marine_q8
كوشنج جزيرة هادئة جدا لا يوجد بها اي نشطات غير الغوص ورحلات للشلالات تصلح للاستجمام ذهبت لها قبل العام الماضي وسكنت في فندق جميل اسمه سي فيو النوم من العشا اي استفسار انا في الخدمة

سبق وزرتا تراها جزيرة استجمام على كلام اخوي الوفا يعني لاتحسب انها ديرة كبيرة ، في رأي اني اعطيها من يومين الى ثلاثة للبقاء فيها، الغالب عليها جو ممطر شواطئها جميلة و هادية ولكن لاتقارن بجمال جزر الجنوب التايلندي ،بالنسبة للمواصلات انا جيتها من بتايا بالسيارة ومن ثم العبارة ، المطار ما عندي علم صراحة بس ما توقع يكون في هالجزيرة الصغيرة مطار مدني .

تحياتي وبالتوفيق

يا جماعه شاكرلكم وما قصرتو بس في اسئله ابي اجابته؟؟ واكرر شكري لكم

marine_q8
انا اقول نصيحه كوشانج يوم واحد كافي وكاسموي يومين كافي كوشانج جزيره قريبه من بتايا ومافيها شي تملل
تبي نصيحتي جدولك كتالي الوصول الى بانكوك الذهاب الى بوكيت 7 ايام الذهاب الى كاسموي يومين العوده الى بانكوك الذهاب الى بتايا 7 ايام الذهاب الى كوشانج يوم والعوده الى بانكوك يومين وتكون الرحله منسقه بس تكوم 3 ايام بتايا وتروح ل كوشانج بالسياره تقريبا 3 ساعات تقعد فيها يوم وترد لبتايا 4 ايام
وتروح بانكوك وترد بيتكم وتقبل تحياتي

شاكرلكم المشاركه يا شباب وما قصرتو

marine_q8
ياهلا اخوي ،، مثل ماذكرو هادية جداً انا زرتها بالصيف الي طاف ،، ونمت المغرب بالغلط وقعدت 10 بليل وتحسفت الفندق كان مظلم ولا فيه شي ،، والحياة تقريباً توقف اهناك بليل !
الشاطئ والله ما اعرف نظامه لانه اغلب الناس مايقعدون الا جم يوم ،، الفندق الي سكنته " siam beach resort " خذينا الليلة ب 1500 والغرفه كانت دبل لشخصين ! والفندق كان عجيب وريوقهم عجيب وعندهم مساج عند المسبح !
الطيران ما اتوقعت فيه طيران ، خلها بعد بتايا ، تطلع تقريبا 4 ساعات وعبارة ماتحس بالبحر بنص ساعه !
احنا كنا محددين 4 رحلات وللأسف مارحنا الا للفيلة ساعتين ،، فيها الشلالات وفيها رحلة جزيرة القردة
والطيارة ،، تقدر تسأل الفندق عن هالرحلات !
وهذا جزء من تقريري الي مسويه لتايلند !
إسم الجزيرة : Koh Chang
المدة : يومين
التاريخ : 15-168

الخطه الي رسمناها لهل جزيرة مانجحت،
كنا مخصصين 4 رحلات لليومين ومرتبين الامور لكن ل ظروف اخذنا رحله وحده
وهي ركوب الفيله ل مده ساعتين + السباحه معهم !
وللأسف ماقدرت اجيب صور ولا فيديو لانه كل الربع طالعين !
والجزيره تكفي روعتها وطبيعتها !
طريقة الذهاب إليها عن طريق عبارة كبيره والمده تقريبا نص ساعه وماتحس فيها !


من بلكونه الفندق

شاطئ البحر
وفيه الكثير بس مراح احرقه عليك !
موقع الفندق
http://www.siambeachresort.in.th

هلا اخوي
زي ماقالو الاخوان جزيرة هادية جدا لالالا اهدا من الهادية وهي لازالت في طور السياحه
افضل فندق عندك الاماري ومنطقتة اكثر حركه ،،، ايضا هناك منطقة البلد يعني شارع فيه خدمات وسبورماركت ومطاعم خفيفه وكشكات للرحلات
مايميزها الهدوء التام والشلالات والشواطئ فقط ،،، في الهاي سيزون وموسم الاوربيين يكون هناك اكثر حركة
ممكن تروحلها طيران من بانكوك فقط على مدينة تارت ثم بالعبارة الى كوشانج
ومافيه رحلات من بوكيت لازم تمر بانكوك اول
تحياتي
دولي

الصراحه كفيتو ووفيتو ومشكورين وما قصرتو يا شباب