يار يت احد يجاوب
من الرياض الى الحدود السعودية
او لسوريا مباشرة

اهلين اخوي
بالنسبة للحدود فيه عندك شركة البسامي شركةة حلوة ومواعيدهم مظبوطة
والسعر على حسب من الخمسمية وحولها يمكن في المواسم يتعدى شوي
بس طول ما انت في الرياض مكاتب البسامي عندك في خريص وحده وعندك في الشفاء
رح واسلهم ويعلمونك متى تصل السيارة والتكلفة والخ انا بالنسبة لي تعاملت معهم كثير
خدمة حلوة ورهيبة ومواعيد مظبوطة
دمت بود

(( مسائكم ياسمين دمشقي ))
اخوي
هلا بك
بالنسبة لشحن السيارة انا ما قد جربتها بس اللي اعرفه
انه فيه شركات تشحن السيارة إلى حدود درعا
وبعدها لازم ولابد من حضور صاحب السيارة عشان يختمون على جوازه ويخلص اوراقها
وافضل الشركات هي البسامي والفايز
واعتقد ان الشحن إلى درعا ما يقل عن 2000 ريال
لكن اقترح عليك انك تشحنها إلى القريات
وسعر شحنها يمكن مو اقل من 700 ريال
وانت تلحق سيارتك طيران هذا طبعآ اذا حصلت حجز
والطريقة
اذا تبي تشحن عن طريق البسامي يعطونك اسم السواق اللي بيشحن السيارة تسويله
وكالة شرعية من المحكمة لتخليص السيارة واخراجها من السعودية والأردن وسوريا
( وكاله تخليص غير قابلة للبيع )
بعدها تدفع لهم المبلغ عشان يشحنونها لدرعا واذا وصلت انت تروح تستلمها من الحدود وتدفع جميع المبالغ المترتبة على التأمين والجمرك وغيرها اذا فيه شيء
تأخذها وتدخل فيها البلد
واذا تبي تشحنها بالعكس من سورية للسعودية تسوي نفس هالإجراءات والمبالغ يعني تسلمها بدرعا وتدفع مبلغ الشحن
واعتقد فيه مندوب للبسامي
ولازم يكون جوازك معاك بالذهاب والعودة
وممكن بعض المعلومات او الإجراءات تغيرت
لكن ومثل ما قال لك اخونا حمد كلم البسامي او غيره وإسألهم وإستفسر منهم
ورحلة موفقة

تم الاستفسار من قبل شركة البسامي
السيارة الصغيرة 500 ريال الى القريات والمدة خلال 5 ايام
السيارة الكبيرة 550 الى القريات ونفس المده
السيارة الصغيرة الى درعا الحدود السورية 1600 ريال لاي سيارة
و 2900 ذهاب واياب
علما بانه لازم تستلم السيارة في درعا