أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
والله انا زوجي قعد فيه و يقول عنه احليو بس مو وايد لكن مش بطال لكن الحين احنا نسكن في فنادق غير 5 ستار او اكثر لان اهم شي الراحه النفسيه وانظافه واشدد عليها لاني باموت لو الفندق مو نظيف
اختي بنت البحرين شوفي الفندق زين و اذا بتقارنينه بي فنادق دول الخليج بيعتبر من فئة 3 نجوم و الفندق موقعه زين يعني بتمشين من الفندق الى السوق ما يقارب 100 متر و في امام الفندق بقاله و شركة سفريات و في من الجهه الخلفيه لي الفندق باب يطلعج على طول على السوق و في بجانب الفندق مطعم في الهواء الطلق للعشاء الفندق زين بي المشكله فيه عيب واحد بيكون المصعد لان المصعد صاير وراء لان هو مبنين الاستقبال في مبني و المصعد في المبني الثاني بس لما اتروحين الى المصعد بيكون علي يمينك و يسارك محلات و كوفي و استراحه بس و ما فيه اى شي ثاني بس البوفيه مال الافطار بشوفينه كبير بس بتحتارين شو تاكلين لان الاكل مب مثل الاكل الي نحن ناكله هم غير اكلم ما ادري شقايل من هذا البوفيه بس بتستقرين على البيض و الجبن و الحليب و الخبز و العصير بشوفين العرب يمشون في البوفيه ما يعرفون شو يختارون لان البوفيه عود بس اكلم غير .
و الفندق بيكون قريب من المطاعم العربيه و قريب على مجمع رو بنسون و الكنتاكي و محطة القطار .
مشكور اخوي ماقصررت صراحة
وصف واضح
تقضد طريقة المصعد مثل ابرار مكة؟؟ يعني يكونون بعيد شوي !!
زين اخوي الحين الموقع ماعليه كلام
بس
اشلون عن نظافة الغرف؟؟
الخدمة؟
والفندق يسكنونه عوايل والا عزابية؟
انزين تتذكر اسماء فنادق جريبة من الفندق ؟
والله يعطيك العافية
هيه نفس ابراج مكه يعني اشوي ابعيد بس في باب ثاني بيكون قريب علي المصعد بس هذا الباب يبندونه بس ما اذكر الساعه يعني ما بين 9 او 10 في الليل .
من ناحية النظافه نظيف بس مثل ما قتلج مستوي 3 نجوم بالنسبه لي فنادق الخليج .
و عن الخدمه ممتازه انا ما شفت على الفندق شي بالعكس المعامله وايد زينه من الاستقبال و خدمة الغرف .
انا شافيت عويل خليجيين وايد في الفندق .
مجاور هذا الفندق فندق جراند برزدنت هذا فندق و فيه نظام شقق فندقيه بس غالي علي ما اذكر و الشقه تتكون من غرفتين و صاله و السعر تقريبا 500 درهم او زايد و فيه فندق امري بفراد هذا كله عرب فندق اماري انا ما شفته من داخل من ناحية الغرف انا شفته بس في الاستقبال و الي ساكنين فيه يقولون زين و هذا الفندق احي ما فيه انه قريب على المطاعم العربيه و على طول باب الفندق مقابلنه سوبر ماركت و فيه فنادق وايد جريبه على فندق امبسدور انا عندي خارطه اتوضح جميع الفنادق و المجمعات التجاريه الي في العاصمه بانكوك بس للاسف ما قدرت انزلن على الموقع
السلام عليكم
الصراحة فندق امباسدور ما عليه كلام وخاصة اذا كان فالبرج غرف كبيرة وواسعة ونظيفة لاني انا وهلي ما نحاتي شي غير النظافة وخاصة عزكم الله الحمام لانه من اهم الاشياء الصراحة .
انا انصح به رخيص وغاوي ونظيف .البوفيه اللي قال عنه اخوي احمد الاكل اللي مب النا مكتوب عليه واحنا مثل ماقال اخوي علينا بالبيض والعصير والخبز وغيرها من الاشياء الثانية اللي احنا متعودين عليها .
بنت البحرين
فندق الامباسادور ببانكوك
سكنته عده مرات , وأعرفه جيدا أختي الكريمة ...
المبني الرئيسي القديم ومبني البرج وهو اعلي من المبني الرئيسي
وكل منهما به مصاعد ومبني البرج أفضل
و بإمكانك الدخول من المبني الرئيسي وتمشين مسافة عبر المتاجر الفخمة بالدور الأرضي حتى تصلين لمصاعد البرج حوالي 100متر
لكن البرج يوجد له مدخل خاص بإمكانك ذكر ذلك للتاكسي فيقف بك أمام مدخل البرج يعني خمسه وعشرين مترا وأنت أمام المصعد
الفندق فخم أربع نجوم ,, ووقت ما كنت اسكنه كان ب 44 دولار بالتخفيض . وهذا منذ مده طويلة فاقترح أن تتأكدي من الأسعار ألآن ..
اعرف غرف البرج وهي التي سكنت بها كبيرة وممتازة والحمام روعه
والفندق قريب من المطاعم العربية الفندق بتفريعه 11 والمطاعم بتفريعه 3 ( نانا )
ويوجد مطعم هندي أسمه ( مرحبا ) علي مستوى عالي من النظافة وطيب الأكل عندهم الرز علي طريقه أهل الخليج وأسعاره فوق الوسط قليلا بتفريعه 7 علي مأذكر ان لم أكن واهما ,, عل كل تاكدى ...
والفندق بأسعاره هذه ومستواه ما يتحملونه العزابيه أختي الكريمة
معظم العزاب يبحثون علي الفنادق السياحية ألمخفضه لانخفاض أسعارها
والتوفير بالميزانية ....
والشارع الرئيسي اسمه ( سكوموفيت رود ) الذي عليه هذه التفريعات وهوشا رع تجاري مهم
تحياتي
DANG DOOT
