أفا 15 دخلو ولا أحد رد علي على العموم شكرا

والله يا اختي انا ما قد سرت هولندا علشان افيدج
لكنني ساير لها انشالله نهاية شهر أوغست لمدة ثلاثة أيام، وحجظت الفنادق فيها وخلصت ، واللي لاحظته انه هولندا وايد غاليه يعني تقريبا نفس باريس وأحيانا أغلى بصراحة وأحس أنه فترة اسبوعين وايد عليها يعني لو توزعينها مثلا اسبوع هولندا واسبوع بلجيكا بيكون أفضل لج,
اما بالنسبة للمدن اللي ممكن تزورينها غير أمستردام فعندج روتردام ولا هاي أو بالهولندي يسمونها (دنهاخ) واترخت مدينة الطلاب وايد يمدحونها وماسترخت بعد
بالنسبة للجو أعتقد بيكون شوية بريد يعني تقريبا نفس شتاكم في الشرقية بالذات هولندا وايد باردة حتى بالصيف.
أتمنى أكون أفدتج
بس تأكدي اسبوعين أعتقد أنه وايد على هولندا

شكرا اخوي على ردك وانك ماطنشتني وراح اخذ بنصايحك

أختي هولندا ترى حلوه كثير
وعلى فكرة أختي تدرس هناك في مدينة ماسترخت تقول كثير كثير حلو بس غالية شوي
والجو بارد عندهم يعني الحين حاليا درجة الحرارة 17 وعندهم مطر كثير بس المدينة كثير حلو وفيها مناطق للتمشي وكذا وأختي حجزت له عن طريق البحرين يطلع له أرخص والسوق فيها بعد كثير حلو والحين عندهم تخفضيات كثير ما شاء الله عليها أشتريت لنا أغراض كثير حلوه
بشكل عام المدينة كثير حلو بس الأجارات عندهم غالية بالنسبة للفنادق والله أعينك
ما أقدر أفيديك اكثر لأن اختي تويه هالسنه رايحه تدرس والحين أول مره بتنزل على الأسبوع الجاي أن شاء الله بس تنزل أخذ منه التفاصيل أكثر وأوفيش بآخر الآخبار وأن شاء الله تروحي وتنبسطي عالآخر

شكرا اختي دلوعة الشرقية وان شاء الله اختك توصل با السلامة واذا جات سلمي عليها ووافيني بأفضل النصائح

السلام عليكم
لقد غادرت هولندا اليوم وتوجهت لبروكسل هولندا جميلة فيها الكثير من المناطق السياحية
ولكن يعاب على امستردام جوها الملئ برائحة الحشيش والمحلات التي تبيع اشياء تنافي الادب والاسلام يخجل لها الجبين
اذا استطعت حمايه الصغار من رؤيتها فاذهبي فهي من اروع البلدان التي زرتها

شكرا للجميع وعساكم على القوة

الصراحة تبي نصيحتي
خلي هولندا عنش، ترى مرة غالية نار
انا رحت هولندا مع اختي وجلست معاها بس شهرين، لأن أختي مبتعثة وانا مرافق اليها، بس رجعت بعد شهرين. وبقت اختي هناك.
باختصار:
على الخطوط التركية تطلعي عليش مرة ارخص من غيرها بس تطلعي من البحرين الى اسطنبول ثم الى امستردام، انا مجرب. يعني الباكيج الواحد يطلع تقريبا 750 يورو ، اكيد كل ما زاد عدد الافراد الحاجزين معاكي راح يعملوا الك تخفيض.
صدقيني الحياة هناك مرة غالية حيل، واعتقد المبلغ الي عندك كأنه قليل شوي، لأنه في واحد من الشباب جا مع اخته، برضوا حق الدراسة، وصرف تقريبا 28000 ريال سعودي خلال شهر تقريباً، لأن المكافأة تأخرت شهر ونص تقريباً.
صدق هولندا حلوة،،،،،،،،،،،،،،،،،
أما أنا جلست مرة بخيل هناك على نفسي وعلى اختي، واستنى المكافأة تنزل، وتقريبا صرفت 22000 ريال سعودي خلال شهر.
السكن مرة صعب وهذا الي خلاني انفق فلوس كتيرة على الفنادق، طبعاُ انا اكلم عن مدينة خروننغن، وهذي المدينة مي غالية مثل امستردام.
يعني الفندق متوسطها الى الليلة الوحدة (ثنائي 85 الى 90 يورو)
الاكل الحلال يوجد بكثرة هناك
وفيها اماكن كثيرة حلوة وهايلة تخلييش توصلي الى درجة الاندهاش،،،،،،،،،،،،،،،،،،،،،،،،،،،
واي خدمة حاضرين

هولندا بلد رائعة وسياحية من الدرجة الاولى
والجو عندهم يبدأ بالبروده من شهر أغسطس
وشهر أكتوبر يكون بارد شوي
وملاحظة: أغلب الاماكن السياحية تبدأ بالاغلاق من منتصف أكتوبر
وشوفي توقيعي تجدين تقرير كامل وشامل عن هولندا