الموقع فيه خلل!!
وما تقدروا تغيروا السفارة لين تختاروا موعد في نفس السفارة الاولى !!
حاولوا مرة ثانية في وقت ثاني !!
بالتوفيق

أهلين
أنا أعيش نفس الحالة هاليومين ,, جهزت كل أموري و I-20 بتوصلني بعد بكره
بس يوم حاولت اسوي موعد أون لاين طلع لي نفس المشكلة كل المواعيد الي في الرياض صفرا ؟؟
حاولت أغير للظهران بس ما عرفت وش لون ,, أتمنى من أي شخص عنده علم بالموضوع يفيدنا
مشكورين

هلا اخوي glory KSA لا تعب نفسك وتحاول تغير للظهران لان نفس المشكلة فيها صفر مير الرياض يطلع في الصفحة الاساسية انة فية مواعيد بس الظهران لا .
هل الرياض يطلع فية واذا سجلت مصفر بعد؟؟ علمني لو سمحت لاني كنت ناوية اشترى معرف جديد عشان اخذ من الرياض؟؟؟

مرحبا اخت (nhk ) و اخوي (gloryksa ) الله يكون بعونكم ويفرج همكم .......
لو سمحتو سجلوني معاكم .. نفس المعانة والله انا من اسبوع وانا مقابل صفحةالمواعيد صبح ولليل ولليل وصبح ... وفي الانتظار على امل ان شاء الله انه حتفرج مع العلم انة بداية الدراسة عندي على سبتمبر ...
اقولكم سر ............. من جد جالس افكر اني اغير البلد واريح دماغي ... وش رايكم!!
يليت اعرف اتكلم (كوري) كان سيدة على السفارة الكورية ...........
لاتشيلو هم اتكلو على رب العالمين وصدقوني ان الله راح يسرها وذا ما تيسرت بعد صدقوني انها خيره مارح ننددم عليها

هلا اخوي الكوري
كلامك مليون 100% صح(لاتشيلو هم اتكلو على رب العالمين وصدقوني ان الله راح يسرها وذا ما تيسرت بعد صدقوني انها خيره مارح ننددم عليها) بس انا مقهورة منهم لو ما اروح بس اطلع الفيزا عناد بس :112:
كلمت القنصلية الامريكية بي الظهران اليوم وقالو انهم موقفين المواعيد لسنة قدام لانهم
مزحومين .
بس ابي اعرف هل نفس المشكل بي الرياض قبل لاشتري المعرف؟؟؟؟

اليوم بعد ما قريت موضوعك على طول فتحت خط اتصالات على جميع الامريكان الى اعرفهم عندي با الدوام والى ما اعرفهم بعد ... علشان اشرح لهم المعاناه .. طبعا طلبت منهم المساعدة وللا اسف كلهم اعتذرو وقالو ما نقدر نخدمك كل شي الى موضوع السفارة طيب يا الغالين انتم كل يوم رايحين هناك خلصو المو ضوع وضبطو الموعد (NO) على طول
المهم اكتشفت انة ما يعترفو با الواسطة طبعا هم بس ما احد يعطيهم وجة في السفارة مو زينا هنا حنا اذا امورنا تمشي زي الحللاوة
المهم انا من الحظة هذي متضامن معاك او اقولك وش رايك نسويها تحدي من يقدر يجيب موعد با السفارة
قبل الثاني ( بس يا خوفي لا انا ولاانتي راح نطول شي ).... المهم عزائي الوحيد انة لايئس اذا كان الانسان متكل على الله ....
ما اتوقع انة نفس المشكلة با الرياض لانة ارقام الايام جالسة تتغير بين لحظة والثانية ******
المهم خليك متابعه على طول وراح تفرج وتذكر كلامي وتدعيلي *****************
وربنا يوفق الجميع .... [

هلا اخوي الكوري
جزاك الله خير ع كلامك رفع روحي المعنوية مع انة ما يندرى وش الخيرة فية؟ بس عادا الاصرار عندي عالي جدا في هلمواقف بعد الاستعانة بي الله طبعا.المشكلة ان كان عندي موعد زي الفل امس وبقهر ما قدرت اروح.
وان شاء الله كلنا نلقا خير وادعي لك .
بس ما اشوف احد خايف من الروحة بسبب المرض المواعيد زحمة ؟ هل كلامي صحيح ولا اتوهم؟؟
وبصراحة ما اقتنعت بكلام القنصلية حتى لو زحمة لية ما يطلع عدد الايام في الصفحة الرئيسية؟ شكل السبب ثاني-من طلع مرضهم وهم محتاسين

مثل حالتكم
دور موعد
بصدفه قبل شوي ونا احدث صفحة سفاره مكتوب ان فيه موعد بعد 6 ايام للطلاب
حاولت اللحق عليه ولافيه فايده
شوي ولقيت اقرب موعد 111 يوم

مرحبا وصباح الخير ... ها كيف الامور فية شي جديد ياا شباب
اليوم الصباح يا اخواني وانا مسنتر على الشاشة سعت(6:50) في المكتب طبعا وكل شوي احدث صفحة المواعيد كا العادة اليومية الى اسويها زي ما قلنا قبل كذا (صبح وليل ** وليل وصبح ) المهم شوي وانا جالس اطالع المعاملات الى على المكتب (طبعا حقت امس) :x1: وكذا اطالع الشاشة الى واشوف شي كذا اخضر وادقق النظر الى والله من جد يوم 7 جون اخضر :8888: ماني مصدق وبسرعة على الماوس واختار اليوم هذا وتفتح معاي صفحة التاكيد ولما وضعت التاكيد وفي لحظة وانا انتظر التاكيد والى اشوف شي غريب رجعني مرة ثانية لجدول المواعيد طبعا اكذب واصدق واكيد وبعدين:112: وبيني وبينكم الى الساعة ذي ماني مصدق طبعا الى فهمتة انة فية احد لقط الموعد زي العسل على قلبة يا رب...... المهم هذا الموقف خلاني انشب لهم من اليوم وطالع يا انا يا هم .
وزي ما قالت الاخت (nhk) اصبح الموضوع عناد ..... انا اقول ما تهم البعثة بس اجيب الفيزا
تحياتي لكم ونسمع اخبار حلوة عنكم .........