الحقيقه بالنسبه للسياره تقدرين تحجزين ليموزين ويا كثرها في اعلانات الوسيط والنص اسبوعيه
احدث مطعم مطعم طاجين في منتجع النخيل روعه وجديد كليا وتوه طازه بس الحجز ضروري جدا لانه مزدحم على طول
الحقيقه انا ارشح ميس الغانم او فريج صويلح احسن بعد لانه يقدم الاكل الكويتي اللي يحبونه اهل الخليج خاصه
وان شاء الله يوصلون بالسلامه

ناصر كويتي
مشكور أخوي وعساك ع القوة .. ماتقصر ..
بالنسبة لمطعم طاجن سمعت عنه بس للحين مارحت له ...
شكلي بحجز فيه قبل لا ييون وبجرب أكله ..
بالنسبة لميس الغانم مايعجبني اكلهم .. وفريج صويلح حلو بس اهم شبعانيين من اكل الكويتي
كل ماييون لازم الوالدة تعزمهم ويحبون طبخها .. فماضن بيكون فريج صويلح احلا ..
انزين أخوي .. ممكن آخذ رايك ب هالمطعم
شرايك ب تال اللي في موفينبك ...؟
اهو صحيح مو الأجدد بس جنه سمعت إنه أكله حلو .. فشقولك؟
بس والله دخلت في بالي مطعم طاجن اتوقع حلو ..
ننتظر رأيين عليه ونتوكل على الله .. مع ان رايك يكفي بس يعني زيادة الخير خيرين
وبالنسبة للسيارة .. مابي ليموزين .. ابي مرسيدس فئة S .. او BMW745 Li .. او بمستواهم ..
مشكور مرة ثانية وماتقصر ..

sullmish
شوفي اختي المطاعم المغربيه تمتاز بالطاجن فقط لا سلطات ولا مقبلات مميزه عندهم
موفنبيك اللي يعجبني فيه منطقه هاديه جدا وتصلح للعوايل لكن الطريق اليه صعب مع الشاحنات
بالنسبه للسياره هم تقدرين تحجزين اي سياره تبينها من الاعلانات الموجوده في جريده الاعلان
يبقى الراي رايج وانتي تعرفين شنو يحبون وشنو يكرهون
بس ميس الغانم اكله مو لذيذ اسمحيلي بالنقطه هذي بالعكس ميس الغانم دائما مبدع ومستواه عالي على طول
وفي بعد مطعم مغربي جديد في ابراج غاليه وعاليه في المنقف

في مطعم ( ستيكات ) وايد يمدحونه بالpalm في البدع . ( مو متاكد اذا بالpalm بس اهو بالبدع ) .
وعندج مطعم شهريار بالشيرتون .

طبعا كان المقصد من السؤال هو مطعم تال بموفيمبيك البدع
الحقيقة هو حلو لكن الاكل هندي وما اتصور إن الضيافة تصلح مع هذا المطعم
اتصور عند العزيمة الأنسب يكون المطعم لبناني
وأجمل أكل لبناني من وجهة نظري هو
1- ايام زمان فندق هوليدي إن السالمية
2- قصر يلدز ببرج حمود مقابل المثنى
3- فيلا فيروز الأكل روعة ومجدد ( ولكن يعيب المطعم صغر الحجم)
بالنسبة لتأجير السيارات ستجد في صحف الوسيط و808008 عدد من مكاتب التأجير وعادة يتراوح السعر من 30 إلى 60 دينار لليوم الكامل ( لكل من المرسيدس و البي إم والكايين)

انصحج ب فريج صويلح
جديد و حلو و أكله كويتي

هلا اختي
بالنسبة لليموزين عندج جريدة الوسيط والصفاة متروسة اتصلي وشوفي
وبالنسبة للمطعم
مطعم ياباني ماكي(مارينا ويفز)
هندي اشاز (مارينا كرسنت) لاتجربين تال اشاز احلى بوايد
لبناني فيلا فيروز او ايام زمان
بحري النوخذه وتوتالي فيش
ايطالي نينو البحر
ستيكات مطعم غاوتشو غريل بفندق النخيل وبموفنبيك البدع في مطعم انتروكوت له فرع بالفنار
الريوق خليه بلونوتر البحر
مطاعم فندق الشيراتون كلها حلوة
ادري دوختج بس هذي ديرتنا كلها مطاعم
تقبلي تحياتي

هلا فيج
بالنسبه للمطاعم كفوا ووفوا وخاصه اخوي الراشد
بالنسبه لي اذا عندي عزيمه عائليه احرص للذهاب إلى مطعم ايام زمان في فندق بلازا اللي بالفروانيه
الحين افتحوا فرع يديد بالسالميه بفندق هوليدي ان ..
ومطعم الطربوش في فندق الشيراتون روعه
طبعا كلها اذا عندج عزيمه لازم تحرصين على الحجز المسبق ..
وللسيارات عندج جريدة الوسيط
وهذي بعض الأرقام لمكاتب السيارات اخذتها من جريدة ويك اند
مكتب اوتوماكس ت: 5711150- 5665554-7717199
في فرعين بالسالميه وميدان حولي فيهم كافه السيارات اللي طلبتيها مرسيدس cl500 و cls500 ,BMW645
وموفقه يارب

ناصر كويتي
اكثركم قاعدين تنصحوني بالأكل اللبناني .. مع اني مو ذاك الزود مع اللبناني ..
ومافي احد ذكر لي المطعم الإيراني اللي بالأفنيوز مو حلو ان الواحد يعزم فيه ..؟
انا ماجربته بس قريت تقرير عنه واكثر من واحد امدحه ..
أحلى كيميائية .. والله ماقصرتي حبوبة ..
وانا الحين احترت ماني عارفة ..
تصدقين زوجي يمي يقول لي عزميهم على بيتزاهت
مشكورين كلكم والله اني مفتشله منكم وان شاء اردها لكم واحد واحد
أختكم أم عزيزان ،، من الكويت