اخي العزيز انا اليوم بطرح لك هذا الموضع لجميع شركة ومؤسسة تاجير السيارات بالمملكة العربية السعوديو والبحرين
اخوك مختار اليماني

يا اخوان هذا الموضوع مهم جدا وعلى كثرة بحثي في المنتدى ما لقيت ما يشفي غليلي
اللي قريته ان في شركه اسمها سمارى توصل من الجسر الى البحرين ب 300 ريال للاتجاه الواحد اذا ما كان
0وانا اشوف انه سعر مبالغ فيه بالنسبة للشخص الواحد طيب يا اخوان انا سؤالي الحين انا لما اروح من الرياض الى مطار الدمام وش وسيلة المواصلات الارخص اللي توصلني البحرين سواء تاكسي باص اللي هو وياليت يكون يعني من مطار الدمام مباشره الى البحرين او الى مطار البحرين لان المسافه ما تستاهل 300 ريال وش هي ارخص وسيلة ممكن الواحد يروح فيها طبعا انا اعرف ان فيه محطة باصات في الدمام والباص من الدمام للبحرين 50 ريال السعر اشوفه مناسب بس عشان اخذ تاكسي من المطار الى محطة الباصات ما ادري كم بياخذ علي ياليت الاخوان اهل الشرقيه يفيدونا في هالموضوع

يعني باختصار لما اوصل مطار الدمام هل فيه اي وسيلة مواصلات توصلني البحرين من مطار الدمام مباشرة ويكون سعرها معقول باص او تاكسي

يعني باختصار انا ابي اروح من مطار الدمام الى البحرين وش هي ارخص وسيلة مواصلات سواء باص او تاكسي يوصلني البحرين مشكورين

اخوي كورلا .. فيه مكتب للنقل الجماعي اول ما تطلع من صالة القدوم عند البوابة و الباصات تحتري برا .. الاسعار ما ادري عنها .. بس انا متأكد انها تودي للبحرين .. بس يمكن عن طريق توقف في الدمام و تغيير الباص ..
يمكن هالمعلومة تفيدكم

هلا ومرحبا فيك اخوي كورلا
شوف يالغالي , من النقل الجماعي بمطار الملك فهد الدولي بالدمام الى محطة النقل بالدمام ب 12 ريال , ومن الدمام الى البحرين ب 50 ريال
يعني انت اول ماتطلع اركب النقل الجماعي ب 12 ريال الى محطة الدمام , وخلاص من هناك اطلع على البحرين
والسعر كله بيطلع عليك 62 ريال فقط من بينها 12 ريال من المطار للدمام , و50 ريال للبحرين
تحياتي لك: سلطان الشرقية

يعطيكم الف عافية على المعلومات مشكورين وما قصرتوا وآسف لإزعاجكم وجزاكم الله الف خير كفيتوا ووفيتوا

تحياتي لك من شارك واشكرك سلطان الشرقية لاكن وللة الحمد انتهيت من عملي بالبحرين مساء الخميس وكان ذهابي عصر الخميس على طيران الخليجية الساعة 5 ونص وسكنت فندق موفنبيك قريب من مطار البحرين وكان الفندق اكثر من رائع واخبرتني موظفة الرسبشن انة يوجد شركة تأجير سيارات واقلتني الى مطار الدمام وخرجت من الفندق بعد صلاة الجمعة مباشرة وسعر السيارة 400 ريال بصراحةغالية لاكن اللة المستعان لاكن تظل مشكلة المواصلات من البحرين الى الخبر وتعرفت على احد الشباب بنفس الفندق وذكر لي انزل مطار الدمام واستاجر سيارة مفوض للدخول للبحرين والفكرة جدا ممتازة لان الفرق بصراحة كبير وراح تخدمك السيارة بالتنقل داخل البحرين بسعر الذهاب والعودة للبحرين 1200 ريال والدمام 300 فقط ؟

فيه طريقتين وغير مكلفه
الأولى :
تستأجر سياره من داخل الخبر ب 70 ريال وتاخذ تصريح للسفر عن طريق البحرين
الثانية :
فيه شباب يوقفون في مواقف الجسر ( يترزقون الله ) يوصلونك داخل البحرين ما بين 100 إلى 200 ريال هذا اذا انت لحالك تبي واذا بياخذ معه كذا شخص تطلع التكلفه عليك ما بين 50 إلى 80 ريال