هلا بك اخوي قافله وكل عام وانت بخير يا غالي
شكلك متاثر بال بالتولك اجل برايفت
بخصوص السكن اذا غرفتين يسمح لاربع اشخاص بسكنها لا اعلم يمكنك المرور علي تقرير اخونا ابو سامر
اعتقد سكن في شقه غرفتين
ماادري اذا بترتاحون اذا انتم اربعه في غرفتين فقط اتوقع ما تاخذون راحتكم اما عن النظام فاتوقع مجرد توقع بدون جزم انه لا يسمح الا اذا بتتلاعبون عليهم
ارخص موقع للحجز الاخوان بيفيدونك فيه لاني عاده مااحجز من النت >> شغل شيبان
لكن يمدحون موقع بوكينق واسيا روم الاخوان راح اعمل بحث بسيط للاسعار بس حدد اي يوم عشان نعرف الارخص من خلال المواقع
ورحله موفقه يا غالي

هلا والله جاكا كل عام وانت بخير
وعساه شهرن مبارك على الجميع
بالنسبه اذا بنرتاح اربعه بغرفتين..
ماعندك مشكله لو غرفه وحده وفيها 4 أسره.. !!
((((الا اذا بتتلاعبون عليهم)))..

بإنتظار مساعدتكم يا اخوان
لا تبخلون علينا...

تبي ارخص سعر من النت بهذا اليوم في استون مارينا صحيح ولالا
صحح لي اذا غلطان وراح اسوي بحث علي طلبك

ابوخالد
ياخلفهم ماودي أتعبك معي
اذا على الحجز مو مشكله..
لكن المسأله هل هم يسكنون 4 في الشقه ولا لا؟
أبتصل عليهم واشوف...مع اني ما اعرف احتسي انقلينزي..!!
لكن اذا قالو مانسكن اربعه انا مضطر اغير الشقق..
انا بحط كم اسم وانت قلي وش رايك..
مع العلم اني ابي تكون الشقق قريبه من هالنقطتين..
1-اسواق الملابس والاسواق الشعبيه
2-انشول
اختارلي الأنسب من هالشقق..واذا عندك زود ياليت تفيدن..
1-The Aryaduta Suites Hotel Semanggi
شقه 3 غرف اربع اشخاص ب 430 ريال
2-Grand Tropic Suites
شقه غرفتين 4 اشخاص ب375 ريال
3-Puri Casablanca Serviced Apartment
شقه 3 غرف 4 اشخاص ب 412 ريال
4-Aston Rasuna
شقه 3 غرف 4 اشخاص ب 394 ريال
بإنتظارك عزيزي ابوخالد..
والله يتقبل منا ومنكم الصيام والقيام..

قافله
منا ومنك صالح الاعمال
شف مساله تسكين 4 اشخاص بشقه غرفتين لا اعلم عنها لكن فيه حل مثلا انك تاخذ 3 غرف اعتقد بيكون الامر اسهل ان كان فيه اشكال باسكان 4 في غرفتين
بخصوص بقيه الشقق الاقرب من طلبك وهي الاسواق الشعبيه وانشول هي كالاتي اولا استون مارينا ثم قراند تروبيك
هذا اذا كانت الاسواق المقصوده وهذا اغلب ضني هي سوقي منقا دوا وباسار باروا
الاريدوتا بعيده عن هلمنطقتين وغرفها الصغيره فيها سرير واحد فقط فردي مع السرير الكبير في الغرفه الكبيره
لا اعلم اذا عندهم امكانيه اضافه سرير فردي بسعر زائد
القراند تروبيك تقع علي نفس الطريق السريع اللي يودي لانشول والمطار
عشان تكون بالصوره الشقق هذي كانت بالبلاك لست وحسب كلام الاخوان ووصفهم لها اصبحت الان خارج البلاك لست بعد تغير مسماها من ميركوري ابارتمنيت سابقا الي قراند تروبيك الان
اللي اذكره ان غرفها الصغيره فيها سريرين مفردين في كل غرفه صغيره + سريركبير للغرفه الكبيره
وحمام كبير وانت بكرامه للغرفه الكبيره + حمام مشترك للغرفتين الصغار
والمطبخ نظام سويت امريكي مفتوح علي الصاله
كازا بلانكا وراسونا سعيد ينطبق عليهم ما ينطبق علي اريدوتا بالمسافه والموقع مختلف متفرق مو بمنطقه وحده
اذن خيارك برايي بيكون بين مارينا اولا للقرب ثم قراند تروبيك مع ملاحظه عشان ما تزعل علينا
التروبيك قراند تقع علي الطريق السريع ومارينا ويعيبهم مخرج ااو اللفه اللي تحت الكبري للطريق السريع للرجوع لوسط جاكرتا غالبا تكون هلنقطه منطقه مزدحمه
نقطه مهمه واخيره اعتقد طلبك مبني علي رغبتك بالتوفير بالسكن
اذا كانت بونشاك من ضمن برنامجك فراح توفر سكن فيها لان الفلل في الغالب تكون ارخص من جاكرتا وشققها

أبوخالد
ما قصرت ياخلفهم
الحين انا لقيت لي واحد يقول بكلملك استون مارينا بشوف وش يصير عليه واعطيك خبر برساله خاصه هناك..

أعتقد أنك وجهت سؤالك للرجل المناسب في هذا المنتدى
الف شكر ابوخالد على مجهودك الكبير لمساعدة اخوانك
انت نور هذا المنتدى ومنك استفدت ياما وياما
والف شكر للأخ قافلة الذي حرك هذا الكم من المعلومات من خبيرنا ابوخالد