eng ms
30-11-2022 - 06:59 am
صباح الخير على احلى منتدى دى اول اشارك بعد ما شفت تعاونكو
انا كنت عايزة اروح شرم الشيخ انا و ماما (ملحوظة انا بنت :d )
و عشان احنا اتنين ستات مع بعض ف عايزاكو تعملولنا برنامج
انا عمرى ما رحت هناك قبل كدة بس لقيت فندقين عجبونى قريبين من خليج نعمة و سعرهم مناسب هما : فاكون نعمة باى و جراند فيفا ايه رايكو ايه احسن ؟
انا هقضى هناك 3 ليالى 4 اياه ان شاء الله
كنت عايزة اعرف اروح ازاى من القاهرة لحد الفنادق دى؟ احنا ممكن نروح ب هاى جيت
و المواصلة تاخد كام فى المشوار دة عشان ميضحكش علينا
و المواصلات هناك بتاخد كام ف المشوار عموما لو 5 دقايق بالتاكسى؟
انا رائى الفطار يبقى ف الفندق بعد كدة نعد ع البسبن و بعدين ع البحر و ننزل نلف ف خليج نعمة و ناكل ف كنتاكى او بيتزا هت
ايه الاماكن اللى ممكن تتراح هناك و اسعارها؟
ممكن تقولولى الانشطة هناك و اسعارها؟ مثلا السفارى و تنفعلنا ولا لا خصوصا اننا ستات بس؟ و فى سفن تلف بينا ف وسط البحر ( مش غواصات)؟ و ايه اسعار الحاجات دى؟
و ايه احسن المطاعم ف خليج نعمة و اسعارها؟
و اهم طلب فى ديسكوهات هناك فين؟ و اسعارها ايه؟ :d
و يا ترى لو عايزة اجيب مايوه محتشم شوية من القاهرة القاه فين؟؟
معلش انا اسالتى كتيرة و تعبتكو
فعلا الأسئله كتيره وحجاوب على اللي عارفه
أسعار الإتوبيسات سواء لشرم أو للغردقه بتكون موحده حسب الإتوبيس وموعده
فإقطعي التذكره من مكتب الشركه وتأكدي انه سعر ثابت
وميعاد التحرك بيكون دقيق فحاولي تكوني في محطة الإتوبيس قبل الموعد بوقت كافي
السفاري بيكون في الجبل ومعتقدش حيناسبكم طالما ستات لوحدكم
بخصوص المايوه المحتشم فبصراحه معرفوش وأهوه كله مايوه
وعلى رأي سعيد صالح