1. وتناسب العوايل ..


2. هذي صورة لواجهة الفندق


3. والحين بندخل الشقق

يامرحبا الساع
ويالله حيهم
في البدايه أحب أشكر الاداره والمراقبين والاعضاء على كل المعلومات اللي يقدمونها وتفيد الجميع لاني
بفضل الله ثم فضل تقاريركم والمعلومات اللي تقدمونها تعرفت على هالفندق وجربناه وحبيت انقل تجربتي
للجميع
عباره عن تقرير مصور وبسيط ..
ومثل ماوعدتكم قبل لااسافر النمسا وخصوصا زيلامسي اني اصور شقق نيوبوست
صورتلكم الشقق عشان تتعرفون عليها من قريب وعن تجربتنا لهالشقق بخبركم برايي فيها وبكل صراحه
عشان الكل يستفيد
هالفندق من فئة 4 ستار
ويتميز بشقق نظيفه وزينه ..صح هب كبيره وايد بس مريحه ويكفي انها في زيلامسي

وتناسب العوايل ..

وموقعها ممتاز وقريب عالبحيره يعني مشي دقيقتين وتكونون في البحيره ..واحلى مافي هالفندق ان تحته سوبرماركت تركي ومخبز قريب منه ومطعم الفندق تحت ..وبعد سوبرماركت بيلا ..وكله براويكم اياه بالصور عشان تدلون
شرايكم نشوف الصور واشرحلكم مع الصور ؟
يالله نسمي بسم الله

هذي صورة لواجهة الفندق

وهذي صوره ثانيه توضح السوبرماركت التركي اللي اقولكم عنه بتلاقون عنده كل شي تبونه فواكه خضار عصاير معلبات وماي وحلويات والاهم كل شي حلال مايغشك ..بتشوفون لايحه صفرا عاليسار فيها فواكه هذا هوه السوبرماركت ..بس عيبه الوحيد انه غالي مستغل العرب والخليجيين استغلال ..بس شنسوي الحايه تحدك مرات تشتري وانته تدري انه حرامي

وهذي صوره فيها بتشوفون البكري وسوبرماركت ابيلا ..صراحه نحن دووم نشتري منه الماي واللي نحتاجه من عصاير وغيره لانه ارخص عن التركي الحرامي بس انتبهو يوم تشترون شي انه مايكون فيه كحول ولاتسون سالفتنا يوم اشترينا كاتشاب ولادرينا ان فيه شي والشباب ضربو على نصه وعقب فجأه صار هدوء في الشقه ويوم دورناهم لقيناهم منخمدين وطلع الكاتشاب سبب خمدة الشباب مقلب قوي صراحه ..وبالصدفه اختي قرت مكوناته وطلع فيه نسبه كبيره من الكحوول ومن عقبها توبه ماناخذ شي الا قارين مكوناته ..
حشرتكم ونسينا الصوره
البيكري اللي عاليمين وبيلا سوبرماركت اللي في وسط الصوره وهذا بابه الخلفي وبتشوفون عاليمين فوق لافته مكتوب عليها بيلا..

والحين بندخل الشقق

الشقق اللي خذناهن في البدايه كنا ناوين على شقتين كل شقه بغرفتين نوم بس مالقينا غير شقه غرفتين نوم وشقه بغرفة نوم ..وحطولنا اسره اضافيه في الصاله وتستوي غرفه لشخصين ..وقالولنا عقب يومين بنحول لشقة بغرفتين نوم لانها بتكون متوفره ..ووافقنا ماباليد حيله ..
وبنبدا بشقة الغرفتين نوم وفيها الله يعزكم حمامين وصاله فيها طاولة طعام ومطبخ ..صغير بس يمشي الحال
الشقه بصراحه هب كبيره زوينه وتمشي الحال المهم انها نظيفه ويكفي انها في زيلامسي
وسامحوني عالتصوير والصور لاني كنت مستعيله وانا اصور قبل لايهجمون الحلوين ويخربون المكان ويطلعون في الصور ههه
وهنيه صورة الصاله وطاولة الطعام ..

وهذا المطبخ وفيه كل شي صحون ولوازم الطبخ كلها للي يبا يطبخ..

وهذا الله يعزكم الحمام

والحمام الثاني الله يعزكم

وهنيه غرف النوم
1

2

وخلصنا من الشقه ام غرفتين نوم
نروح للشقه ام غرفة نوم اللي حطولنا في صالتها سرير اضافي واقلبوها غرفة نوم ..ومشت الحال ليومين ..
وهذي الصاله اللي حطو فيها سرير اضافي

وقسم من الصاله ..غرفة الطعام

واخر قسم المطبخ ..صراحة مطبخ الشقه ام غرفه اكبر لانه مفتوح عالصاله ..ومن ضمن الصاله

وهذي غرفة النوم الاصليه

والله يعزكم كان فيها حمام واحد..
بس مقسمينه قسمين ..
قسم مغسل وبانيو ..

وقسم الله يعزكم حمام مثل ماتشوفون

وخلصنا من الشقه ام غرفه وعقب يومين مثل ماوعدونا نقلنا لشقه ام غرفتين
وكانت اوسع من الشقه الاولانيه
ولاحظنا ان الشقق هب نفس الحجم بالرغم من انهن نفس الفئه ..غرفتين نوم..
وهذي بعض الصور السريعه لها

وغرف النوم نفس نظام الشقه الاولانيه
غرفه بسرير كبير وغرفه بسريرين صغار
ونفس المطبخ والحمامين الله يعزكم ..
بس كانت اوسع شوي هذا الفرق الوحيد..
وهذي صوره للغرفه ام سرير كبير

وهذا الفيو من الصاله

احنا يوم ماحصلنا فيو عالبحيره فضلنا الفيو يكون عالجبال والطبيعه احسن عن فيوو المسبح
وفي الاخير اتمنى ان هالتقرير البسيط والمتواضع نال على اعجابكم وفادكم ..
والسموحه عالقصوور
اختكم
الامارات