وعليكم السلام ،،
ما اذكر اني سمعت بالشقق هذي ،، لكن اذا على طريقة الحجز ،، اذا ممكن نعرف موقعهم على النت ،، اشوفه واقولك وش تكتبون ،،
بالتوفيق ،،
اورفوار ،،

http://www.theleonard.com/apartments/
هذا الموقع
ياليت تشوف لي كيف طريقة الحجز ابغى الشقه الي 3 غرف
وهل فيه سكيوريتي ؟؟؟
والله يجزاك خير ويوفقك على المساعده

دخلت على موقع الفندق والشقق ،، واضح ان فيه شقق 3 غرف وكاتبين بالتفصيل مميزاتها ،، لكن لسبب ما ،، الموقع مايطلّع لي إلا سعر الشقه بغرفتين ،،
عموماً ،، انا ارسلت لهم ايميل اطلب اسعار الشقق 3 غرف في شهر سبتمبر لمدة اسبوع ،، وجاني الرد الآلي ان الحين ويكند ،، وبيردون على ايميلي يوم الاثنين ،،
من ناحية الموقع ماعليه كلام للي يبون القرب من شارع الاكسفورد والهايد بارك ،،
حاولت اشوف الناس وش كاتبين عنّه في مواقع الفنادق الاجنبيه ،، ولقيت ان معظم التعليقات على الاوتيل مو الشقق ،،
على بال مايجي الرد منهم يوم الاثنين ،، انصحك تشوفين اماكن ثانيه يمكن تلقين أفضل بنفس الميزانيه ،،
http://www.londonservicedapartments.co.uk/
اورفوار ،،

يعطيك العافيه على سرعة الرد
انا الي محيرني انه مالقيت اراء عن الشقق مع انه وحده مدحتها لي مره وقالتلي انها مجدده في 2009
بس مادري خايفه ماودي اغامر وخاصه اني ماعرف هل السعر مسترد او لا ؟؟
بالنسبه للموقع الاول الي حطيته هذا من زمان ادور فيه وتعجبني فيه شقق بس مايردون علي بسرعه
ومادري هل الاسعار الي حاطينها هي فعلا اسعارهم ؟؟ وكيف طريقته ياليت تقولي بالتفصيل وبتكون فكيت ازمة شهر ونص من التدوير والحوسه

الله يعافيك ،،
بالنسبه للموقعين ،، هي عبارة عن شركات سياحه وسيطه ،، مثل موقع بوكنق ،،
لكن فيه طريقه ثانيه أفضل ،، اذا شفتي شقق حلوه ،، انسخي الاسم وحطيه في جوجل ،، وفي الغالب بيطلع لك موقع الشقق الرسمي ،، وبكذا ممكن تتواصلين معهم مباشره وتقارنين الأسعار ،،

• * على فكره ،، الشقق في لندن بعكس الفنادق ،، الشقق اسعارهم ثابته ،، وقرب الوقت مايرتبط غالباً بإرتفاع الاسعار مادام ان الاماكنيه موجوده ،،

والأسعار غالباً تكون مقسمّه بالعاده على موسمين ،، موسم عالي يبدا بالعاده من شهر 6 الى نهاية 8 وبعضها الى 9 ،، وفترة ثانيه تكون غاليه اللي هي ديسمبر ويناير ،،
والفتره الاقل سعر تكون بين شهر 9 الى 11 في الغالب ،،
المقصد ،، ان للحين معكم وقت تدورون برواقه ،،
وعلى كل الأحوال ،، كل موقع يكون فيه ( Cancellation Policy ) ،، اللي هي سياسة إلغاء الحجوزات ،، يكون فيها شرح هل المبلغ مسترّد ،، او هل فيه رسم إلغاء معيّن ،،
بالتوفيق ،،

الله يجزاك كل خير ويوفقك مره شكرا

انا قررت اراسل الموقع نفسه بالايميل الي فيه واحجز
بس ايش اكتب بالضبط ؟؟ هذي اخر مره انشب لك ههه سوري

,
ss,i ،،
هذي صيغة ايميل مناسبة ،، اتمنى لكم التوفيق ،،
Dear Reservations team
:I would be grateful if you supply me a quote for
Three Bedroom apartment in Leonard Apartments at Seymour Street *
عدد الليالي Duration: x Nights *
تاريخ الدخول والخروج Date: From xx September to xx September 2011 *
عدد الأشخاص Number of guests: x *
طريقة الدفع وسياسة الإلغاء Method of payment and cancellation policy *
Many Thanks
اورفوار ،،

شكرا اخ فوجر حتى انا استفدت من مساعدتك
جزاك الله خير