الشقق تبعد عن جنيف قرابه 10 دقايق او اقل بالسياره بعد الحدود الفرنسيه بنص كليو
بالقرب منه وعلى مساه خمس دقايق بالسياره مجمعات واسواق كبيره بالاضافه الى سوق جنيف

تسلم اخوي البسبوسي 00 بس بغيت اعرف اذا بدون السيارة المنطقة قريب منها سوبر ماركت او هي في منطقة لحالها
حنا ناوين نستأجر سيارة بس احيانا زوجي ينام بنهار وانا أمل وبصراحة متخوفه اسوق السيارة هناك لحالي ..فيا ريت تفيدني ان كان بالأمكان التمشي في المنطقة ولا لا ؟؟؟
ولك مليون شكر ع الرد لا هنت

إختي طلبكم موجود في ديفون الشقق أحلى وقريب منها كل شي مثل سوبرماركت وسوق صغير وكوفي شوب وألعاب وبحيرة وممكن ومن السهولة القيادة بالنسبة لكي إختي من خلال تجربتي .
منطقة شقق الاكسلسيور ما أفضلها لان كل مشوار لا بد يكون بسيارة عكس ديفون صحيح منطقة ريفية صغيرة لكن ممكن التجول فيها والتسوق من السوبرماركت مشيا بدون سيارة.
بالتوفيق إختي

الله يوفقج مس يورب تسلمين ع مداخلتج الحلوة
والله يا خيتي ودي احجز بديفون بس الاغلب يمدحون هوم بزنس وما حصلت عندهم شقة غرفتين
وهذا الي خلاني احول تفكيري لشقق الاكسلسيور فيه غيرهم لأني قريت ان فيلا دو لاك ما عاد يسكنون عرب هو صج ولا تداخلت علي المعلومات من زود ما قريت : -(

الهوم بزنس عندهم شقق غرفتين من خلال موقعهم الالكتروني موجودة عادة ناخذ شقتين غرفة وصالة يعني الجونيور سويت إذا أطفالكم كبار شوي ومعك شغالة ممكن تاخذين 2 جونيور سويت وهذا اللي نعمله وقت الحجز واحتمال السعر يكون نفس سعر شقة غرفتين في اكسلسيور ديفون أحلى وأروع بكثير .
بالنسبة للفيلا دولاك فعلا الصيف الماضي حاولنا نحجز عندهم لمن ما كانوا يردون علينا ولما جانا منهم رد قالوا الحجز أقل شي شهر ومن بعدها سمعت مايحجزون ولا يردون على الكل لكن المفاجأة لما كنا في الصيف وجدت الاغلبية من الخليج كيف تم الحجز لهذا العدد لا أعرف بالفعل شيء غريب !

هلا مس يورب والله اني سعيدة بردودج وتجاوبج معاي :36_3_12: تدرين بحاول مع مكتب الحجوزات الي اتعامل معه يشوف لي بديفون ,, من الصور مبين ديكورات لا فيلا احلى من الهوم بزنس بس في التصنيف الهوم بزنس اربع نجوم ولا فيلا ثلاث ...انتي ايش رايج فيهم لما شفتيهم هناك