مسائكم ياسمين دمشقي
أخي أي واحد يدخل سوريا بإمكانه أخذ شريحة لكن بشروط
صورة الجواز والبصمة ( بصمة اليد ) وهذا شرط طلعوه
بسبب الأحداث الجديدة وأشياء أمنية مثل ما يقولون...
أول ما تدخل سوريا فيه بقالة على يمينك ممكن تأخذ
من عنده شريحة على ما أذكر ب 850 ليرة وتشحنها بالمبلغ
اللي تبيه أو إذا وصلت الشام من أي محل إتصالات...
بس إنتبه إذا جيت راجع وطالع من سوريا لا تعطي أحد الشريحة
خلها معك للسفريات الجاية إذا كانت قريبة وإلا كسرها
وحطها بأقرب درام
لأن الشريحة بإسمك ويمكن اللي يأخذها يستخدمها بأشياء
ممكن تضرك بعدين ولا تقول ليه ما علمتوني ليه ما قلتولي
ليه ما نبهتوني... من ألحين حطها ببالك...
واتمنى لك سفرة ممتعة وموفقة إن شاء الله...
تحياتي...
ذيب الشمال

مثل ما قالك اخوي الذيب واسعارهم معقوله

سمعت وقرأت في هذا المنتدى أن الشريحة لأي الشركتين السوريتين ب 400 ل س !
أرجو ممن لدية خبرة خصوصاً حديث عهد بالشام .

جابها الذيب الذيب ذيب عشان كذا سمو سامي الجابر الذيب .

المشكله البصمه ليتها تأخذ مره وحده وخلاص ترفع بسجل لك ..... اما ابصم زي الشياب كل مره اطلع بطاقة والله اجراء متأخر مره وانا استغربت لما قلي الموظف بصم قلت يؤ وش ابصم انا متعلم واوقع وانا طول الوقت الشياب عندي بالبنك ابصمهم صرت انا ابصم زيهم
مافكره حضاريه بحق الشركه خصوصا السياح القادمين من برى ومن مختلف الدول يعاملون المتعلمين كانهم مجرمين وياخذون بصماتهم

انا كنت هناك قبل رمضان وطلبت من السائق شريحه مع الشحن لا طلب جواز ولا بصمه

للعلم سعر الشريحة 400-450 ليرة بس الرصيد 0

كم سعر البطاقة (الشريحة فارغة)
كم فئات الشحن التي استطيع ان اشحن بها
يعني مثل سوا الشريحة فارغة ببلاش(لكن بالطبع لا تباع الشريحة فارغة بدون شحن)
اذا كانت الشريحة مشحونه بمائة ريال الشريحة بمائة ريال يعنى الرقم ببلاش والشحن بمائة ريال تقدر تكلم فيه بمائة ريال
من يقدر يفصلها لنا رجاء

أخوي ghost_9
أعتقد إن البصمة ما هي من إختراع الشركة
مثل ما ذكرت قبل هي أسباب أمنية يعني سالفة
البصمة الحكومة (المخابرات) هي اللي حاطه هالشرط
على شركات الإتصالات...
أخوي abcdow
الشريحة اللي جابها السواق صح ما هي بإسمك
بس بإسم شخص ثاني ويمكن بإسم السواق لكن
كلامنا وموضوعنا عن الشخص اللي يبي يطلع شريحة
له هو الآن ما تقدر تأخذ هالشريحة إلا بالجواز والبصمة
تحياتي...
ذيب الشمال