا الواحد يجيها ساعات من اجمل الاشياء الي زرتها وبعدين للإحاطة فنادقها رخيصه مره اغلي فنق الغرفه قرابة 500 ريال لليوم فندق خمسة نجوم حق نياجرا يومين

شكرا على الرد
انا قرآت عن باصات تروح و ترجع من نيويورك ل نياجرا فولس
اخترت شركه و حجزت فيها باص ياخذنا من نيويورك الى نياجرا فولس و يكونون مرتبيلنا الرحله كامله مع اقامه في فندق لمدة يوم واحد
يعني نروح تاريخ 16 ونرجع تاريخ 17
من موقع take tours
وش رايكم
السعر للشخصين روحه ورجعه مع الفندق و نكون معاهم بالرحله كامله تكلف 216$

السلام عليكم
والله بالباص تعي جدا يااختي الفاضلة قرابة 18 ساعة روحة ورجعه في 48 ساعه
والواحد يشتري التعب بالفلوس
واذا كنتي تقصدين ان سفرتكم في اغسطس بيزيد عليكم السعر بسبب الحجز المتأخر
راي اذا ملزمين روحة يوم روحوا طياره
ارخص حجز روحة ورجعه علي خطوط دلتا 216 دولار الذهاب يوم 16 ظهر والعوده بعد في الظهر يوم 17 وكل الرحلتين لاتستغرق الا 4 ساعات وهاذا الرابط
http://www.kayak.com/flights
والفندق اذا تبون اجمل فندق الي هو جيكوما تصنيفه رقم واحد وسعره 1200 وهوخمس نجوم عشان الحجز متأخر لو حاجزين قبل فتره تاخذونه 500 الي 600
معك تكلفة خطتي اكثر تكلفة بس اريح بكثير ولا تنسين الباصات ماهي مثل باصاتنا ياخذ راحته في السرعه مع التوقف
موفقه يااختي الفاضله

شكرا اخي رامي و ان شاء الله راح نحجز ع الطيران اريح بصراحه 8 ساعه باص راح تكون رحله متعبه صحيح كلامك
وبالنسبه لنيويورك عندك اي فكره عن المطاعم هناك الحلال؟ او المطاعم العربيه
نحنا رايحين امريكا اول مره ولا عارفين شي

السلام عليكم
اختي العزيزه بالنسبة للاكل الحلال عندك كثير في نيويورك
1- السيارات المتنقلة او الا كشات اللحم فيها حلال اغلب الي يبيعون فيها عرب مسلمين وهي كثيرة جدا
2-الدجاج في امريكا كلها حلال لانهم يحطونه في 9 فولت من الكهرباء ولا يموت ثم يذبح وهاذي فيها فتوي وتتبع الفتوي خويي وهو احرص مني في اكل الحلال
3- وعندك المأكولات البحريه
في الختام خذي هذا الموقع للمطاعم الحلال لكن مدن العالم تقريبا ونا مخلي الرابط علي نيويورك (منهاتن)
http://www.zabihah.com/c/Manhattan+77

شكرا اخي رامي تعبتك معاي وانا حاليا ادور معلومات سياحيه عن نيويورك حتى ارتب جدول
مشكور اخي

موفقه يااختي تابعي تقريري كل المعالم موثقها فديو عشان الاخوان يشوفون الواقع كما هو وسبق اني انتهيت من نيويورك

رامي شعيل
مشكور اخوي وانا حاليا اتابعك موضوعك و ان شاء الله قريب بخلص منه صراحه استفدت كثير